Rohit Sharma: రోహిత్ ఖాతాలో అదిరిపోయే రికార్డు - క్రిస్ గేల్ తర్వాతి స్థానంలో!
భారత్, బంగ్లాదేశ్‌ల మధ్య జరిగిన రెండో వన్డేలో రోహిత్ శర్మ కొత్త రికార్డు సృష్టించాడు.
బంగ్లాదేశ్‌తో జరుగుతున్న రెండో వన్డేలో భారత జట్టు కెప్టెన్ రోహిత్ శర్మ అద్భుత ఇన్నింగ్స్ ఆడాడు. టీమిండియా కెప్టెన్ కేవలం 28 బంతుల్లో అజేయంగా 51 పరుగులు చేశాడు. తన ఇన్నింగ్స్‌లో మూడు ఫోర్లు, ఐదు సిక్సర్లు ఉన్నాయి. కానీ భారత జట్టు ఓటమిని చవిచూడాల్సి వచ్చింది. కానీ రోహిత్ శర్మ ఓ పెద్ద రికార్డును సృష్టించాడు. అంతర్జాతీయ క్రికెట్‌లో భారత కెప్టెన్ రోహిత్ శర్మ 500 సిక్సర్లు కొట్టడం విశేషం.
టీమిండియా కెప్టెన్ రోహిత్ శర్మ అంతర్జాతీయ క్రికెట్‌లో ఇప్పటివరకు 502 సిక్సర్లు బాదాడు. అంతర్జాతీయ క్రికెట్‌లో 500 సిక్సర్లు బాదిన రెండో ఆటగాడు రోహిత్ శర్మ. భారత కెప్టెన్ కంటే వెస్టిండీస్ మాజీ బ్యాటర్ క్రిస్ గేల్ ముందున్నాడు. క్రిస్ గేల్ 483 అంతర్జాతీయ మ్యాచ్‌ల్లో 553 సిక్సర్లు కొట్టాడు. రోహిత్ శర్మ ఇప్పటివరకు 428 అంతర్జాతీయ మ్యాచ్‌ల్లో 502 సిక్సర్లు బాదాడు.
ఈ జాబితాలో క్రిస్ గేల్, రోహిత్ శర్మ తర్వాత పాకిస్థాన్ మాజీ ఆల్ రౌండర్ షాహిద్ అఫ్రిది మూడో స్థానంలో నిలిచాడు. షాహిద్ అఫ్రిది 508 అంతర్జాతీయ మ్యాచ్‌ల్లో 476 సిక్సర్లు కొట్టాడు. వీరి తర్వాత అంతర్జాతీయ మ్యాచ్‌ల్లో అత్యధిక సిక్సర్లు బాదిన ఆటగాళ్ల జాబితాలో న్యూజిలాండ్ మాజీ కెప్టెన్ బ్రెండన్ మెకల్లమ్ ఉన్నాడు. బ్రెండన్ మెకల్లమ్ 474 అంతర్జాతీయ మ్యాచ్‌ల్లో 398 సిక్సర్లు కొట్టాడు. న్యూజిలాండ్ ఓపెనర్ మార్టిన్ గప్టిల్ 402 మ్యాచ్‌ల్లో 383 సిక్సర్లతో ఐదో స్థానంలో ఉన్నాడు.
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
and tablets
