Sachin Tendulkar: ఓటమికి అదే ప్రధాన కారణం, క్రికెట్ గాడ్ సచిన్ విశ్లేషణ
Sachin Tendulkar: టీమ్ఇండియా బ్యాటర్ల షాట్ల ఎంపిక సరిగ్గా లేదని క్రికెట్ గాడ్ సచిన్ టెండూల్కర్ విశ్లేషించాడు. బ్యాటింగ్కు అనుకూలంగా మారిన పిచ్పై భారత్ను కట్టడి చేయడం అద్భుతమేనని అన్నాడు.
సెంచూరియన్ వేదికగా భారత్తో జరిగిన తొలి టెస్టులో దక్షిణాఫ్రికా ఘన విజయం సాధించింది. టీమిండియా ఇన్నింగ్స్ 32 పరుగుల తేడాతో భారత్ పరాజయం పాలైంది. విరాట్ కోహ్లీ పోరాడినా టీమిండియాకు పరాజయం తప్పలేదు. దక్షిణాఫ్రికా పేసర్ల నిప్పులు చెరిగే బంతులకు భారత బ్యాటర్ల దగ్గర సమాధానమే కరువైంది. సఫారీలు తొలి ఇన్నింగ్స్లో 408 పరుగులకు ఆలౌటై 163 పరుగుల ఆధిక్యాన్ని సాధించారు. అనంతరం రెండో ఇన్నింగ్స్ ప్రారంభించిన భారత్.. సౌతాఫ్రికా పేసర్లు చెలరేగడంతో 131 పరుగులకే కుప్పకూలింది. రెండో ఇన్నింగ్స్లో విరాట్ కోహ్లీ (76) ఒక్కడే ఒంటరి పోరాటం చేశాడు. శుభ్మన్ గిల్ 26 పరుగులు చేశాడు. మిగతా ఆటగాళ్లలందరూ సింగిల్ డిజిట్ స్కోరుకే పరిమితమయ్యారు. అయితే ఈ ఓటమికి కారణాన్ని క్రికెట్ గాడ్ సచిన్ టెండూల్కర్ విశ్లేషించాడు.
షాట్ల ఎంపికే కారణమన్న క్రికెట్ గాడ్...
టీమ్ఇండియా బ్యాటర్ల షాట్ల ఎంపిక సరిగ్గా లేదని క్రికెట్ గాడ్ సచిన్ టెండూల్కర్ విశ్లేషించాడు. బ్యాటింగ్కు అనుకూలంగా మారినట్లు అనిపించిన పిచ్పై భారత్ను కట్టడి చేయడం అద్భుతమేనని అన్నాడు. తొలి ఇన్నింగ్స్ ముగిసిన తర్వాత దక్షిణాఫ్రికా కాస్త అసంతృప్తికి లోనై ఉంటుందని భావించానని... కానీ రెండో ఇన్నింగ్స్కు వచ్చేనాటికి వారి బౌలింగ్ మరింత పదునుదేలిందని అన్నాడు. డీన్ ఎల్గర్, జాన్సెన్, బెడింగ్హామ్ ప్రొటీస్ విజయంలో కీలకపాత్ర పోషించారని సచిన్ అన్నాడు. విరాట్ కోహ్లీ, కేఎల్ రాహుల్ మాత్రమే భారత్ తరఫున కీలక ఇన్నింగ్స్లు ఆడారని వారి నాణ్యమైన టెక్నిక్తో కఠినమైన పిచ్పై కూడా పరుగులు రాబట్టారన్నాడు. చివరికి దక్షిణాఫ్రికా అద్భుతంగా ఆడి విజయం సాధించింద సచిన్ ట్వీట్ చేశాడు.
మ్యాచ్ సాగిందిలా...
ఈ టెస్టు మ్యాచ్లో భారత్ తొలి ఇన్నింగ్స్లో245 పరుగులకు ఆలౌటైంది. రాహుల్ మినహా అత్యంత ప్రతికూల పరిస్థితుల్లో, కఠిన సవాళ్లను ఎదుర్కొని కేఎల్ రాహుల్ అద్భుత శతకంతో టీమిండియాకు గౌరవప్రమదమైన స్కోరు అందించాడు. పేసర్లకు స్వర్గధామంగా మారిన పిచ్పై ప్రత్యర్థి బౌలర్లను ఎదుర్కోవడంలో టాప్ఆర్డర్ విఫలమవడంతో జట్టు 92 పరుగులకే నాలుగు వికెట్లు కోల్పోయింది. అప్పుడు క్రీజులోకి వచ్చిన రాహుల్.. జట్టుకు పోరాడే స్కోరు అందించి చివరి వికెట్గా వెనుదిరిగాడు. అనంతరం తొలి ఇన్నింగ్స్ ప్రారంభించిన ప్రొటీస్ను ఎల్గర్ భారీ స్కోరు దిశగా నడిపించాడు. అశ్విన్ బౌలింగ్లో ఎల్గర్ ఇచ్చిన క్యాచ్ చేజారింది. శార్దూల్ ఠాకూర్ బౌలింగ్లో షార్ట్ పిచ్ బంతిని ఆడబోయిన ఎల్గర్ వికెట్ కీపర్కు దొరికిపోయాడు. భారీ శతకంతో ఇన్నింగ్స్ను నిర్మించిన డీన్ ఎల్గర్ 185 పరుగులు చేసి ఔటయ్యాడు. తొలి ఇన్నింగ్స్లో దక్షిణాఫ్రికా 163 పరుగుల ఆధిక్యం సంపాదించింది.
అనంతరం రెండో ఇన్నింగ్స్ ప్రారంభించిన భారత్.. సౌతాఫ్రికా పేసర్లు చెలరేగడంతో 131 పరుగులకే కుప్పకూలింది. రెండో ఇన్నింగ్స్లో విరాట్ కోహ్లీ (76) ఒక్కడే ఒంటరి పోరాటం చేశాడు. శుభ్మన్ గిల్ 26 పరుగులు చేశాడు. మిగతా ఆటగాళ్లలందరూ సింగిల్ డిజిట్ స్కోరుకే పరిమితమయ్యారు. దక్షిణాఫ్రికా బౌలర్లలో నండ్రీ బర్గర్ 4, మార్కో జాన్సెన్ 3, రబాడ 2 వికెట్లు తీశారు.
Before You Go
Ajinkya Rahane Reveals MS Dhoni's Secret | ధోనీ రూమ్ సీక్రెట్ రూల్ బయటపెట్టిన రహానే
టాప్ హెడ్ లైన్స్
ట్రెండింగ్ వార్తలు
