30 సెకెన్ల వీడియో 24 గంటల స్టేటస్..భార్య భర్త బంధం ఇంతేనా? అర్థనారీశ్వర తత్వం ఇదేనా నేర్పించింది!
సోషల్ మీడియాలో రీల్స్, కొటేషన్స్ మీ బంధంలో నిశ్శబ్ద దూరాన్ని సృష్టిస్తున్నాయని గుర్తించారా? అర్థనారీశ్వర తత్వం ఏం చెప్పింది? ఓషో ఏం చెప్పారు, మనస్తత్వ శాస్త్ర నిపుణులు ఏమంటున్నారు?
- డిజిటల్ రీల్స్ దంపతుల మధ్య అశాంతి, అసంతృప్తిని సృష్టిస్తున్నాయి.
- పరస్పర పోలికలు, మౌనం సంబంధాలలో విషాన్ని నింపుతున్నాయి.
- ముఖాముఖి సంభాషణ, 24-గంటల నియమం అనుసరించడం అవశ్యం.
Relationship Psychology
కేవలం 30 సెకెన్ల వీడియో.. మీ ఇంటి ప్రశాంతతను మాయం చేస్తోందని గమనించారా?
మీకు తెలియకుండా మీ సంబంధంలో చిచ్చు పెడుతోందని ఎప్పుడైనా ఆలోచించారా?
అద్వైతం సుఖధుఖాయోర్గుణాం సర్వస్వస్థసు యద్
భవభూతి రచించిన ఉత్తరంచరితం లోది ఈ శ్లోకం...అర్థం ఏంటంటే.. సుఖదుఃఖాలలో సమానంగా ఉంటూ, ప్రతి పరిస్థితిలో ఒకరికొకరు తోడుగా నిలిచే సంబంధమే నిజమైన వివాహం. కానీ ప్రస్తుత డిజిటల్ ప్రపంచపు వెలుగు ఈ 'అద్వైతాన్ని' సురక్షితంగా ఉంచగలుగుతోందా?
ఓ అజ్ఞాత కథ: అంకిత్ - సాన్య
ఓ బహుళ అంతస్తుల భవన సముదాయంలో నివసించే అంకిత్ - సాన్య (ఈ రెండు పేర్లు కల్పితమైనవి) కథ ఇది. ఈ రోజుల్లో ప్రతి మెట్రో జంటను ఆలోచింపజేసే వాస్తవం. ఆఫీసు పని ఒత్తిడి, గడువులు, ట్రాఫిక్ వల్ల అలసిపోయి అంకిత్ ఇంటికి తిరిగి వస్తాడు. ఇంట్లో కాస్త మనశ్శాంతి కోరుకుంటున్నాడు. ఇంతలో సాన్య ఫోన్ తో బిజీగా ఉంటుంది. సరిగ్గా అప్పుడే, స్క్రీన్పై ఒక 'ఆదర్శ జంట' రీల్ కనిపిస్తుంది, అందులో భర్త తన భార్యకు వజ్రపు ఉంగరాన్ని బహుమతిగా ఇస్తుంటాడు, ఓ భార్య తన భర్తకు అంతకన్నా ఖరీదైన గిఫ్ట్ ఇస్తుంది. వెంటనే ఆ రీల్ ఫార్వర్డ్ చేసుకుంటారు.
అంటే..
ఒకరితో మరొకరు మాట్లాడుకోకుండానే ..తమ భాగస్వామి వైఫల్యం గురించి చెప్పాలనుకుంటున్నారా? తెలియకుండానే అసంతృప్తి బీజాలు నాటుకుంటాయ్. ఇది కేవలం 30 సెకెన్ల వీడియో కాదు..తీవ్రమైన మానసిక దాడి
మాట్లాడుకుంటే కూల్ గా ముగిసిపోయే విషయానికి మౌనంగా బాధించడం మొదలుపెట్టినప్పుడు..ఇక ప్రేమ ఎక్కడుంటుంది?. ఒకరితో ఒకరు గొడవ పడినప్పుడు మాట్లాడకుండా కూల్ గా ఉండడమే మేలు అంటూ వాట్సాప్ లో కవితలు, కొటేషన్స్ పోస్ట్ చేస్తే ఆ దూరం మరింత పెరుగుతున్నట్టే కదా? మనస్తత్వవేత్తలు దీనిని డిజిటల్ రూపంలో 'సైలెంట్ ట్రీట్మెంట్'గా పరిగణిస్తారు. ప్రఖ్యాత పరిశోధకుడు డాక్టర్ జాన్ గాట్మన్ ఈ ప్రవర్తన ఒక సంబంధంలో 'రాతిగోడ' నిర్మించడం లాంటిదని అంటారు. మీరు మీ పక్కన కూర్చున్న భాగస్వామితో మాట్లాడకుండా, ఒక స్టేటస్ ద్వారా మీ అసంతృప్తిని ప్రపంచం మొత్తానికి తెలియజేస్తున్నారు. ఈ అలవాటు మీ భాగస్వామికి ఎల్లప్పుడూ తాము ఒక నేరస్థులం అనే భావనను కలిగిస్తుంది.
నిశ్శబ్దమనే నెమ్మదైన విషం: అది జీవశక్తికి అంత్యక్రియలు నిర్వహిస్తుంది
ఈ నిరంతర డిజిటల్ పోలిక ఏ భాగస్వామినైనా విడదీయగలదు. ఇంటి ఈఎంఐలు, బాధ్యతలతో సతమతమవుతున్న వ్యక్తులు.. ఈ 'డిజిటల్ త్రాసు'లో పదేపదే తాను వెనుకబడిపోతున్నానని గ్రహించినప్పుడు మౌనాన్ని ఆశ్రయిస్తాడు. ఈ మౌనం బంధాల్లో విషాన్ని నింపుతుంది. అనుకోకుండా చేసే విమర్శకూడిన వ్యాఖ్య..ఎంతో ఉత్సాహంగా ఉండే వ్యక్తిని కూడా పూర్తిగా నిర్వీర్యం చేయగలదు.
ఓషో
ప్రేమ మనస్తత్వశాస్త్రం గురించి మాట్లాడుతూ ఓషో ఒక చాలా లోతైన విషయాన్ని చెప్పారు: “స్థిరంగా, నమ్మకంగా ఉండే వ్యక్తి ‘సినిమా నటుడిలా’ లేదా ‘రొమాంటిక్గా’ కనిపించకపోవచ్చు. దీనికి కారణం ఏంటంటే, అతని శక్తి ప్రదర్శనపై కాకుండా, ఆ బంధానికి భద్రతను, పునాదులను ఇవ్వడంపై వెచ్చించబడుతుంది.”
రీల్స్లో కనిపించే బహిరంగ ప్రేమ తరచుగా కేవలం ఒక 'ఉత్పత్తి' మాత్రమే, వాస్తవం కాదు. మనం రీల్స్ను మన నిజ జీవిత భాగస్వాములతో పోల్చినప్పుడు, ఏ వైరల్ వీడియో కన్నా ఎంతో విలువైన వారి విశ్వసనీయతను, స్థిరత్వాన్ని మనం తెలియకుండానే అగౌరవపరుస్తాము.
'అర్ధనారీశ్వర' తత్వం ఏం చెబుతోంది?
సనాతన ధర్మంలో, భార్యాభర్తల సంబంధం శివశక్తుల వలె పరస్పర పూరకంగా ఉండాలంటారు. ..
వాగర్థావివ సంపృక్తౌ వాగర్థప్రతిపత్తయే
జగతః పితరౌ వందే పార్వతీపరమేశ్వరౌ
మాట - అర్థం ఎలా విడదీయరానివిధంగా కలసి ఉంటాయో అలాగే ఎల్లప్పుడూ కలిసి ఉండే సమస్త జగత్తుకు తల్లిదండ్రులైన పార్వతీ పరమేశ్వరులకు నమస్కరిస్తున్నా అని అర్థం. భార్య భర్తలు ఇలా ఉండాలనే సూచన కూడా ఇదే..
కానీ రీల్స్ చూసి జీవిత భాగస్వామిలో 'పరిపూర్ణత'ను వెతకడం అనేది ఈ పవిత్రమైన అంగీకార భావనకు విరుద్ధం.
భగవద్గీతలో శ్రీ కృష్ణుడు అర్జునుడితో సూచనల ద్వారా కాకుండా, నేరుగా సంభాషించాడు. ఆధునిక సంబంధాలలో కూడా, 'సాత్విక సంభాషణ' అంటే మొబైల్ ఫోన్ వెనుక దాక్కోకుండా, ముఖాముఖిగా మనసులోని మాటను చెప్పడమే.
24 గంటల నియమాన్ని పాటించండి
సంబంధాలను కాపాడుకోవడానికి, "24-గంటల నియమాన్ని" పాటించండి. ఒక రీల్ చూసిన తర్వాత లేదా ఒక స్టేటస్ చదివిన తర్వాత మీ భాగస్వామి పట్ల మీకు అసంతృప్తిగా అనిపిస్తే, వెంటనే స్పందించకండి; 24 గంటలు ఆగండి. ఆ కోపం కేవలం ఒక అల్గారిథం ప్రభావం మాత్రమే అని మీరు తెలుసుకుంటారు.
వాస్తవ ప్రపచంలోకి వచ్చి ఆలోచించినప్పుడు.. ప్రస్తుత డిజిటల్ ప్రపంచం కారణంగా ఈ రోజు మీరు తెలియకుండానే కోల్పోతున్న అదే వ్యక్తి యొక్క జీవితకాల సహవాసాన్ని మీరు సంతోషంగా పొందుతారు.
టాప్ హెడ్ లైన్స్
ట్రెండింగ్ వార్తలు
