అన్వేషించండి

FIFA World Cup: ప్రపంచకప్‌ను మూడో స్థానంతో ముగించిన క్రొయేషియా - మొరాకోకు మళ్లీ మొండిచేయి!

ఫిఫా ప్రపంచకప్‌లో మూడో స్థానం కోసం జరిగిన మ్యాచ్‌లో క్రొయేషియా 2-1 తేడాతో మొరాకోను ఓడించింది.

By : ABP Desam | Updated at : 17 Dec 2022 11:09 PM (IST)

FIFA World Cup 2022: Croatia Defeat Morocco 2-1 To Finish Third Place FIFA World Cup: ప్రపంచకప్‌ను మూడో స్థానంతో ముగించిన క్రొయేషియా - మొరాకోకు మళ్లీ మొండిచేయి!

బంతి కోసం పోరాడుతున్న మొరాకో, ఫ్రాన్స్ ఆటగాళ్లు

FIFA World Cup 2022: ఫిఫా ప్రపంచకప్ 2022లో మూడో స్థానం కోసం జరిగిన మ్యాచ్‌లో క్రొయేషియా 2-1 తేడాతో మొరాకోను ఓడించింది. అద్భుతమైన స్ట్రైక్‌తో మిస్లావ్ ఓర్సిక్ గోల్ సాధించడంతో క్రొయేషియా విజయం సాధ్యం అయింది. ఏడో నిమిషంలో జోస్కో గ్వార్డియల్ గోల్ సాధించడంతో క్రొయేషియా 1-0తో ఆధిక్యంలోకి దూసుకెళ్లింది.

అయితే కేవలం రెండు నిమిషాల వ్యవధిలోనే అచ్రాఫ్ దారి గోల్ చేసి స్కోరును సమం చేశారు. అయితే 42వ నిమిషంలో క్రొయేషియా ఆటగాడు మిస్లావ్ ఓర్సిక్ గోల్ చేసి ఆధిక్యాన్ని 2-1కు పెంచింది. అయితే ఆ తర్వాత రెండు జట్లూ గోల్ సాధించలేకపోయాయి. దీంతో మ్యాచ్ క్రొయేషియా వశం అయింది. సెమీ ఫైనల్లో అర్జెంటీనా చేతిలో 3-0తో ఓడిపోయిన జట్టుకు క్రొయేషియా కోచ్ జాల్ట్కో దలిక్ ఐదు మార్పులు చేశారు.