TTD News : ఇక ఆన్‌లైన్‌లో శ్రీవారి అంగప్రదిక్షణ టిక్కెట్లు - ఇదిగో ఇలా పొందండి !

శ్రీవారి అంగప్రదిక్షణ టిక్కెట్లు ఆన్‌లైన్‌లో ఉంచాలని టీటీడీ నిర్ణయించింది. ధర రూ. 750గా నిర్ణయించారు.

ఆన్‌లైన్‌లో శ్రీవారి అంగప్రదిక్షణం టిక్కెట్లు

 

TTD News :    పదమొక్కుల వాడు, భక్త వత్సలుడైన శ్రీ వేంకటేశ్వర స్వామి  వారిని భక్తులు సర్వదర్శనం, ప్రత్యేక ప్రవేశ దర్శనం, వి‌ఐపి బ్రేక్, ఆర్జితసేవ, అంగప్రదక్షణ వంటి రూపాల్లో భక్తులకు లభిస్తోంది.  కోవిడ్ కారణంగా తాత్కాలికంగా తిరుమలలో అంగప్రదక్షణ టోకెన్ల జారీ ప్రక్రియను నిలిపి వేశారు.  దాపు రెండున్నర ఏళ్ళ తరువాత తిరిగి ఈ ఏడాది ఏప్రిల్ 1వ తారీఖు నుండి తిరిగి ఆఫ్ లైన్ లో అంగప్రదక్షణ టోకెన్లను టిటిడి తిరుమలలోని సిఆర్వో కార్యాలయం వద్ద భక్తులకు అందుబాటులోకి తీసుకొచ్చింది.  ప్రస్తుతం వేసవి సెలవులు కావడంతో అధిక సంఖ్యలో భక్తుల రద్దీ నేపధ్యంలో రోజు వారి తిరుమలలో జారీ చేసే అంగప్రదక్షణ టోకెన్ల ప్రక్రియను భక్తుల సౌఖర్యార్ధం ఆన్లైన్ లో తీసుకొచ్చేందుకు టిటిడి నిర్ణయం తీసుకుంది. 

అంగప్రదిక్షణ సేవకు భక్తులకు అవకాశం

శేషాద్రి వాసుడికి అంగప్రదిక్షణ అంటే ఎంతో ప్రీతికరం. అందుకే భక్తి భావంతో భక్తులు పొర్లు దండాలు చేసి స్వామి వారు కటాక్షాలను పొందుతుంటారు భక్తులు.  భక్తుల సౌఖర్యార్ధం ప్రతి రోజు వేకువజామున రెండు గంటలకు అంగప్రదక్షణ టోకెన్లు కలిగిన వారు ముందుగా శ్రీవారి పుష్కరిణిలో పుణ్యస్నానం ఆచరించి తడి బట్టలతో వైకుంఠం క్యూ కాంప్లెక్స్ గుండా భక్తులు ఆలయం ప్రవేశం చేయిస్తుంది టిటిడి.. ఇలా ఆలయ ప్రవేశం చేసిన భక్తులు ముందుగా వెండి వాకిలి దాటి బంగారు వాకిలి చేరుకోవాల్సి ఉంటుంది.. వెండి వాకిలి లోపల ఆనంద నిలయం చుట్టూ చేసే ప్రదక్షిణాన్నే అంగప్రదక్షణ అని కూడా అంటారు.. సుప్రభాత సేవ జరిగే సమయంలో వెలుపల భక్తులను అంగప్రదక్షణ చేయిస్తుంటారు. వెండి వాకిలి లోపలికి ప్రవేశించగానే‌ ఎదురుగా ఆదిశేషునిపై శ్రీరంగనాధుడు కనిపిస్తాడు.. ఈయనకు పైన వరదరాజ స్వామి, క్రింద శ్రీ వేంకటేశ్వర స్వామి మూర్తులు చిన్న బంగారు ఫలకాలపై ఉంటారు.. ఇక్కడి నుండి అంగప్రదక్షణ మొదలు అవుతుంది. 

ఆన్‌లైన్‌లోనే టోకెన్లు జారీ చేయాలని నిర్ణయం

ఇలా‌ ఆనంద నిలయం చుట్టూ ఓ పదక్షణ చేసిన తరువాత వారికి స్వామి దర్శన భాగ్యం కల్పిస్తుంది టిటిడి.. ఇలా స్వామి వారి అంగప్రదక్షణ చేసి మొక్కులు తీర్చుకోవడం ద్వారా దీర్ఘకాలిక భాధల నుండి విముక్తి లభించడమే కాకుండా,ఎన్నో జన్మ పుణ్యఫలం లభిస్తుందని భక్తుల నమ్మకం.. ఈ క్రమంలోనే  ప్రతి రోజు మధ్యాహ్నం తిరుమల సిఆర్వో కార్యాలయం వద్ద జారీ చేసే అంగప్రదక్షణ టోకెన్లకు భారీ డిమాండ్ ఉంటుంది.. ఉదయం నుండి భక్తులు క్యూలైన్స్ లో టోకెన్ల కోసం వేచి ఉండి టోకెన్లను పొందతూ ఉంటారు భక్తులు.. ఈ సమయంలో అధిక రద్దీ నేపధ్యంలో భక్తుల మధ్య కొంత తోపులాట జరిగే అవకాశం ఉంటుంది.. అయితే భక్తులు ఇబ్బందులను దృష్టిలో తీసుకున్న టిటిడి.. ఇకపై భక్తుల సౌఖర్యార్ధం ఆన్లైన్ లో అంగప్రదక్షణ టోకెన్ల జారీ చేయాలని నిర్ణయించింది.

జూన్‌ 15వ తేదీ ఉదయం పది గంటల నుంచి ఆన్‌లైన్‌లో అందుబాటులోకి !

ఈ నెల 15వ తేదీ నుండి ఆన్‌లైన్‌లో భ‌క్తుల‌కు అందుబాటులో అంగ‌ప్ర‌ద‌క్ష‌ణ‌ టోకెన్లను అందుబాటులోకి తీసుకుని రానుంది టిటిడి.. అంగ‌ప్ర‌ద‌క్ష‌ణ టోకెన్ల‌ను జూన్ 15వ తేదీ నుండి కరెంటు బుకింగ్ స్థానంలో ఆన్‌లైన్‌లో భ‌క్తుల‌కు అందుబాటులో ఉంచేందుకు టిటిడి సిద్దం చేస్తుంది.. ఈ టికెట్లు పొందేందుకు ఎక్కువ సేపు వేచి ఉండాల్సిన అవసరం లేకుండా భక్తులు సౌక‌ర్యార్థం ఇక‌పై టీటీడీ ఆన్‌లైన్‌లోనే విడుద‌ల చేయ‌నుంది.. ఇందులో భాగంగా జూన్ 15వ తేదీ ఉద‌యం 10 గంట‌ల‌కు జూన్ 16వ తేదీ నుండి జూలై 31వ తేదీ వ‌ర‌కు రోజుకు 750 టోకెన్ల చొప్పున ఆన్‌లైన్‌లో జారీ చేస్తారు.. ఇందుకు సంబంధించిన టిటిడి వెబ్ సైట్  https://tirupatibalaji.ap.gov.in ద్వారా అంగ‌ప్ర‌ద‌క్ష‌ణ టికెట్లు బుక్ పొందే అవకాశం కల్పించింది.