India vs South Africa: సూపర్ 8లో భారత్‌కు అతడు అగ్ని పరీక్ష! ఆ బలహీనతను అధిగమిస్తేనే విజయం

T20 world cup 2026 Ind vs Sa | దక్షిణాఫ్రికాతో మ్యాచ్‌లో టీమిండియా స్పిన్ బలహీనతను అధిగమించాలి. ముఖ్యంగా కేశవ్ మహారాజ్ బంతులకు సమాధానం చెబితే సూర్య సేనకు తిరుగుండదు.

సూపర్ 8లో భారత్, దక్షిణిఫ్రికా మ్యాచ్

Source : PTI

India vs South Africa: అహ్మదాబాద్: ఐసీసీ టీ20 వరల్డ్ కప్ 2026లో నిన్నటి నుంచి కీలక మ్యాచ్‌లు మొదలయ్యాయి. లీగ్ స్టేజీలో టాపర్ గా నిలిచిన టీమిండియా సూపర్-8లో తమ మొదటి మ్యాచ్‌ సౌతాఫ్రికాతో ఆడనుంది. ఈ దశలో అత్యంత కీలకమైన పోరుగా అంతా భావిస్తున్నారు. కెప్టెన్ సూర్యకుమార్ యాదవ్ కెప్టెన్సీలో భారత జట్టు ఇప్పటివరకు అద్భుత ప్రదర్శన చేసింది. పొట్టి ప్రపంచ కప్‌లో వరుసగా అమెరికా, పాకిస్థాన్, నమీబియా, నెదర్లాండ్స్ వంటి జట్లను ఓడించింది. అయితే ఈ వరుస విజయాలు సాధించినా.. జట్టు బలహీనత సైతం బయటపడింది.

స్పిన్ ముప్పు - ఆందోళన కలిగిస్తున్న అంశం
ఈ టోర్నమెంట్‌లో భారత బ్యాటర్లు స్పిన్ బౌలింగ్‌ను ఎదుర్కోవడంలో ఇబ్బంది పడ్డారు. పలు సందర్భాల్లో జట్టులోని టాప్ ఆర్డర్ బ్యాటర్లు స్పిన్నర్ల బౌలింగ్‌లో పరుగులు తీయడానికి తీవ్రంగా శ్రమిస్తున్నారు. అమెరికా, నమీబియా, నెదర్లాండ్ స్పిన్నర్లు సైతం భారత బ్యాటర్లను ఇబ్బంది పెట్టి వికెట్లు సాధించారు. ఈ పరిస్థితుల్లో, సూపర్-8లో సౌతాఫ్రికాతో జరిగే మ్యాచ్‌లో టీమిండియా ఈ బలహీనతను అదిగమిస్తేనే విజయం సాధ్యమవుతుంది. 

𝐀𝐡𝐦𝐞𝐝𝐚𝐛𝐚𝐝 𝐚𝐰𝐚𝐢𝐭𝐬 𝐚 𝐭𝐡𝐫𝐢𝐥𝐥𝐢𝐧𝐠 𝐒𝐮𝐩𝐞𝐫 𝟖 𝐜𝐥𝐚𝐬𝐡 ⏳#TeamIndia is all set and ready for #INDvSA 👊#T20WorldCup | #MenInBlue pic.twitter.com/ITVpUg9e9k

— BCCI (@BCCI) February 21, 2026

కేశవ్ మహారాజ్ 'గేమ్ ఛేంజర్'గా మారే ఛాన్స్
నేటి రాత్రి 7 గంటలకు అహ్మదాబాద్ లోని నరేంద్ర మోదీ స్టేడియంలో భారత్, దక్షిణాఫ్రికా జట్లు తలపడనున్నాయి. సాయంత్రం 6.30 గంటలకు టాస్ వేస్తారు. ఈ మ్యాచులో సఫారీ లెఫ్ట్ ఆర్మ్ స్పిన్నర్ కేశవ్ మహారాజ్ భారత్‌కు అతిపెద్ద ముప్పుగా మారే అవకాశం ఉంది. మహారాజ్ తన ఖచ్చితమైన లైన్ అండ్ లెంగ్త్ బౌలింగ్‌తో భారత బ్యాటర్లను స్వేచ్ఛగా ఆడనివ్వడు. ప్రస్తుతం స్పిన్ బౌలింగ్‌ ఆడటంతో ఇబ్బంది పడుతున్న టీమిండియా టాపార్డర్ కేశవ్ మహారాజ్‌ బౌలింగ్ ను సమర్థవంతంగా ఎదుర్కోవాలి. లేకపోతే అతడు సౌతాఫ్రికాకు ట్రంప్ కార్డ్‌గా మారవచ్చు.

భారత్‌తో ప్రత్యేక అనుబంధం
సఫారీ స్పిన్నర్ కేశవ్ మహారాజ్‌కు భారత్‌తో అనుబంధం ఉంది. అతడు సౌతాఫ్రికాలోని డర్బన్‌లో జన్మించినప్పటికీ, మహారాజ్ పూర్వీకులు భారత్‌కు చెందినవారు. విదేశాల్లో ఉంటున్నప్పటికీ, అతడు భారత సంస్కృతి, సంప్రదాయాలకు విలువ ఇస్తాడు. ఈ గడ్డ మీద అతడికి మంచి అనుభవం ఉంది. దాంతో భారత్‌తో ఆడే ఈ మ్యాచ్‌ను కేశవ్ మహారాజ్‌కు సైతం ప్రత్యేకం అని భావించవచ్చు.

కలిసిరానున్న అనుభవం

Stay Tuned for The Morkels as we gear up for the #INDvSA Super 8 clash in Ahmedabad! ⌛️

Coming 🔜#TeamIndia 🇮🇳 | #T20WorldCup | #MenInBlue pic.twitter.com/xqeWbNGNrX

— BCCI (@BCCI) February 21, 2026

36 ఏళ్ల మహారాజ్‌కు అంతర్జాతీయ క్రికెట్‌లో సుదీర్ఘ అనుభవం ఉంది. సౌతాఫ్రికా తరఫున ఇప్పటివరకు 60కి పైగా టెస్టులు, 50కి పైగా వన్డేలు, 50 వరకు టీ20 మ్యాచ్‌లలో ప్రాతినిథ్యం వహించాడు. 3 ఫార్మాట్లలో కలిపి కేశవ్ మహారాజ్ ఖాతాలో వందల వికెట్లు ఉన్నాయి. ఐపీఎల్ లో ఆడే కేశవ్ మహారాజ్ కు భారత పిచ్‌లపై పూర్తి అవగాహన ఉంది. కనుక అతడి బౌలింగ్ ను ఎదుర్కొనేందుకు సూర్య సేన సన్నద్ధమై రావాలి. లేకపోతే కీలక సమయంలో ఇబ్బందులు తప్పవు.

ఇప్పుడు టీ20 వరల్డ్ కప్ సూపర్-8లో ఈ కీలక మ్యాచ్‌లో ఇండియా టాపార్డర్ తన స్పిన్ బలహీనతను అధిగమిస్తుందా లేక కేశవ్ మహారాజ్ అనుభవం, స్పిన్ మ్యాజిక్‌తో మ్యాచ్ గమనాన్నే మారుస్తాడా అని అంతా ఆసక్తిగా ఎదురుచూస్తున్నారు.