IND Vs WI: భారత్, వెస్టిండీస్ మ్యాచ్కు వర్షం అంతరాయం - టీమిండియా బ్యాటింగ్ ఆర్డర్లో ఇష్టానుసారం మార్పులు!
భారత్, వెస్టిండీస్ జట్ల మధ్య జరుగుతున్న రెండో వన్డేకు వరుణుడు అంతరాయం కలిగించాడు.
ఇండియా, వెస్టిండీస్ రెండో వన్డేకు వర్షం కారణంగా ఆటంకం కలిగింది. వర్షం కారణంగా ఆట ఆగే సమయానికి భారత్ 24.1 ఓవర్లలో ఐదు వికెట్ల నష్టానికి 113 పరుగులు చేసింది. భారత్కు మంచి ప్రారంభం లభించినా కేవలం 23 పరుగుల తేడాలోనే ఐదు వికెట్లు కోల్పోయి కష్టాల్లో పడింది.
ఈ మ్యాచ్లో టాస్ గెలిచిన వెస్టిండీస్ మొదట బౌలింగ్ ఎంచుకుంది. దీంతో భారత్ మొదట బ్యాటింగ్కు దిగింది. ఓపెనర్లు ఇషాన్ కిషన్ (55: 55 బంతుల్లో, ఆరు ఫోర్లు, ఒక సిక్సర్), శుభ్మన్ గిల్ (34: 49 బంతుల్లో, ఐదు ఫోర్లు) టీమిండియాకు అదిరిపోయే ఆరంభాన్ని అందించారు. జేడెన్ సీల్స్ వేసిన నాలుగో ఓవర్లో రెండు ఫోర్లు కొట్టిన శుభ్మన్ గిల్ ఫాంలోకి వచ్చాడు. ఆ తర్వాత ఇషాన్ కిషన్ దూకుడుగా ఆడటం ప్రారంభించాడు. కైల్ మేయర్స్, జేడెన్ సీల్స్, అల్జారీ జోసెఫ్ ఇలా ప్రధాన బౌలర్లందరి బౌలింగ్లో ఫోర్లు సాధించాడు.
మోతీ వేసిన ఇన్నింగ్స్ 17వ ఓవర్ మొదటి బంతికి సింగిల్తో ఇషాన్ కిషన్ అర్థ సెంచరీ సాధించాడు. అదే ఓవర్ ఐదో బంతికి శుభ్మన్ గిల్ను అవుట్ చేసిన మోతీ వెస్టిండీస్కు మొదటి వికెట్ అందించాడు. అక్కడి నుంచి భారత్ పతనం ప్రారంభం అయింది. తర్వాతి ఓవర్లోనే రొమారియో షెపర్డ్ బౌలింగ్లో ఇషాన్ కిషన్ అవుటయ్యాడు. భారీ షాట్ కొట్టబోయి బ్యాక్వర్డ్ పాయింట్లో ఆలిక్ అథనజ్కు క్యాచ్ ఇచ్చాడు.
ఆశ్చర్యకరంగా అక్షర్ పటేల్ను (1: 8 బంతుల్లో) టీమిండియా కీలకమైన సెకండ్ డౌన్లో బ్యాటింగ్కు పంపింది. ఇటీవల కాలంలో ఏ జట్టు అయినా చేసిన అత్యంత ఘోరమైన వ్యూహాత్మక తప్పిదం ఏదైనా ఉంటే ఇదే అనుకోవచ్చు. ఎందుకంటే మరో మూడు నెలల్లో ప్రపంచ కప్ ప్రారంభం కానుంది. సెకండ్ డౌన్లో ఆడుతున్న శ్రేయస్ అయ్యర్ ప్రస్తుతం గాయపడ్డాడు. వరల్డ్ కప్లో ఆడటం కూడా డౌటే. ఇలాంటి సమయంలో ఒక స్పెషలిస్టు బ్యాటర్ను సెకండ్ డౌన్లో పరీక్షించకుండా స్పిన్ ఆల్రౌండర్ అయిన అక్షర్ పటేల్ను పంపారు. దీనిపై నెటిజన్లు కూడా తీవ్ర ఆగ్రహం వ్యక్తం చేస్తున్నారు. పోనీ అక్షర్ రాణించాడా అంటే అదీ లేదు. కేవలం ఒక్క పరుగు మాత్రమే చేసి అవుటయ్యాడు. దీంతో భారత్ మూడో వికెట్ కూడా కోల్పోయింది.
అనంతరం 24వ ఓవర్ ఆఖరి బంతికి హార్దిక్ పాండ్యా (7: 14 బంతుల్లో), 25వ ఓవర్ మొదటి బంతికి సంజు శామ్సన్ (9: 19 బంతుల్లో) అవుటయ్యారు. ఆ వెంటనే వర్షం పడటంతో ఆటకు అంతరాయం కలిగింది. అప్పటికి టీమిండియా 24.1 ఓవర్లలో ఐదు వికెట్లు నష్టపోయింది. క్రీజులో సూర్యకుమార్ యాదవ్ (0: 0 బంతుల్లో) ఉన్నాడు.
వెస్టిండీస్ తుది జట్టు
బ్రాండన్ కింగ్, కైల్ మేయర్స్, అలిక్ అథానాజ్, షాయ్ హోప్ (కెప్టెన్, వికెట్ కీపర్), షిమ్రాన్ హెట్మెయర్, కీసీ కార్టీ, రొమారియో షెపర్డ్, యానిక్ కరియా, గుడాకేష్ మోటీ, అల్జారీ జోసెఫ్, జేడెన్ సీల్స్
భారత్ తుది జట్టు
శుభమన్ గిల్, ఇషాన్ కిషన్ (వికెట్ కీపర్), సంజు శామ్సన్, హార్దిక్ పాండ్యా (కెప్టెన్), సూర్యకుమార్ యాదవ్, రవీంద్ర జడేజా, అక్షర్ పటేల్, శార్దూల్ ఠాకూర్, కుల్దీప్ యాదవ్, ఉమ్రాన్ మాలిక్, ముఖేష్ కుమార్
Before You Go
AB de Villiers comments On Gujarat Titans | గుజరాత్ టీమ్పై ఏబీ డివిలియర్స్ ఫైర్
టాప్ హెడ్ లైన్స్
ట్రెండింగ్ వార్తలు
