అన్వేషించండి

Spirituality: పెళ్లైన మహిళలు గాజులు వేసుకోవడం లేదా, అయితే ఈ విషయాలు తెలుసుకోండి

హిందూ సాంప్రదాయంలో పాటించే ప్రతి పద్ధతి వెనుకా ఓ కారణం ఉంటుందంటారు. గాజులు వేసుకోవడం కూడా ఇందులో భాగమే. ముఖ్యంగా పెళ్లైన మహిళలు గాజులు వేసుకోవడం అయిదోతనానికి గుర్తుమాత్రమే కాదు...ఇంకా చాలా ఉన్నాయ్

By : ABP Desam | Edited By: RamaLakshmibai | Updated at : 07 May 2022 03:09 PM (IST)

Spirituality: do you know benefits of wearing different color bangles, know in details Spirituality: పెళ్లైన మహిళలు గాజులు వేసుకోవడం లేదా, అయితే ఈ విషయాలు తెలుసుకోండి

Spirituality (Image Credit: Pinterest)

మారుతున్న ట్రెండ్ కి తగ్గట్టు ఇప్పుడు గాజులు వేసుకునే మహిళల సంఖ్య తగ్గినా... పండుగలు, వేడుకలు, శుభకార్యాల సమయంలో మాత్రం ట్రెడిషనల్ డ్రెస్ వేసుకున్నప్పుడు గాజులు వేసుకునేందుకు ఆసక్తి చూపిస్తున్నారు. లక్ష్మీస్వరూపంగా భావించే ఆడపిల్ల చేతినిండా గాజులు వేసుకుంటే గలగల శబ్దానికి ఇంట్లో పాజిటివ్ వైబ్రేషన్స్ వస్తాయి. గాజులు పగిలిపోకుండా జాగ్రత్తగా చూసుకునే అమ్మాయిలు ఇంటి వ్యవహారాలను కూడా జాగ్రత్తగా చక్కదిద్దుతారని నమ్మకం. అయితే స్త్రీలు గాజులు వేసుకోవడం వెనుక అందం, సెంటిమెంట్స్ మాత్రమే కాదు ఆరోగ్య ప్రయోజనాలున్నాయ్.

గాజులు వేసుకున్నవారి శరీరంలో రక్త ప్రసరణ బాగుంటుంది. పనులు చేస్తున్నప్పుడు మణికట్టు ప్రదేశంలో ఉన్న గాజులు పైకి, కిందకు కదలడం వల్ల రక్త ప్రసరణ వేగం పెరుగుతుంది.
గాజులు వేసుకుని పనిచేసే మహిళలు తొందరగా అలసటకు గురికారట.గాజుల ధరించినవారికి ఒత్తిడిని భరించే శక్తి లభిస్తుందట.
మట్టి గాజులు వేసుకుంటే శరీరంలో వేడిని తీసుకుని ఆరోగ్యాన్ని కాపాడుతుందట. అందుకనే ఎన్ని బంగారం గాజులు వేసుకున్నా కనీసం రెండైనా మట్టి గాజు చేతికి ఉండాలని పెద్దలు కండిషన్ పెట్టారు.
మహిళల శరీరం మగవారితో పోల్చితే చాలా సున్నితంగా ఉంటుంది. దీంతో హార్మోన్లు అసమతౌల్యత గురవుతుంటాయి. అందుకే గాజులు వేసుకోవడం వల్ల వాటి స్థాయి బ్యాలన్స్ డ్ ఉంటుంది. ప్రస్తుతం చాలామంది అమ్మాయిలకు హార్మోన్ల అసమతౌల్యత వల్లే ఎన్నో అనారోగ్య సమస్యలు ఎదురవుతున్నాయి.
సీమంతం చేసినప్పుడు గర్భిణులకు గాజులు వేసి ప్రసవం అయ్యేవరకూ ఉంచుకోవాలని చెబుతారు. గర్భం ధరించిన వారికి ఐదో నెల తర్వాత పెరిగే బిడ్డ బరువు వల్ల అలసట ఎక్కువగా ఉంటుంది. ఆ ఒత్తిడిని తగ్గించడంతో పాటూ..ప్రసవ వేదనని భరించే శక్తి ఉంటుందని భావించేవారు.
సుమంగళి స్త్రీలు తప్పనిసరిగా గాజులు వేసుకోవాలని సంప్రదాయం చెబుతోంది. చేతినిండా గాజులు వేసుకోపోయినా, బంగారం వేసుకున్నా కానీ మట్టి గాజులు రెండైనా కానీ తప్పనిసరిగా ఉండాలంటారు.
శక్తి స్వరూపిణి అయిన అమ్మవారి పూజలో కూడా పసుపు, కుంకుమతో పాటు గాజులు పెట్టి పూజించడం, ముత్తైదువలకు అందించడం ఆచారంగా వస్తోంది.

Also Read: శ్రీ చక్రం ఎంత పవర్ ఫులో చెప్పడానికి ఇంతకన్నా నిదర్శనం ఏముంది

ఏ రంగు గాజులను వేసుకుంటే ఎలాంటి ప్రయోజనం