ICC Test Rankings: కోహ్లీ వెనక్కి... రోహిత్ శర్మ ముందుకు... టెస్టు ర్యాంకింగ్స్ ప్రకటించిన ICC... నంబర్‌వన్‌గా జో రూట్

ICC Test Rankings: ICC తాజాగా ప్రకటించిన టెస్టు ర్యాంకింగ్స్‌లో భారత పరుగుల యంత్రం, కెప్టెన్ విరాట్ కోహ్లీ టాప్  - 5లో చోటు కోల్పోయాడు. అంతేకాదు కోహ్లీని అధిగమించి రోహిత్ శర్మ ఐదో స్థానంలో నిలిచాడు. మరో వైపు భీకర ఫామ్‌లో ఉన్న ఇంగ్లాండ్ కెప్టెన్ జో రూట్ ఏకంగా అగ్రస్థానంలో నిలిచాడు.  

గత ఐదేళ్లలో టీమిండియా సారథి విరాట్ కోహ్లీ టాప్ - 5లో చోటు కోల్పోవడం ఇదే మొదటిసారి. ఇంగ్లాండ్ టూర్‌లో ఉన్న కోహ్లీ ఫామ్ లేమితో చాలా ఇబ్బంది పడుతున్నాడు. ఇప్పటి వరకు ఐదు ఇన్నింగ్స్‌లు ఆడిన అతడు ఒకే ఒక్క హాఫ్ సెంచరీ చేశాడు. రోహిత్ శర్మ కంటే 9 పాయింట్లు తక్కువగా ఉండటంతో ఆరో స్థానానికి పడిపోయాడు. ప్రస్తుతం కోహ్లీ ఖాతాలో 766 పాయింట్లు ఉన్నాయి. 

Other changes in the @MRFWorldwide ICC Men’s Test Player Rankings for the week:

🔹 Rohit Sharma overtakes Virat Kohli
🔹 James Anderson enters top five

Details 👉 https://t.co/woGyneJVGk pic.twitter.com/9mFl314BS8

— ICC (@ICC) September 1, 2021

ఓపెనర్‌గా రోహిత్ శర్మ స్థిరంగా రాణిస్తున్నాడు. రెండేళ్ల క్రితం రోహిత్ శర్మకి టెస్టుల్లో ఓపెనర్‌గా అవకాశం వచ్చింది. అప్పుడు అతడి ర్యాంకు 53. కానీ, రెండేళ్ల తర్వాత ఇప్పుడు టెస్టుల్లో టాప్ - 5 బ్యాట్స్‌మెన్లలో ఒకడిగా రోహిత్ శర్మ నిలిచాడు. ప్రస్తుతం రోహిత్ శర్మ ఖాతాలో 773 ర్యాంకింగ్ పాయింట్లు ఉన్నాయి.    

అగ్రస్థానంలో జో రూట్

ఇంగ్లాండ్ సారథి జో రూట్ ICC టెస్టు ర్యాంకింగ్స్‌లో అగ్రస్థానానికి దూసుకెళ్లాడు. ఆరేళ్ల తర్వాత రూట్ అగ్రస్థానంలో నిలిచాడు. ఈ ఏడాది ఆరంభంలో రూట్ తొమ్మిదో ర్యాంకులో ఉన్నాడు. ఇప్పుడు అతడు న్యూజిలాండ్ సారథి కేన్ విలియమ్సన్‌ను వెనక్కినెట్టి ఏకంగా నంబర్‌వన్‌గా నిలిచాడు. 916 పాయింట్లతో రూట్ అగ్రస్థానంలో నిలిచాడు. ఆ తర్వాత కేన్ విలియమ్సన్ (901), స్మిత్ (891) ఉన్నారు. 

👑 𝐀 𝐍𝐄𝐖 𝐍𝐎.𝟏 👑

England captain @root66 surges to the top spot in the @MRFWorldwide ICC Men's Test Player Rankings for batting 👏

More on his rise 👇

— ICC (@ICC) September 1, 2021

టాప్ 5లోకి దూసుకొచ్చిన అండర్సన్ 

భారత్‌తో జరుగుతోన్న టెస్టు సిరీస్‌లో అద్భుతమైన ప్రదర్శన చేస్తోన్న ఇంగ్లాండ్ బౌలర్ జేమ్స్ అండర్సన్ టాప్ - 5లో చోటు దక్కించుకున్నాడు. 813 పాయింట్లతో ప్రస్తుతం 5వ స్థానంలో కొనసాగుతున్నాడు. పాట్ కమిన్స్ (908) అగ్రస్థానంలో ఉండగా రవిచంద్రన్ అశ్విన్ (839) ఆ తర్వాతి స్థానంలో ఉన్నాడు. బుమ్రా 758 పాయింట్లతో టాప్  - 10లో చోటు దక్కించుకున్నాడు.