అన్వేషించండి
Advertisement
![ABP Premium](https://cdn.abplive.com/imagebank/Premium-ad-Icon.png)
Cricket World Cup 2023: ప్రపంచకప్ రౌండ్రాబిన్ సాగుతుందిలా, అన్ని జట్లకు అగ్నిపరీక్షే! ప్రతీ పాయింట్ కీలకమే
వన్డే ప్రపంచకప్ రౌండ్రాబిన్లో 10 జట్లు తొమ్మిది మ్యాచ్లు
![Cricket World Cup 2023: ప్రపంచకప్ రౌండ్రాబిన్ సాగుతుందిలా, అన్ని జట్లకు అగ్నిపరీక్షే! ప్రతీ పాయింట్ కీలకమే cricket world cup 2023 what is the round robin stage and all you need to know about the format Cricket World Cup 2023: ప్రపంచకప్ రౌండ్రాబిన్ సాగుతుందిలా, అన్ని జట్లకు అగ్నిపరీక్షే! ప్రతీ పాయింట్ కీలకమే](https://feeds.abplive.com/onecms/images/uploaded-images/2023/10/05/bc64e956a7ed99789d99f822713e16481696515794133872_original.jpeg?impolicy=abp_cdn&imwidth=1200&height=675)
cricket world cup 2023 what is the round robin stage and all you need to know about the format
క్రికెట్ అభిమానుల పండుగ వచ్చేసింది. నాలుగేళ్ల ఎదురుచూస్తున్న వన్డే వరల్డ్కప్ ప్రారంభమైంది. పది జట్లు... పది వేదికలు.. ఒక్క కప్... ఇప్పుడు అందరిచూపు దీనిపైనే వీటిపైనే ఉంది. స్వదేశంలో కప్పును కైవసం చేసుకోవాలని భారత్ పట్టుదలగా ఉండగా.. ప్రపంచ క్రికెట్లో నవ శకం ప్రారంభించాలని మిగిలిన జట్లు ఉవ్విళ్లూరుతున్నాయి. ఈసారి పది జట్లు.. రౌండ్రాబిన్ పద్దతిలో పోటీ పడనున్నాయి. అయితే ఈ రౌండ్ రాబిన్ లీగ్లో మ్యాచ్లు ఎలా జరుగుతాయి.. ఒకవేళ మ్యాచ్ టై అయితే సూపర్ ఓవర్ ఉంటుందా... రద్దైతే జట్టుకు ఎన్ని పాయింట్లు కేటాయిస్తారు.. ఇలాంటి ప్రశ్నలు సామాన్య క్రికెట్ అభిమానికి వస్తుంటాయి. అసలు రౌండ్ రాబిన్ మ్యాచ్లు ఎలా జరుగుతాయో తెలుసుకుందాం.
రౌండ్ రాబిన్ మ్యాచ్లు ఇలా జరుగుతాయ్..
ఈసారి ప్రపంచకప్లో మొత్తం పది జట్లు పోటీ పడుతున్నాయి. 45 రోజుల పాటు మొత్తం 48 మ్యాచ్లు జరుగుతాయి. ఇందులో లీగ్ దశలో 45 మ్యాచ్లు ఉన్నాయి. మిగిలిన మూడు నాకౌట్ మ్యాచ్లు. మొత్తం పది జట్లు రౌండ్ రాబిన్ పద్దతిలో మిగిలిన అన్ని జట్లతో ఒక్కో మ్యాచ్ ఆడుతుంది. అంటే ఒక్కో జట్టు..లీగ్ దశలో మిగిలిన తొమ్మిది జట్లతో ఒక్కో మ్యాచ్ అడుతుంది. లీగ్ దశలో గెలిచిన ప్రతీ మ్యాచ్కు జట్టుకు రెండు పాయింట్లు కేటాయిస్తారు. రౌండ్ రాబిన్ ఫార్మట్లో మ్యాచ్ టైగా ముగిస్తే ఇరు జట్లకు ఒక్కొక్కరికి పాయింట్ ఇస్తారు. మ్యాచ్ రద్దైనా ఒక్క పాయింట్ కేటాయిస్తారు. ఇలా పాయింట్లలో తొలి నాలుగు స్థానాల్లో ఉన్న జట్లు సెమీస్లో తలపడతాయి. పాయింట్ల పట్టికలో తొలిస్థానంలో నిలిచిన జట్టు నాలుగో స్థానంలో నిలిచిన జట్టుతో.. రెండో స్థానంలో నిలిచిన జట్టు.. మూడో స్థానంలో నిలిచిన జట్టుతో సెమీస్లో తలపడుతుంది. సెమీస్లో గెలిచిన జట్లు ఫైనల్లో ప్రపంచకప్ కోసం తలపడతాయి.
నాకౌట్లో అలా ఉండదు
రౌండ్ రాబిన్లో మ్యాచ్ టై అయితే సూపర్ ఓవర్ పెడతారు. అది కూడా టై అయితే ఇరు జట్లకు చేరో పాయింట్ కేటాయిస్తారు. కానీ నాకౌట్లో అలా ఉండదు. నాకౌట్లో మ్యాచ్ టై అయితే సూపర్ ఓవర్ నిర్వహిస్తారు. సూపర్ ఓవర్ కూడా టై అయితే ఫలితం వచ్చే వరకూ సూపర్ ఓవర్ నిర్వహిస్తారు. అలా ఫలితం తేలేవరకు సూపర్ ఓవర్ నిర్వహించి ఫలితాన్ని తేలుస్తారు.
కప్పు కోసం పోటీ పడే జట్లు ఇవే
భారత్, ఆఫ్ఘానిస్తాన్, ఆస్ట్రేలియా, బంగ్లాదేశ్, ఇంగ్లండ్, నెదర్లాండ్స్, న్యూజిలాండ్, పాకిస్థాన్, దక్షిణాఫ్రికా, శ్రీలంక పది జట్లు పాల్గొంటున్నాయి. ఇందులో మొదటి ఎనిమిది స్థానాల్లో నిలిచిన జట్లు నేరుగా ప్రపంచకప్లో పాల్గొంటుండగా... క్వాలిఫయర్ల ద్వారా శ్రీలంక, నెదర్లాండ్స్ వన్డే ప్రపంచకప్లో చేరాయి.
పది వేదికల్లో మ్యాచ్లు...
అహ్మదాబాద్ నరేంద్ర మోదీ స్టేడియం, బెంగళూరు చిన్నస్వామి స్టేడియం, చెన్నై చిదంబరం స్టేడియం, ఢిల్లీ అరుణ్ జైట్లీ స్టేడియం, ధర్మశాల హిమాచల్ ప్రదేశ్ క్రికెట్ అసోసియేషన్ స్టేడియం, హైదరాబాద్ రాజీవ్గాంధీ స్టేడియం, కోల్కతా ఈడెన్ గార్డెన్స్, లక్నో వాజ్పేయి స్టేడియం, ముంబై వాంఖడే స్టేడియం, పూణె మహారాష్ట్ర క్రికెట్ స్టేడియాలు ప్రపంచకప్ మ్యాచ్లకు ఆతిథ్యం ఇవ్వనున్నాయి.
Khelo khul ke, sab bhool ke - only on Games Live
మరిన్ని చూడండి
Advertisement
టాప్ హెడ్ లైన్స్
క్రికెట్
రాజమండ్రి
ఎడ్యుకేషన్
సినిమా
Advertisement
Advertisement
ట్రెండింగ్ వార్తలు
Advertisement
![ABP Premium](https://cdn.abplive.com/imagebank/metaverse-mid.png)