Ugadi 2026: ఉగాది నుంచి పరాభవ నామ సంవత్సరం! అంటే ఇక పరాభవాలేనా , ఇలాంటి పేర్లు ఎందుకు పెడతారు?

Parabhava Nama Samvatsaram (2026-2027) : ఈ ఉగాది నుంచి పరాభవ నామ సంవత్సరం ప్రారంభమవుతోంది. ఈ సంవత్సరం పేరే పరాభవ... అంటే ఇక పరాభవాలేనా , ఇలాంటి పేర్లు ఎందుకు పెడతారు?

Ugadi 2026 MEANING OF Parabhava nama SAMVATSAR

Source : https://in.pinterest.com/pin/794603928040100752/

 Parabhava Nama Samvatsaram Ugadi 2026:  2026 మార్చి 19 న ఉగాది. ఈ రోజు నుంచి శ్రీ పరాభవ నామ సంవత్సరం మొదలవుతోంది. తెలుగు క్యాలెండర్లో 60 సంవత్సరాల ( ప్రభవ నుంచి అక్షయ వరకు) చక్రంలో పరాభవ నామ సంవత్సరం 40వది. 

పరాభవ అంటే సంస్కృతంలో ఓటమి, పతనం, అవమానం లేదా పరాజయం అని అర్థం. కొన్ని జ్యోతిష్యశాస్త్ర గ్రంధాల్లో ఈ సంవత్సరం ప్రజలు ఒకరినొకరు అవమానించుకోలడం, ఓటములు ఎదుర్కోవడం, ధననష్టం, నైతిక పతనాలు జరిగే అవకాశం ఉందని పేర్కొన్నాయి. అందుకే ఈ పేరు వినగానే అంటే అన్నీ పరాభావాలేనా అని ఆందోళన చెందుతున్నారు కొందరు..అసలు ఇలాంటి పేర్లు ఎందుకు పెడతారన్నది మరికొందరి సందేహం. 

జ్యోతిష్య శాస్త్రంలో 60 సంవత్సరాల చక్రం ( బృహస్పతి గ్రహం ఒక్కో రాశిని దాటడం ఆధారంగా) ప్రకృతి, మనిషి స్వభావం, సమాజంలో వచ్చే మార్పులు సూచించేందుకు ఈ పేర్లు ఇచ్చారు. 

ఈ పేర్లు కేవలం ప్రతికూల ప్రభావం చూపిస్తాయని కాదు..ఉగాది పచ్చడిలో ఉండే ఆరు రుచులు ( తీపి, చేదు, పులుపు, కారం, తీపి, ఉప్పు) లా జీవితంలోనూ ప్రతికూలత, అనుకూలత రెండూ ఉంటాయని అర్థం. అంటే జీవితంలో సుఖాలే కాదు దుఃఖాలు , సవాళ్లు కూడా ఉంటాయని గుర్తుచేసేందుకే ఈ పేర్లు వచ్చాయ్. 

60 ఏళ్ల సంవత్సర చక్రం బాల్యం నుంచి వృద్యాప్యం వరకూ మనిషి జీవితి చక్రాన్ని పోలిఉంటుందని చెబుతారు పండితులు. 60 ఏళ్లు నిండిన తర్వాత మనిషి మళ్లీ కొత్తగా జన్మించినట్టే. అందుకే వృద్ధులను - చిన్నపిల్లలను ఒకేలా భావించాలంటారు

పురాణాల ప్రకారం నారదుడి సంతానం పేర్లు ఈ 60 సంవత్సరాలు

ముఖ్య ఉద్దేశం మాత్రం సమాజానికి ముందస్తు హెచ్చరిక ఇవ్వడం

జ్యోతిష్య శాస్త్రంలో కూడా పరాభవ నామ సంవత్సరాన్ని పరిణామం, మార్పు , కొత్త ప్రారంభాలకు సూచనగా చూస్తారు

అహంకారం ఉన్నవారికి ఓటమి తప్పదు..వినయంగా ఉంటే మీ జీవితంలో మీరే ఊహించనంత అద్భుతమైన మార్పులు వస్తాయి
 
కేవలం సంవత్సరం పేరు వల్లే ఫలితాలు ఆధారపడి ఉండవు..ఇది ఓ సూచన మాత్రమే. కర్మ, ప్రయత్నం, భక్తి, ధర్మం ఆధారంగా ఫలితాలు మారుతాయి.  ఉగాది పచ్చడిలో ఉండే అన్ని రుచులు జీవితంలో ఉంటాయనే సూచన. 

ఈ ఏడాది మార్చి 19 గురువారం ఉగాది..కొత్త సంవత్సరాది. ఈ తెలుగు సంవత్సరం మీ జీవితంలో కొత్త వెలుగులు నింపాలి, మీ కలలు నెరేవాలని ABP దేశం ఆకాంక్షిస్తోంది...

మీకు మీ కుటుంబ సభ్యులకు శ్రీ పరాభవ నామ సంవత్సర శుభాకాంక్షలు

వృషభ రాశివారికి పరాభవ నామ సంవత్సరం అద్భుతంగా ఉంటుందా? 2026 ఉగాది పంచాంగం కోసం ఇక్కడ క్లిక్ చేయండి

 గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.

మరిన్ని చదవండి

పరాభవ నామ సంవత్సరం సింహ రాశి ఉగాది ఫలితాలు! ఉద్యోగులు, వ్యాపారులు, విద్యార్థులకు ఎలా ఉండబోతోంది?

పరాభవ నామ సంవత్సరం (2026-2027) కర్కాటక రాశి ఫలాలు! ధనం, గౌరవం, విజయం మీ సొంతం!