అన్వేషించండి

Zodiac Signs: ఏ నక్షత్రం వారికి ఏ అక్షరంతో పేరు పెట్టాలంటే..

నక్షత్రం ఏంటన్నది కొందరికి క్లారిటీ ఉండదు. మరికొందరికి నక్షత్రం తెలిసినా ఏ రాశి అన్నది తెలియదు. ఇలాంటి వారు తమ పేరులో మొదటి అక్షరం ఆధారంగా వారి నక్షత్రం, రాశి తెలుసుకోవచ్చు… ఎలా అంటే..

By : ABP Desam | Edited By: RamaLakshmibai | Updated at : 29 Dec 2021 03:02 PM (IST)

Zodiac Signs

జాతక ఫలితాల కోసం సాధారణంగా నక్షత్రాలను పరిశీలుస్తుంటారు. మంచి చెడులు చూడాలన్నా, ముహూర్తం నిర్ణయించాలన్నా మీ నక్షత్రం ఏంటి, రాశి ఏంటని అడుగుతుంటారు. ఇక్కడే కొంతమంది గందరగోళానికి గురవుతుంటారు. ఎందుకంటే పిల్లలు పుట్టిన సమయంలో ఉండే నక్షత్రానికి సంబంధించిన అక్షరంతో పేరు నిర్ణయిస్తారు. మరికొందరు నక్షత్రం గుర్తుంటుందనే ఉద్దేశంతో పిల్లలకు నచ్చిన పేర్లు ( నక్షత్రానికి సంబంధించని అక్షరంతో) పెట్టుకుంటారు. అందుకే నామ నక్షత్రం, జన్మ నక్షత్రం అంటాం. నక్షత్రం ఏంటో తెలిసిన వారికి రాశి విషయంలో, అసలు నక్షత్రమే తెలియని వారికి పేరు ఆధారంగా ఎలా తెలుసుకోవాలో అన్నది కొంత కన్ఫ్యూజన్ ఉంటుంది.

Also Read: 2022 లో ఈ నాలుగు రాశుల వారు అన్నింటా విజయం సాధిస్తారు, ఆరోగ్యంపై శ్రద్ధ అవసరం..

మొత్తం 27 నక్షత్రాలు..12 రాశులు....
ఒక్కో నక్షత్రంలో నాలుగు పాదాలుంటాయి. ఒక్కో రాశిలో 9 పాదాలుంటాయి.
నక్షత్రం తెలిసిన వారు మీ రాశి ఏంటో ఇక్కడ చూసుకోవచ్చు...
ఒక్కో నక్షత్రానికి నాలుగు పాదాలుంటాయని చెప్పుకున్నాం కదా. ఓ నక్షత్రం కాస్త అటు ఇటుగా 24 గంటలు ఉంటుంది. 24 ని నాలుగు భాగాలు చేస్తే 6 గంటలు. అంటే నక్షత్రంలో మొదటి 6 గంటలు మొదటి పాదం, తర్వాతి 6 గంటలు రెండో పాదం, మూడో ఆరోగంటలు మూడోపాదం..ఆఖరి 6 గంటలు నాలుగోపాదం. మీ పాదాన్ని బట్టి మీ రాశి మారుతుందని గమనించగలరు.

Also Read: ఈ రాశులవారు మహా తెలివైనోళ్లు.. వ్యూహాలు రచిస్తే తిరుగులేదు...
రాశి నక్షత్రం
మేషం - అశ్విని, భరణి, కృత్తిక మొదటి పాదం
వృషభం - కృత్తిక 2,3,4 పాదాలు, రోహిణి, మృగశిర 1,2 పాదాలు
మిధునం -మృగశిర 3,4 పాదాలు, ఆరుద్ర, పునర్వసు 1,2,3 పాదాలు
కర్కాటకం - పునర్వసు నాలుగో పాదం, పుష్యమి, ఆశ్లేష
సింహం -మఘ, పుబ్బ(పూర్వ ఫల్గుణి), ఉత్తర(ఉత్తర ఫల్గుణి)1వ పాదం
కన్య -ఉత్తర(ఉత్తర ఫల్గుణి) 2,3,4 పాదాలు, హస్త, చిత్త 1,2 పాదాలు
తుల -చిత్త 3,4 పాదాలు, స్వాతి, విశాఖ 1,2,3 పాదాలు
వృశ్చికం -విశాఖ 4వ పాదం, అనురాధ, జ్యేష్ఠ
ధనస్సు -మూల, పూర్వాషాఢ, ఉత్తరాషాఢ 1వ పాదం
మకరం -ఉత్తరాషాఢ 2,3,4 పాదాలు, శ్రవణం, ధనిష్ఠ 1,2 పాదాలు
కుంభం -ధనిష్ఠ 3,4 పాదాలు, శతభిషం, పూర్వాభాద్ర 1,2,3 పాదాలు
మీనం -పూర్వాభాద్ర 4వ పాదం, ఉత్తరాభాద్ర, రేవతి

Also Read: ఈ రాశుల్లో పుట్టిన పిల్లలు గాడ్ గిఫ్టే... మీ పిల్లలు ఉన్నారా ఇందులో ఇక్కడ తెలుసుకోండి..
నక్షత్రం తెలియని వారు మీ పేరులో మొదటి అక్షరం ఆధారంగా తెలుసుకోవచ్చు....
అశ్వని: చూ/చే/చో/ లా
భరణి: లీ/లూ/లే/లో
కృత్తిక: ఆ/ఈ/ఊ/ ఏ
రోహిణి: ఈ/వా/వీ/వూ
మృగశిర: వే/వో/కా/కీ,
ఆరుద్ర:కూ/ ఖం/ జ/ ఛా
పునర్వసు: కే/కో/ హ/ హీ/
పుష్యమి: హు/హే/హో/డా
ఆశ్లేష: డీ/డూ/డే/డో
మఖ: మా/ మి/ మూ/మే
పూర్వ ఫల్గుణి: మో /టా/ టీ/ టూ
ఉత్తర ఫల్గుణి: / టే/టో/ పా /పీ
హస్త: వూ/షం /ణా/ ఢా
చిత్త: పే/పో/రా/రి
స్వాతి: రూ/ రే/ రో /లా
విశాఖ: తీ/తూ/తే /తో
అనూరాధ: /నా /నీ /నూ /నే
జ్యేష్ట:నో /యా /యీ/యూ
మూల: యే /యో /బా/ బీ
పూర్వాషాడ: బూ/ ధా /భా /ఢా
ఉత్తరాషాడ: బే/బో / జా / జీ
శ్రవణం: జూ/జే /జో/ ఖా
ధనిష్ట: గా/ గీ/ గూ/గే
శతభిషం: గో /సా/ సీ /సూ
పూర్వాభద్ర: సే /సో/ దా/దీ
ఉత్తరా బాధ్ర: ధు/శ్చం/చా/ధా
రేవతి: దే/దో/చా/చీ