T20 world cup 2026: టీ20 వరల్డ్ కప్‌లో సంచలనం.. ఆస్ట్రేలియాపై జింబాబ్వే ఘన విజయం

Australia vs zimbabwe | టీ 20 ప్రపంచ కప్ 2026లో జింబాబ్వే జట్టు సంచలనం చేసింది. ఆస్ట్రేలియా జట్టుపై 23 పరుగుల తేడాతో ఓటమి పాలైంది. మోస్తరు టార్గెట్ ఛేదించలేక ఆలౌట్ అయింది.

ఆస్ట్రేలియాపై జింబాబ్వే ఘన విజయం

Source : x.com

టీ20 వరల్డ్ కప్ 2026లో సంచలనం నమోదైంది. పటిష్ట ఆస్ట్రేలియా జట్టుపై జింబాబ్వే విజయం సాధించింది. శుక్రవారం జరిగిన మ్యాచులో 23 పరుగుల తేడాతో ఆసీస్‌ను జింబాబ్వే జట్టు కంగుతినిపించింది. టీ20 వరల్డ్ కప్ లో ఆస్ట్రేలియా జట్టును జింబాబ్వే ఓడించడం ఇది రెండోసారి. గతంలో తొలి టీ 20 వరల్డ్ కప్ 2007లోనూ ఆసీస్ జట్టును జింబాబ్వే ఓడించింది. 2024 టీ20 వరల్డ్ కప్ లో ఆస్ట్రేలియా జట్టు మరో దారుణ ఓటమి చవిచూసింది. అఫ్గానిస్తాన్ చేతిలో ఓటమిపాలైంది. 

కొలంబో లోని ఆర్ ప్రేమదాస స్టేడియంలో జరిగిన లీగ్ స్టేజీ మ్యాచులో ఫస్ట్ బ్యాటింగ్ కు దిగిన జింబాబ్వే జట్టు 2 వికెట్ల నష్టానికి 169 పరుగులు చేసింది. 170 పరుగుల లక్ష్యంతో బ్యాటింగ్ కు దిగిన ఏ దశలోనూ రాణించలేకపోయింది. 13 పరుగులకు ఓపెనర్ జోష్ ఇంగ్లిష్ వికెట్ కోల్పోయింది. ఆ తరువాత వరుస విరామాల్లో బ్యాటర్లు పెవిలియన్ బాట పట్టారు. మ్యాట్ రెన్షా (65) హాఫ్ సెంచరీ చేయడంతో ఆసీస్ జట్టు 19.3 ఓవర్లకు 146 పరుగులు చేసి ఆలౌట్ అయింది.

Zimbabwe rise to the occasion with a brilliant all-round display to upset Australia 🙌#T20WorldCup 📝: https://t.co/my3UfBassW pic.twitter.com/jG7VfCHwot

— T20 World Cup (@T20WorldCup) February 13, 2026

రెన్షా రాణించకపోతే ఆసీస్ పరిస్థితి మరీ దారుణంగా ఉండేది. ముజర్ బని 4 ఓవర్లలో 17 పరుగులు ఇచ్చి 4 వికెట్లు తీశాడు బ్రాడ్ ఇవాన్స్ 3 వికెట్లు పడగొట్టాడు. మసకద్జ, ర్యాన్ బురి తలో వికెట్ తీశారు. జింబాబ్వే బౌలర్లు ముజర్ బని, ఇవాన్స్ రాణించడంతో ఆసీస్ కు ఓటమి తప్పలేదు.

టాస్ నెగ్గిన ఆస్ట్రేలియా కెప్టెన్ ట్రావిస్ హెడ్ బౌలింగ్ ఎంచుకున్నాడు. కానీ అది ఎంత పెద్ద తప్పో ఆసీస్ జట్టుకు తరువాత అర్థమైంది. జింబాబ్వేకు ఓపెనర్లు బ్రియాన్ బెన్నెట్ (56 బంతుల్లో 64 పరుగులు నాటౌట్, 7 ఫోర్లు) హఫ్ సెంచరీతో ఆకట్టుకున్నాడు. మరో ఓపెనర్ మరుమని (21 బంతుల్లో 35, 7 ఫోర్లు) శుభారంభం ఇచ్చారు. పవర్ ప్లేలో బాగా ఆడిన ఈ జోడీ 7.3 ఓవర్లలో 61 పరుగులు చేశాక మరుమని ఔటయ్యాడు. ఆతరువాత ర్యాన్ బర్ల్ (30 బంతుల్లో 35 పరుగులు, 4 ఫోర్లు)తో కలిసి ఇన్నింగ్స్ నడిపించాడు బెన్నెట్. రెండో వికెట్ కు 70 పరుగులు భాగస్వామ్యం చేశాక ర్యాన్ బర్ల్ ను కామెరూన్ గ్రీన్ ఔట్ చేశాడు. జింబాబ్వే బ్యాటర్లను ఔట్ చేయడానికి ఆసీస్ బౌలర్లు తీవ్రంగా శ్రమించాల్సి వచ్చింది. తరువాత మరో వికెట్ పడకుండా కెప్టెన్ సికందర్ రజా (13 బంతుల్లో 25 నాటౌట్, 2 ఫోర్లు, 1 సిక్స్ )తో కలిసి ఇన్నింగ్స్ నడిపించాడు బెన్నెట్. నిర్ణీత 20 ఓవర్లలో జింబాబ్వే 2 వికెట్లు కోల్పోయి 169 పరుగులు చేసింది. 

ఆసీస్ జట్టుకు ఇది పెద్ద టార్గెట్ కాదు అని అంతా భావించారు. కానీ అందరి అంచనాలు తలకిందులు చేస్తూ జింబాబ్వే బౌలర్లు సత్తా చాటారు. 13 పరుగుల వద్ద తొలి వికెట్ కోల్పోయింది. తరువాత కామెరూన్ గ్రీన్ డకౌట్ అయ్యాడు. ఆ వెంటనే టిమ్ డేవిడ్ సైతం డకౌట్ అయ్యాడు. టచ్ లోకి వచ్చినట్లు కనిపించిన ఆసీస్ కెప్టెన్ ట్రావిస్ హెడ్ (17)ను ఇవాన్స్ బౌల్డ్ చేశాడు. దాంతో ఆసీస్ ఏ దశలోనూ కోలుకున్నట్లు కనిపించలేదు. అయితే గ్లెన్ మాక్స్ వెల్ (31 బంతుల్లో 32), మ్యాట్ రెన్షా (65 పరుగులు, 44 బంతుల్లో 5 ఫోర్లు, 1 సిక్స్) 5వ వికెట్ కు 77 పరుగులు జోడించారు. స్టోయినిస్ (6), బెన్ డ్వార్ష్ (6) సైతం త్వరగా ఔటయ్యాడు. 

టీ20 వరల్డ్ కప్ 2026లో సంచలనం నమోదైంది. పటిష్ట ఆస్ట్రేలియా జట్టుపై జింబాబ్వే విజయం సాధించింది. శుక్రవారం జరిగిన మ్యాచులో 23 పరుగుల తేడాతో ఆసీస్‌ను జింబాబ్వే జట్టు కంగుతినిపించింది. టీ20 వరల్డ్ కప్ లో ఆస్ట్రేలియా జట్టును జింబాబ్వే ఓడించడం ఇది రెండోసారి. గతంలో తొలి టీ 20 వరల్డ్ కప్ 2007లోనూ ఆసీస్ జట్టును జింబాబ్వే ఓడించింది. కునెమన్ వికెట్ తీయడంతో ఆసీస్ 146 పరుగులకు ఆలౌట్ కావడం, మరోవైపు జింబాబ్వే శిబిరంలో సంబరాలు మొదలయ్యాయి.

 

మరిన్ని చదవండి

ఫిబ్రవరి 15న భారత్, పాక్ మహా సంగ్రామం.. T20 ప్రపంచ కప్‌లో ఎవరిది పైచేయి?

T20 ప్రపంచ కప్‌లో అతిపెద్ద విజయాన్ని నమోదు చేసిన టీమిండియా! నమీబియాపై ఘనవిజయం!