Spirituality: 1008 రకాల కూరగాయలు ఉన్నాయా... ఇప్పటి వరకూ తిన్నారా ఎవరైనా...!

వామ్మో వెయ్యి ఎనిమిది రకాల కూరగాయలా… వింటేనే భుక్తాయాసంగా ఉంటే తింటారా ఎవరైనా అంటారేమో. ఇంతకీ 1008 కూరగాయలు ఏంటి? ఇప్పటి వరకూ ఎవరు తిన్నారో చూద్దాం…

By: ABP Desam | Updated at : 23 Nov 2021 05:51 PM (IST)

Edited By: RamaLakshmibai

Vegetables

మార్కెట్ కి వెళితే మహా అయితే ఆకుకూరలు, కూరగాయలు కలపి మహా అయితే ఓ 30 రకాలు ఉంటాయేమో. వాటిలో కొనుక్కున్నా వారానికి సరపడా ఓ పది రకాలు కొంటారు. మరి ఈ వెయ్యి ఎనిమిది లెక్క ఎక్కడినుంచి వచ్చిందంటారా. ఈ ప్రస్తావన ఎక్కడ మొదలైందో తెలుసుకునేందుకు పురాణాల్లోకి వెళ్లాలి. ఓ సారి తన తండ్రి తద్దిన సందర్భంగా భోక్తగా ( భోజనానికి) రమ్మని వశిష్ఠ మహర్షి... విశ్వామిత్రుడిని పిలిచారు. సరే అన్న విశ్వామిత్రుడు ఓ షరతు విధించాడు.తనకు వెయ్యి ఎనిమిది రకాల కూరగాయలతో వంట చేసి వడ్డించాలని అడగ్గా.. వశిష్ట మహర్షి అందుకు అంగీకరించి తన భార్య అరుంధతికి చెబుతాను అన్నారు.

Also Read: 18 నంబర్ కి అయ్యప్పకి సంబంధం ఏంటి... మీ లక్షణాలను బట్టి మీరు ఎన్నో మెట్టుపై ఉన్నారో తెలుసుకోండి..
కార్యక్రమం రోజున చెప్పినట్టే విశ్వామిత్రుల వారు వశిష్టుడి ఇంటికి భోజనానికి వచ్చారు. అరటి ఆకు వేసిన అరుంధతి... కాకర కాయకూర, పనస పండు, నల్లేరు తీగతో పచ్చడి , కొన్ని కూరలు మాత్రమే వడ్డించింది. అదిచూసిన తర్వాత విశ్వామిత్రుడు కోపంతో..ఏంటిది... ఈ ఆకులో వెయ్యిన్ని ఎనిమిది రకాల కూరలు ఎక్కడున్నాయి అని అడిగారు. స్పందించిన వశిష్ఠుడు...తమ కోరికను అరుంధతికి చెప్పానని... అలాగే అని చెప్పిందని.. పిలిచి అడుగుతా అన్నారు వశిష్ట మహర్షి. వీరి మాటలు విన్న అరుంధతి తనకు తానే ముందుకు వచ్చి విశ్వామిత్రుల వారికి ఓ శ్లోకం చెప్పింది.

కారవల్లీ శతం చైవ వజ్రవల్లీ శత త్రయం
పనసమ్ షట్ శతశ్చైవ శ్రాద్ధకాలే విధీయతే

ఈ శ్లోకం అర్థమేంటంటే...శ్రాద్ధ సమయంలో వడ్డించిన ఒక కాకరకాయ నూరు కూరగాయలకు సమానము. వజ్రవళ్ళి (నల్లేరు) పచ్చడి మూడు వందల కూరలకు సమాన. పనసపండు ఆరు వందల కూరలకు సమానం. ఈ మూడు కలిపితే మొత్తం వెయ్యి కూరలు. ఇవికాక ఇంకొక ఎనిమిది రకాల కూరలు వండి వడ్డించాను అని చెప్పి నమస్కరించింది. అది విన్న విశ్వామిత్రుల వారు భోజనం చేసి వెళ్లిపోయారు.