IND Vs AUS: ఇండోర్‌లో రికార్డులు బద్దల్ కొట్టిన భారత్ - కామెరాన్ గ్రీన్‌కు మర్చిపోలేని రోజు!
ఇండోర్‌లో ఆస్ట్రేలియా, భారత్ రెండో వన్డేలో కొన్ని రికార్డులు బద్దలయ్యాయి.
IND vs AUS Indore ODI Records: ఇండోర్‌లోని హోల్కర్ క్రికెట్ స్టేడియంలో భారత్, ఆస్ట్రేలియా జట్ల మధ్య మూడు వన్డేల వన్డే సిరీస్‌లో రెండో మ్యాచ్ జరుగుతోంది. ఈ మ్యాచ్‌లో ఆస్ట్రేలియా టాస్ గెలిచి ముందుగా బౌలింగ్ ఎంచుకుంది. బ్యాటింగ్‌కు దిగిన భారత జట్టు ఆస్ట్రేలియా బౌలర్లను చిత్తు చేసి నిర్ణీత 50 ఓవర్లలో ఐదు వికెట్లకు 399 పరుగులు చేసింది. దీంతో ఇండోర్‌లో అనేక రికార్డులు నమోదయ్యాయి.
భారత్ ఒక్క ఇన్నింగ్స్‌లో 18 సిక్సర్లు కొట్టారు
ఇండోర్ మ్యాచ్‌లో భారత జట్టు తొలి ఇన్నింగ్స్‌లో 18 సిక్సర్లు బాదిన సంగతి తెలిసిందే. ఇప్పటి వరకు భారత్ తన వన్డే క్రికెట్ చరిత్రలో భారత్ కొట్టిన గరిష్ట సిక్సర్ల సంఖ్య 19. వన్డేల్లో మూడు వేల సిక్సర్లు బాదిన తొలి జట్టుగా టీమిండియా రికార్డు సృష్టించింది.
వన్డే ఇన్నింగ్స్‌లో భారత్ అత్యధిక సిక్సర్లు బాదిన సందర్భాలు ఇవే
19 సిక్సర్లు- వర్సెస్ ఆస్ట్రేలియా, బెంగళూరు, 2013
19 సిక్సర్లు- వర్సెస్ న్యూజిలాండ్, ఇండోర్, 2023
18 సిక్సర్లు- వర్సెస్ బెర్ముడా, పోర్ట్ ఆఫ్ స్పెయిన్, 2007
18 సిక్సర్లు- వర్సెస్ న్యూజిలాండ్, క్రైస్ట్‌చర్చ్, 2009
18 సిక్సర్లు- వర్సెస్ ఆస్ట్రేలియా, ఇండోర్, 2023.
ఆస్ట్రేలియాపై నాలుగో అత్యధిక స్కోరు
ఆస్ట్రేలియాపై వన్డేల్లో అత్యధిక స్కోరు చేసిన నాలుగో జట్టుగా టీమిండియా నిలిచింది. 2018లో నాటింగ్‌హామ్‌లో జరిగిన మ్యాచ్‌లో ఇంగ్లండ్ క్రికెట్ జట్టు ఆస్ట్రేలియాపై అత్యధిక స్కోరు (481/6) చేసింది.
ఆస్ట్రేలియాతో వన్డేలో అత్యధిక స్కోరు
481/6 - ఇంగ్లాండ్, నాటింగ్‌హామ్, 2018
438/9 - దక్షిణాఫ్రికా, జోహన్నెస్‌బర్గ్, 2006
416/5 - దక్షిణాఫ్రికా, సెంచూరియన్, 2023
399/5 - టీమిండియా, ఇండోర్, 2023
383/6 - టీమిండియా, బెంగళూరు, 2013.
వన్డేలో ఆస్ట్రేలియా బౌలర్లలో అత్యంత ఖరీదైన ఓవర్
1987లో ఇంగ్లండ్‌పై ఆస్ట్రేలియా తరఫున సైమన్ డేవిస్ అత్యంత ఖరీదైన ఓవర్‌ని బౌల్ చేశాడు. సైమన్ డేవిస్ ఒక ఓవర్‌లో 26 పరుగులు సమర్పించుకున్నాడు. నేడు భారత్‌తో జరిగిన మ్యాచ్‌లో కామెరాన్ గ్రీన్ కూడా ఒకే ఓవర్‌లో 26 పరుగులు ఇచ్చాడు. ఆస్ట్రేలియా తరఫున అత్యంత ఖరీదైన ఓవర్‌ను బౌలింగ్ చేసిన బౌలర్‌గా సైమన్ డేవిస్, క్రెయిగ్ మెక్‌డెర్మాట్, జేవియర్ డోహెర్టీ, ఆడం జంపాల సరసన కామెరాన్ గ్రీన్ నిలిచాడు.
ఆస్ట్రేలియా తరఫున వన్డేల్లో అత్యంత ఖరీదైన ఓవర్ వేసిన బౌలర్లు
26 పరుగులు - సైమన్ డేవిస్ vs ఇంగ్లాండ్, పెర్త్, 1987
26 పరుగులు - క్రెయిగ్ మెక్‌డెర్మాట్ vs సౌత్ ఆఫ్రికా, సెంచూరియన్, 1994
26 పరుగులు - జేవియర్ డోహెర్టీ vs ఇండియా, బెంగళూరు, 2013
26 పరుగులు - ఆడమ్ జంపా vs సౌతాఫ్రికా, సెంచూరియన్, 2023
26 పరుగులు - కామెరాన్ గ్రీన్ vs ఇండియా, ఇండోర్, 2023.
వన్డేల్లో ఆస్ట్రేలియా తరఫున మూడో అత్యంత ఖరీదైన స్పెల్
కామెరాన్ గ్రీన్ ఆస్ట్రేలియా తరపున మూడో అత్యంత ఖరీదైన వన్డే స్పెల్ బౌలింగ్ చేసిన బౌలర్ అయ్యాడు. గ్రీన్ 10 ఓవర్లలో 103 పరుగులు సమర్పించుకున్నాడు. దీంతోపాటు రెండు వికెట్లు కూడా పడగొట్టాడు. వన్డేల్లో ఆస్ట్రేలియా తరఫున అత్యంత ఖరీదైన స్పెల్ 2006లో దక్షిణాఫ్రికాపై మిక్ లూయిస్ వేశాడు. మిక్ కేవలం 10 ఓవర్లలోనే 113 పరుగులు సమర్పించుకున్నాడు.
ఆస్ట్రేలియా నుంచి అత్యంత ఖరీదైన వన్డే స్పెల్
0/113 - మిక్ లూయిస్ vs సౌత్ ఆఫ్రికా, జోహన్నెస్‌బర్గ్, 2006
0/113 - ఆడమ్ జంపా vs సౌత్ ఆఫ్రికా, సెంచూరియన్, 2023
2/103 - కామెరాన్ గ్రీన్ vs ఇండియా, ఇండోర్, 2023
0/100 - ఆండ్రూ టై vs ఇంగ్లాండ్, నాటింగ్‌హామ్, 2018
3/92 - జే రిచర్డ్‌సన్ vs ఇంగ్లాండ్, నాటింగ్‌హామ్, 2018.
భారత్‌పై మూడో అత్యంత ఖరీదైన వన్డే స్పెల్
భారత్‌పై వన్డేల్లో అత్యంత ఖరీదైన స్పెల్ బౌలింగ్ చేసిన మూడో బౌలర్‌గా కామెరాన్ గ్రీన్ నిలిచాడు. కామెరాన్ గ్రీన్ 10 ఓవర్లలో 103 పరుగులు ఇచ్చాడు. ఈ సమయంలో అతను రెండు వికెట్లు తీశాడు. ఇప్పటి వరకు భారత్‌తో జరిగిన వన్డేల్లో అత్యంత ఖరీదైన స్పెల్‌ను శ్రీలంక ఆటగాడు నువాన్ ప్రదీప్ బౌలింగ్ చేశాడు. 2017లో మొహాలీలో భారత్‌తో జరిగిన వన్డేలో నువాన్ ఎలాంటి వికెట్ పడకుండా 10 ఓవర్లలో 106 పరుగులు చేశాడు.
భారత్‌తో జరిగిన వన్డేలో అత్యంత ఖరీదైన స్పెల్...
0/106 - నువాన్ ప్రదీప్ (శ్రీలంక), మొహాలి, 2017
0/105 - టిమ్ సౌతీ (న్యూజిలాండ్), క్రైస్ట్‌చర్చ్, 2009
2/103 - కామెరాన్ గ్రీన్ (ఆస్ట్రేలియా), ఇండోర్, 2023
3/100 - జాకబ్ డఫీ (న్యూజిలాండ్), ఇండోర్, 2023.
ఇండోర్‌లో రెండో అత్యధిక స్కోరు చేసిన భారత్
ఇండోర్‌లో భారత్ ఇప్పటి వరకు ఆరు వన్డేలు ఆడింది. ఈరోజు హెల్కర్ క్రికెట్ స్టేడియంలో టీమిండియా 7వ వన్డే మ్యాచ్ ఆడింది. ఇప్పటి వరకు 6 మ్యాచ్‌లు ఆడిన భారత్ ఐదు మ్యాచ్‌ల్లో తొలుత బ్యాటింగ్ చేసింది. తొలుత బ్యాటింగ్ చేసిన టీమిండియా ఇండోర్ మైదానంలో రెండో అత్యధిక స్కోరు సాధించింది. ఇండోర్‌లో ఆడిన ఆరు వన్డేల్లోనూ భారత్ విజయం సాధించింది.
ఇండోర్‌లో తొలుత బ్యాటింగ్ చేసిన భారత్ స్కోర్లు ఇలా...
292/9 vs ఇంగ్లాండ్, 2008
418/5 vs వెస్టిండీస్, 2012
247/9 vs దక్షిణాఫ్రికా, 2015
385/9 vs న్యూజిలాండ్, 2023
399/5 vs ఆస్ట్రేలియా, 2023.
టాప్ హెడ్ లైన్స్
ట్రెండింగ్ వార్తలు
