WTC Points Table: దగ్గరవుతున్న ప్రపంచ టెస్టు చాంపియన్ షిప్ ఫైనల్ - పాయింట్ల పట్టిక ఎలా ఉంది?
పాకిస్తాన్, న్యూజిలాండ్ మ్యాచ్ టీమిండియాపై ప్రభావం చూపిందా?
WTC Points Table: పాకిస్థాన్, న్యూజిలాండ్ మధ్య జరిగిన తొలి టెస్టు మ్యాచ్ డ్రాగా ముగిసింది. మ్యాచ్‌లో బ్యాట్స్‌మెన్ పూర్తిగా ఆధిపత్యం చెలాయించారు. మ్యాచ్ డ్రా అయిన తర్వాత కూడా ప్రపంచ టెస్ట్ ఛాంపియన్‌షిప్ పాయింట్ల పట్టికలో పెద్దగా మార్పు కనిపించలేదు. ఈ రెండు జట్లు ఇప్పుడు ఫైనల్ రేసుకు దూరంగా ఉన్నాయి. కాబట్టి వారి మధ్య జరిగే సిరీస్ ఫైనల్‌పై ఎటువంటి ప్రభావం చూపదు. పాయింట్ టేబుల్ తాజా పరిస్థితి ఏమిటో తెలుసుకుందాం.
పాయింట్ టేబుల్‌లో పాకిస్థాన్, న్యూజిలాండ్‌ల స్థానం
ఈ టెస్టు ఛాంపియన్‌షిప్‌లో పాకిస్థాన్ చివరి సిరీస్ ఆడుతోంది. ఇప్పటి వరకు నాలుగు మ్యాచ్‌లు గెలిచి ఆరింటిలో ఓడిపోయింది. మూడు మ్యాచ్‌లు డ్రా అయ్యాయి. పాకిస్తాన్ మొత్తం 60 పాయింట్లు సాధించింది, కానీ వారి స్కోరు శాతం 38.46 మాత్రమే ఉంది. వారు ఏడో స్థానంలో ఉన్నారు.
టెస్టు ఛాంపియన్‌షిప్ తొలి సీజన్‌లో చాంపియన్‌గా నిలిచిన న్యూజిలాండ్ ఐదో సిరీస్‌ను ఆడుతోంది. కివీస్ జట్టు ఈ చాంపియన్ షిప్‌లో రెండు మ్యాచ్‌ల్లో విజయం సాధించగా, ఆరింటిలో ఓడిపోయింది. రెండు మ్యాచ్‌లు డ్రా అయ్యాయి. వారు మొత్తం 32 పాయింట్లు సాధించారు. మార్కుల శాతం 26.67గా ఉంది. కివీస్ జట్టు పాయింట్ల పట్టికలో ఎనిమిదో స్థానంలో ఉంది.
ఫైనల్ నిర్ణయించే సిరీస్ అదే
ఐదో సిరీస్‌లో ఆడుతున్న ఆస్ట్రేలియా ఫైనల్‌లో తన స్థానాన్ని దాదాపుగా ఖాయం చేసుకుంది. కంగారూ జట్టు 10 మ్యాచ్‌లు గెలిచి ఒక్క మ్యాచ్‌లో ఓడిపోయింది. 78.57 పాయింట్ల శాతంతో ఆస్ట్రేలియా తదుపరి ఐదు టెస్టుల్లో ఒకదానిలోనైనా గెలిచినా లేదా డ్రా అయినా ఫైనల్స్‌కు చేరుకుంటుంది.
భారత జట్టు కూడా ఫైనల్స్‌కు వెళ్లే అవకాశాలు మెండుగా ఉన్నాయి. ఐదు సిరీస్‌ల్లో ఎనిమిది మ్యాచ్‌లు గెలిచిన భారత్ నాలుగింటిలో ఓడిపోయింది. వారికి 58.93 శాతం మార్కులు వచ్చాయి. దక్షిణాఫ్రికా వరుసగా రెండు మ్యాచ్‌ల్లో ఓడిపోవడంతో టీమిండియాకు ప్రయోజనం లభించింది.
View this post on Instagram
టాప్ హెడ్ లైన్స్
ట్రెండింగ్ వార్తలు
