News
News
abp shortsABP షార్ట్స్వీడియోలు ఆటలు
X

Gambhir as Global Mentor: గౌతమ్‌ గంభీర్‌కు ప్రమోషన్‌! గ్లోబల్‌ మెంటార్‌గా ఎంపిక

టీమ్‌ఇండియా మాజీ క్రికెటర్‌ గౌతమ్‌ గంభీర్‌కు (Gautam Gambhir) ప్రమోషన్‌ వచ్చింది! సంజీవ్‌ గోయెంకా నేతృత్వంలోని ఆర్పీఎస్‌జీ గ్రూప్‌ (RPSG Group) అతడిని 'గ్లోబల్‌ మెంటార్‌'గా నియమించుకుంది.

FOLLOW US: 
Share:

Gambhir as Global Mentor: టీమ్‌ఇండియా మాజీ క్రికెటర్‌ గౌతమ్‌ గంభీర్‌కు (Gautam Gambhir) ప్రమోషన్‌ వచ్చింది! సంజీవ్‌ గోయెంకా నేతృత్వంలోని ఆర్పీఎస్‌జీ గ్రూప్‌ (RPSG Group) అతడిని 'గ్లోబల్‌ మెంటార్‌'గా నియమించుకుంది. అంటే ఎస్‌ఏ20 టోర్నీలో డర్బన్‌ సూపర్ జెయింట్స్‌కు అతడు మెంటార్‌గా వ్యవహరిస్తాడు. ఇండియన్‌ ప్రీమియర్‌ లీగులో అతడు లక్నో సూపర్‌ జెయింట్స్‌కు మెంటార్‌గా పనిచేసిన సంగతి తెలిసిందే.

ఇండియన్‌ ప్రీమియర్‌ లీగులోకి లక్నో సూపర్‌ జెయింట్స్‌ కొత్తగా వచ్చిన సంగతి తెలిసిందే. అరంగేట్రం సీజన్లోనే జట్టు ప్లేఆఫ్స్‌ చేరుకొని సత్తా చాటింది. ఇందుకు గౌతమ్‌ గంభీర్‌ మెంటారింగ్‌ కారణమని చెప్పొచ్చు. రెండుసార్లు ఐపీఎల్‌ గెలిపించిన అతడి అనుభవం ఎంతగానో ఉపయోగపడింది. కేఎల్‌ రాహుల్‌ కెప్టెన్సీకి అతడు మెరుగులు దిద్దాడు. అతడిలో దూకుడు పెంచాడు. స్ట్రాటజిక్‌ టైమ్‌ఔట్‌లో మైదానంలోకి వచ్చి కీలకమైన సలహాలు ఇచ్చాడు. మ్యాచులు ముగిశాక డ్రెస్సింగ్‌ రూమ్‌లో మాట్లాడాడు.

సంజీవ్‌ గోయెంకా గ్రూప్‌ దక్షిణాఫ్రికా టీ20 లీగులో డర్బన్‌ ఫ్రాంచైజీని కొనుగోలు చేసింది. అతి త్వరలోనే మ్యాచులు మొదలవ్వనున్నాయి. ఈ నేపథ్యంలో ఆ జట్టుకు గంభీర్‌ను మెంటార్‌గా ఎంపిక చేశారు. 'ప్రస్తుతం అంతర్జాతీయ క్రికెట్లోని అత్యంత చురుకైన బుర్రల్లో అతనొకడు. భారత పరిస్థితుల్లోనే కాకుండా అంతర్జాతీయంగా అతడు క్రికెట్‌కు విలువ తీసుకురాగలడు' అని ఆర్పీఎస్‌జీ గ్రూప్‌ తెలిపింది.

'నా ఐడియాలజీ ప్రకారం బృంద క్రీడల్లో పదవులకు ఎక్కువ పాత్రేమీ ఉండదు. ఒక జట్టు విజయం సాధించేందుకు అవసరమైన ప్రక్రియకు సాయపడేందుకే సహాయ బృందం ఉంటుంది. సూపర్‌ జెయింట్స్ గ్లోబల్‌ మెంటార్‌గా నేను మరింత బాధ్యత తీసుకుంటాను. గెలవాలన్న నా అభిరుచి, తీవ్రకు అంతర్జాతీయ రెక్కలు వచ్చాయి. ప్రపంచ వ్యాప్తంగా సూపర్‌ జెయింట్స్‌ కుటుంబం తనదైన ముద్ర వేయాలనుకుంటోంది. నాపై నమ్మకం ఉంచినందుకు సూపర్‌ జెయింట్స్‌కు కృతజ్ఞతలు. ఇకపై మరికొన్ని నిద్రలేని రాత్రులు గడపాలి' అని గంభీర్‌ అన్నాడు.

డర్బన్‌ ఫ్రాంచైజీ ప్రధాన కోచ్‌ లాన్స్‌ క్లూసెనర్‌తో కలిసి గంభీర్‌ పనిచేస్తాడు. ప్రొఫెషనల్‌ క్రికెట్‌కు సేవలందించేందుకు క్లూసెనర్‌ జింబాబ్వే పురుషుల జట్టు బ్యాటింగ్‌ కోచ్‌ పదవికి రాజీనామా చేశాడు. ప్రస్తుతం డర్బన్‌లో క్వింటన్‌డికాక్‌, జేసన్‌ హోల్డర్‌, కైల్‌ మేయర్స్‌, రీస్‌ టాప్లే, డ్వేన్‌ ప్రిటోరియస్‌, హెన్రిచ్‌ క్లాసెన్‌, కీమో పాల్‌, కేశవ్‌ మహారాజ్‌, కైల్‌ అబాట్‌, దిల్షాన్‌ మదుశనక, వియాన్‌ ముల్దర్‌ ఉన్నారు. వచ్చే ఏడాది జనవరి 10న ఎస్‌ఏ20 ఆరంభమవుతోంది. ఈ లీగులోని ఆరు జట్లనూ ఐపీఎల్‌ యజమానులే సొంతం చేసుకోవడం గమనార్హం.

Published at : 08 Oct 2022 12:18 PM (IST) Tags: Gautam Gambhir IPL lucknow supergiants Global Mentor Super Giants teams durban supergiants sa20

ఇవి కూడా చూడండి

ICC Test rankings: ఐసీసీ ర్యాంకింగ్స్‌లో జైస్వాల్‌ దూకుడు , అగ్రస్థానంలో బుమ్రా

ICC Test rankings: ఐసీసీ ర్యాంకింగ్స్‌లో జైస్వాల్‌ దూకుడు , అగ్రస్థానంలో బుమ్రా

Manoj Tiwary: బయటకు రా చూసుకుందాం, గంభీర్‌-మనోజ్‌ తివారీ గొడవ!

Manoj Tiwary: బయటకు రా చూసుకుందాం, గంభీర్‌-మనోజ్‌ తివారీ గొడవ!

Virat Kohli: అప్పుడే విరాట్‌ తనయుడి రికార్డ్‌, పాక్‌లోనూ సంబరాలు

Virat Kohli: అప్పుడే  విరాట్‌ తనయుడి రికార్డ్‌, పాక్‌లోనూ సంబరాలు

India England Test: నాలుగో టెస్ట్‌కు ఉగ్ర బెదిరింపు, రాంచీలో భద్రత కట్టుదిట్టం

India England Test: నాలుగో టెస్ట్‌కు ఉగ్ర బెదిరింపు, రాంచీలో భద్రత కట్టుదిట్టం

Akaay Kohli: విరూష్కల రెండో బిడ్డ అకాయ్ - ఈ పేరుకు అర్థం తెలుసా ?

Akaay Kohli: విరూష్కల రెండో బిడ్డ అకాయ్ - ఈ పేరుకు అర్థం తెలుసా ?

టాప్ స్టోరీస్

Rakul Preet Singh wedding: పెళ్లి ఫొటోలు విడుదల చేసిన రకుల్‌ - ఇకపై నువ్వు నా సొంతం అంటూ భర్తపై ప్రేమ..

Rakul Preet Singh wedding: పెళ్లి ఫొటోలు విడుదల చేసిన రకుల్‌ - ఇకపై నువ్వు నా సొంతం అంటూ భర్తపై ప్రేమ..

Singareni Jobs: నిరుద్యోగులకు గుడ్‌న్యూస్ -త్వరలోనే సింగ‌రేణిలో పోస్టుల‌కు నోటిఫికేష‌న్లు: డిప్యూటీ సీఎం భట్టి

Singareni Jobs: నిరుద్యోగులకు గుడ్‌న్యూస్ -త్వరలోనే సింగ‌రేణిలో పోస్టుల‌కు నోటిఫికేష‌న్లు: డిప్యూటీ సీఎం భట్టి

Congress Candidate: లోక్‌సభకు కాంగ్రెస్ తొలి అభ్యర్థిని ప్రకటించిన రేవంత్‌ రెడ్డి, ఆయన ఎవరంటే!

Congress Candidate: లోక్‌సభకు కాంగ్రెస్ తొలి అభ్యర్థిని ప్రకటించిన రేవంత్‌ రెడ్డి, ఆయన ఎవరంటే!

Mahesh Babu: మహేష్ బాబు ఫ్యాన్స్‌కు బ్యాడ్ న్యూస్ - మార్చి నుంచి ఆ త్యాగం చేయక తప్పదు!

Mahesh Babu: మహేష్ బాబు ఫ్యాన్స్‌కు బ్యాడ్ న్యూస్ - మార్చి నుంచి ఆ త్యాగం చేయక తప్పదు!