Shubman Gill : శుభమన్ గిల్ ఎంత ఆస్తి కలిగి ఉన్నాడు? ఎలా సంపాదిస్తాడు?
Shubman Gill : టీమిండియా టెస్టు క్రికెట్ కెప్టెన్ శుభ్మన్ గిల్ ఆస్తులు ఎంత ఉంటాయి. ఆదాయం ఎలా వస్తుందిలాంటి పూర్తి వివరాలు ఇక్కడ చూడండి.
Team India Test Captain Shubham Gill Net Worth: ఇంగ్లాండ్తో జరుగుతున్న టెస్టు సిరీస్లో శుభ్మన్ గిల్ నాయకత్వంలో టీమిండియా ఆడుతోంది. తొలుత బ్యాటింగ్ చేస్తోంది. భారత్ ఇన్నింగ్స్ను జైస్వాల్, కేఎల్ రాహుల్ ప్రారంభించారు. భారత టెస్ట్ జట్టుకు కెప్టెన్గా ఉన్న గిల్ గిల్ క్రికెట్ కెరీర్తో పాటు అతని వ్యక్తిగత జీవితం గురించి కూడా తెలుసుకోవాలని ప్రజలు గూగుల్లో సెర్చ్ చేస్తున్నారు. గిల్ ఒక విలాసవంతమైన జీవితాన్ని గడుపుతాడు. భారత జట్టు కోసం క్రికెట్ ఆడటంతోపాటు, గిల్ IPL నుంచి కూడా బాగా సంపాదిస్తున్నాడు. భారత జట్టు నిరంతరం రాణిస్తుండటంతో, గిల్ అనేక ఎండార్స్మెంట్లను కూడా పొందాడు, దీని ద్వారా గిల్ ఆదాయం మరింత పెరుగుతోంది. ఇటీవల, శుభ్మన్ గిల్ మెర్సిడెస్ బ్రాండ్ కారు ప్రకటనల్లో కూడా కనిపించాడు.
శుభ్మన్ గిల్ ఆదాయం
శుభ్మన్ గిల్ అంతర్జాతీయ కెరీర్ 2019లో ప్రారంభమైంది, అయితే గిల్ 2018లో అండర్-19 ప్రపంచ కప్లో తన సత్తా చాటాడు. ఆ టోర్నమెంట్లో గిల్ ఐదు మ్యాచ్ల్లో 372 పరుగులు చేశాడు. అలా మొదలైన శుభ్మన్ గిల్ ప్రయాణం నేడు టీమిండియా టెస్ట్ క్రికెట్లో మొత్తం భారత జట్టుకు నాయకత్వం వహించే స్థాయికి చేరుకున్నాడు. శుభ్మన్ గిల్, IPLలో గుజరాత్ టైటాన్స్ తరఫున కూడా కెప్టెన్గా వ్యవహరించాడు. గిల్ను 2018లో కోల్కతా నైట్ రైడర్స్ 1.8 కోట్ల రూపాయలకు కొనుగోలు చేసింది అతను మూడు సంవత్సరాల పాటు ఇదే జీతంతో KKR కోసం ఆడాడు.
గిల్ను 2022లో గుజరాత్ టైటాన్స్ 8 కోట్ల రూపాయలకు కొనుగోలు చేసింది. అప్పటి నుంచి ఇప్పటి వరకు చూస్తే, 2025 నాటికి శుభ్మన్ గిల్ IPL నుంచి వచ్చే ఆదాయం రెట్టింపు అయింది. గుజరాత్ IPL 18వ సీజన్లో తమ కెప్టెన్ను 16.5 కోట్ల రూపాయలకు రిటైన్ చేసుకుంది.
BCCI నుంచి గ్రేడ్ A కాంట్రాక్ట్ లభించింది
IPLతో పాటు, గిల్ టీమ్ ఇండియా కోసం ఆడినందుకు భారత క్రికెట్ కంట్రోల్ బోర్డ్ (BCCI) నుంచి కూడా డబ్బు సంపాదిస్తాడు. గత సంవత్సరం 2024లో, గిల్ BCCI గ్రేడ్-A కాంట్రాక్ట్లో చేరాడు, దీని ద్వారా అతను సంవత్సరానికి 7 కోట్ల రూపాయలు అందుకుంటాడు. దీనితో పాటు, గిల్ టాటా క్యాపిటల్, గిల్లెట్, భారత్ పే, మై 11 సర్కిల్ వంటి బ్రాండ్ల కోసం కూడా ప్రకటనలు చేస్తూ కనిపిస్తాడు. ఇప్పుడు గిల్ బ్యాట్పై CEAT స్థానంలో MRF ట్యాగ్ కూడా వచ్చింది. మీడియా నివేదికల ప్రకారం, గిల్ కార్ కలెక్షన్లో మహీంద్రా థార్, రేంజ్ రోవర్ SUV కూడా ఉన్నాయి.
భారత్, ఇంగ్లాండ్ మొదటి టెస్టు ప్రారంభానికి ముందు మీడియాతో మాట్లాడిన కెప్టెన్ శుభ్మాన్ గిల్... 'నేను ఈ సిరీస్లో బ్యాట్స్మన్గా ఆడటానికి వెళ్ళినప్పుడు, నేను ఈ జట్టుకు కెప్టెన్ని అని అనుకోకూడదనుకుంటున్నాను, ఎందుకంటే ఇది ఒత్తిడి పెంచుంతుంది.' అని అన్నాడు. 'నేను బ్యాట్స్మన్గా మాత్రమే ఆడాలనుకుంటున్నాను ప్రత్యర్థి జట్టుపై ఆధిపత్యం చెలాయించాలనుకుంటున్నాను. ఈ సిరీస్లో నంబర్ వన్ బ్యాట్స్మన్గా కూడా మారాలనుకుంటున్నాను' అని గిల్ ఇంకా అన్నారు.
టాప్ హెడ్ లైన్స్
ట్రెండింగ్ వార్తలు
