Spirituality/Vastu: కనీసం పాటించాల్సిన వాస్తు నియమాలివి, మీ ఇల్లు ఇలాగే ఉందా చెక్ చేసుకోండి

సంప్రదాయాలు, పద్దతులు ఏవైనా గానీ పట్టించుకునేవారికి అన్నీ పట్టించుకోని వారికి ఏమీ ఉండదు. పట్టించుకోకుంటే పెద్ద సమస్యేం ఉండదు కానీ పట్టించుకుంటే మాత్రం ఇవేం చిన్న విషయాలు కాదు. వాస్తు ఈ కోవకు చెందినదే

Spirituality/Vastu

మనదేశంలో వాస్తు శాస్త్రాన్ని బాగా నమ్ముతారు. ఇంటి నిర్మాణం ఆధారంగానే దశ తిరుగుతుందని విశ్వసిస్తారు. అందుకే నిర్మాణం చేసేముందు, చేస్తున్నప్పుడు, చేసిన తర్వాత కూడా వాస్తు శాస్త్ర నిపుణులను పిలిచి మరీ సలహాలు స్వీకరిస్తారు. మార్పులు చేర్పులు చేస్తుంటారు. ఈ నియమాలు పట్టించుకోనివారి సంగతి ఎందుకులెండి కానీ...పట్టించుకునే వారు మాత్రం ప్రతిచిన్న విషయాన్ని చాలా సీరియస్ గా తీసుకుంటారు. అయితే భారీగా వాస్తు నియమాలు పాటించకపోయినా కనీసం పాటించాల్సినవి కొన్ని ఉన్నాయి. అవేంటో చూద్దాం....

కనీసం పాటించాల్సిన వాస్తు నియమాలు 

• సింహద్వారం ఎదురుగా మెట్లు మొదలవడం అస్సలు మంచిది కాదు. మీ ఇంటి ఫేసింగ్ ను బట్టి మెట్లు సింహద్వారానికి ఓ వైపుగా ఉండాలి కానీ ఎదురుగా మెట్లు కట్టకూడదు.
• ఈ శాన్యం వైపు ఎట్టిపరిస్థితుల్లోనూ మెట్లు ఉండకూడదు
• మెట్లు తూర్పు నుంచి పడమరకు కానీ, ఉత్తరం నుంచి దక్షిణం వైపునకు కానీ ఎక్కేవిధంగా ఉండాలి. మెట్లు బేసిసంఖ్యలో ఉండాలి, కుడిపాదం పెట్టి ఎక్కడం మొదలు పెడితే మీ ఫ్లోర్ కి చేరుకునేటప్పుడు మొదట కుడిపాదమే పెడతారు.
• సింహద్వారానికి ఉన్న తలుపు కుడివైపు తెరుచుకోవాలి. కొన్ని ఇళ్లకు తలుపు ఎడమవైపు తెరుచుకుని ఉంటుంది. కానీ ఈ చిన్న జాగ్రత్త పాటిస్తే మంచిది అంటారు వాస్తు నిపుణులు.
• రూమ్ సీలింగ్ అందంగా ఉంజాలనే ఉద్దేశంతో రకరకాలుగా డిజైన్ చేస్తారు. అయితే ఎట్టిపరిస్థితుల్లోనూ ఐదు కార్నర్ లు ఉండడం మంచిది కాదని చెబుతారు.
• ఇంటికి వచ్చిన గెస్టులకు వాయువ్యం వైపు ఉన్న రూమ్ ని కేటాయించాలి
• ఆగ్రేనయంలో ఎట్టిపరిస్థితుల్లోనూ బెడ్ రూమ్ ఏర్పాటు చేసుకోకూడదు. అలా చేస్తే నిప్పులపై పడుకున్నట్టే. పైగా ఆ ఇంట దంపతుల మధ్య సఖ్యత ఉండదని చెబుతారు.
• రెండు ద్వారాలు ఎదురెదురుగా ఉన్నప్పుడు రెండూ సమానంగా ఉండేలా ఉండాలి.
• ఇంటికి ఉత్తరం, తూర్పు మూతపడకుండా చూసుకోవడం మంచిది.
• కిటికీ తలుపులు బయటకు తెరుచుకునే విధంగా ఏర్పాటు చేసుకోవాలి
• కొన్ని ఇళ్లు అందంకోసం, స్థలం సరిపకడ రకరకాల షేపుల్లో నిర్మిస్తారు. అయితే తిక్రోణం, యూ ఆకారంలో ఇల్లు నిర్మించడం ఎంతమాత్రం కలసిరాదు

వాస్తునిపుణులు చెప్పినవి , పుస్తకాల ఆధారంగా తెలుసుకుని రాసిన విషయాలివి. వీటిని ఎంతవరకూ విశ్వసించవచ్చు అనేది పూర్తిగా మీ వ్యక్తిగతం.