FIFA WC 2022 Qatar: డెన్నార్క్ పై విజయం- 16ఏళ్ల తర్వాత నాకౌట్ చేరిన ఆస్ట్రేలియా

FIFA WC 2022 Qatar: ఫిఫా ప్రపంచకప్ లో ఆస్ట్రేలియా నిరీక్షణ ఫలించింది. 16 ఏళ్ల తర్వాత ఆ జట్టు ఈ మెగా టోర్నీలో నాకౌట్ కు చేరుకుంది. బుధవారం గ్రూప్- డి మ్యాచులో ఆస్ట్రేలియా 1-0 తో డెన్మార్క్ ను ఓడించింది.

ఆస్ట్రేలియా వర్సెస్ డెన్మార్క్ (source: twitter)

FIFA WC 2022 Qatar:  ఫిఫా ప్రపంచకప్ లో ఆస్ట్రేలియా నిరీక్షణ ఫలించింది. 16 ఏళ్ల తర్వాత ఆ జట్టు ఈ మెగా టోర్నీలో నాకౌట్ కు చేరుకుంది. బుధవారం గ్రూప్- డి మ్యాచులో ఆస్ట్రేలియా 1-0 తో డెన్మార్క్ ను ఓడించింది. ఈ విజయంతో  3 మ్యాచుల్లో రెండింటిలో గెలుపు, ఒక ఓటమితో రెండో స్థానంలో నిలిచి రౌండ్ ఆఫ్ 16కు చేరుకుంది. 

ప్రథమార్ధంలో డెన్మార్క్ ఎటాక్

ఈ మ్యాచ్‌లో తొలి అర్ధభాగంలో బంతి నియంత్రణ, ఎటాకింగ్‌లో ఆస్ట్రేలియా కన్నా డెన్మార్కే మెరుగ్గా కనిపించింది. తొలి 25 నిమిషాల్లోనే ఆ జట్టు మూడుసార్లు గోల్‌ ప్రయత్నం చేసింది. కానీ సఫలం కాలేకపోయింది. మరోవైపు ఆరంభంలో డిఫెన్స్‌లో బలహీనంగా కనిపించిన ఆస్ట్రేలియా నెమ్మదిగా జోరందుకుంది. ఒకవైపు డెన్మార్క్‌ దాడులను కాచుకుంటూనే ఎదురుదాడి చేసింది. అయితే ఈ రెండు జట్టు ప్రథమార్థంలో ఒక్క గోల్ చేయలేదు. 

రెండో అర్ధభాగంలో సంచలనం

ద్వితీయార్థంలో ఆస్ట్రేలియా ఓ సంచలన గోల్‌తో డెన్మార్క్‌ను కంగుతినిపించింది. మైదానం మధ్యలో బంతిని దొరకబుచ్చుకున్న మాథ్యూ లెక్‌కీ 60వ నిమిషంలో  మెరుపులా ప్రత్యర్థి గోల్‌ ప్రాంతానికి చొచ్చుకొచ్చాడు. అక్కడ అతడి ప్రయత్నాన్ని నిలువరించడానికి ఓ డెన్మార్క్‌ డిఫెండర్‌ గట్టిగానే ప్రయత్నించాడు. డ్రిబ్లింగ్‌తో మాయ చేసిన లెక్‌కీ.. అతడి కాళ్ల సందు నుంచి బంతిని తన్నేశాడు. గోల్‌ బాక్స్‌కు ఓ మూలగా దూసుకెళ్లిన ఆ బంతి డెన్మార్క్‌ కీపర్‌కు కూడా చిక్కకుండా గోల్ పోస్టులో పడింది. ఆఖరి వరకు ఆధిక్యాన్ని కాపాడుకుని ఆస్ట్రేలియా విజయం సాధించింది.  విజయాన్నిఅందుకుంది. 3 మ్యాచ్‌ల్లో 2 గెలుపు, ఒక ఓటమితో గ్రూప్‌-డిలో ఆస్ట్రేలియా రెండో స్థానంతో ముందంజ వేసింది. మరోవైపు 2 ఓటములు, ఓ డ్రాతో ప్రపంచ పదో ర్యాంకు జట్టు డెన్మార్క్‌ టోర్నీ నుంచి నిష్క్రమించింది.

The moment Australia qualified for the Round of 16 🇦🇺🫶#FIFAWorldCup | #Qatar2022

— FIFA World Cup (@FIFAWorldCup) November 30, 2022

• ఈ విజయంతో ఆస్ట్రేలియా వరుసగా 6 టోర్నమెంట్లలో వరుస విజయాలు సాధించిన జట్టుగా నిలిచింది.
•  డెన్మార్క్ ప్రపంచ కప్‌లో రెండోసారి (2010లో కూడా) గ్రూప్ దశల్లో నిష్క్రమించింది. అయితే టోర్నమెంట్‌లో వరుసగా గ్రూప్ దశ మ్యాచులను ఓడిపోవడం ఇదే తొలిసారి.
•  1990లో యుగోస్లేవియా, 2006లో ఉక్రెయిన్ తర్వాత టోర్నమెంట్‌లో తమ తొలి మ్యాచ్‌లో ఓడిపోయి.. 4 అంతకన్నా ఎక్కువ గోల్స్‌తో ప్రపంచ కప్‌లో నాకౌట్ చేరుకున్న మూడో జట్టు ఆస్ట్రేలియా.
• మాథ్యూ లెకీ అన్ని పోటీలలో (ప్రపంచ కప్‌లో మొదటిది) ఆస్ట్రేలియా తరపున తన 14వ గోల్‌ను సాధించాడు, సాకర్స్ ప్రపంచ కప్ జట్టులోని ఇతర ఆటగాళ్ళ కంటే కనీసం 5 ఎక్కువ గోల్స్ చేశాడు.
•  మూడు నిమిషాల 12 సెకన్ల తర్వాత అజీజ్ బెహిచ్ కు రిఫరీ ఎల్లో కార్డు చూపించారు. ఈ ప్రపంచకప్ లో ఆస్ట్రేలియా అతి తక్కువ సమయంలో ఎల్లో కార్డు చూపించుకున్న జట్టుగా నిలిచింది.