పాములు పాలు తాగవు కదా, మరి ఈ సామెత ఎందుకు పుట్టింది? శాస్త్రీయ వాస్తవాలు తెలుసుకోండి!

Naga Panchami 2026: హిందూ మతంలో పాములను పవిత్రమైనవిగా కూడా భావిస్తారు. అందువల్ల, నాగ పంచమి, నాగుల చవితి రోజు పాలు నైవేద్యంగా సమర్పిస్తారు. పాములు పాలు తాగవు కదా ఈ సామెత ఎక్కడి నుంచి వచ్చింది?

పాములు పాలు తాగవు కదా, మరి ఈ సామెత ఎందుకు పుట్టింది? దీని వెనుక ఉన్న శాస్త్రాన్ని తెలుసుకోండి!

Source : https://in.pinterest.com/pin/855402522979941681/

Show Quick Read

Key points generated by AI, verified by newsroom

• నాగులపూజలో పాములకు పాలు పోయడం శాస్త్రీయంగా తప్పు.
• లాక్టోజ్ జీర్ణానికి అవసరమైన ఎంజైమ్‌లు లేక, పాలు ప్రాణాంతకం.
• పాములు పట్టేవారి క్రూరత్వం, దాహంతో పాలు తాగించడం అపోహ.

Snake Milk Myth Science Beliefs: ఏటా నాగపంచమి, నాగుల చవితి వచ్చేసరికి పాములకు సంబంధించిన చాలా విషయాలు , నమ్మకాలు, అపోహలపై చర్చలు జరుగుతూనే ఉంటాయ్. ఏటా శ్రావణ మాసంలో కొన్ని ప్రాంతాల్లో నాగపంచమి జరుపుకుంటారు..ఈ రోజులు పుట్టలో పాలుపోసి నాగదేవతను పూజిస్తారు. మరికొన్ని ప్రాంతాల్లో కార్తీకమాసంలో వచ్చే నాగులచవితి రోజు పాలు పోస్తారు. అయితే  పాములకు పాలు పోస్తారు కానీ అవి తాగవు కదా? అయినా ఎందుకు అనే చర్చ జరుగుతూనే ఉంటుంది. పాములు పగ తీర్చుకుంటాయని కొందరు నమ్ముతారు..అయితే విజ్ఞానశాస్త్రం ఈ వాదనలన్నింటినీ పూర్తిగా ఖండించి, వాటిని పూర్తిగా కల్పితాలుగా పరిగణిస్తోంది. ఇప్పుడు ప్రశ్న ఏంటంటే.. పాముకు పాలు తాగవు కదా..మరి ఈ నానుడి ఎక్కడి నుంచి వచ్చింది?

'పాము పాలు తాగినా విషమే కక్కుతుంది'

పాములు పాలు తాగినా విషపూరిత, హింసాత్మక స్వభావం మారదని దీని అర్థం. దీనికి అక్షరార్థం ఒక దుష్ట వ్యక్తిని పోషించడం లేదా శత్రువుకు మేలు చేసినా వారు తిరిగి చెడే చేస్తారు కదా, దుష్టుడికి సహాయం చేయడం చివరికి హానికే దారితీస్తుంది.

పాములు పాలను జీర్ణం చేసుకోలేకపోవడానికి గల శాస్త్రీయ కారణం

శాస్త్రం ప్రకారం, పాములు శరీసృపాలు, క్షీరదాలు కావు. వాటి శరీరాలు లాక్టోజ్‌ను జీర్ణం చేయడానికి అవసరమైన ఎంజైమ్‌లను లేదా జీర్ణరసాలను ఉత్పత్తి చేయవు. పాములు 100% మాంసాహారులు, కేవలం ఎలుకలు, కప్పలు,  కీటకాలను మాత్రమే తింటాయి. వాటి జీర్ణవ్యవస్థ ఘన, మాంసాహారాన్ని జీర్ణం చేసుకునేలా రూపొందించలేదు. పాము కడుపులోకి పాలు ప్రవేశించినప్పుడు, అది తీవ్రమైన అజీర్ణం, ఇన్ఫెక్షన్, కడుపు ఉబ్బరం  వంటి ప్రాణాంతక అనారోగ్యాలతో బాధపడి, చివరికి తీవ్రమైన బాధతో మరణిస్తుంది.

పాములు పాలు తాగుతాయనే ప్రచారం ఎలా వ్యాపించింది?
 
ఈ మూఢనమ్మకానికి ప్రధానంగా పాములు పట్టేవారి క్రూరత్వం , జానపద కథలే కారణం. నాగ పంచమికి కొన్ని వారాల ముందు, పాములు పట్టేవారు అడవి నుంచి పాములను పట్టుకుని, వాటిని చీకటి పెట్టెలలో బంధించి, ఆకలితో అలమటించేలా చేస్తారు. తీవ్రమైన దాహంతో ఉన్న పాము ముందు ఒక గిన్నెలో పాలు ఉంచినప్పుడు, అది బ్రతకడం కోసం నీళ్ళని పొరబడి ఏ ద్రవాన్నైనా తాగుతుంది. అంతేకాకుండా, ధామిన్ సర్పం ఆవు పాలు తాగుతుందని గ్రామీణ ప్రాంతాల్లో పుకార్లు వ్యాపించాయి, కానీ నిజం ఏంటంటే అది కేవలం ఎలుకలను వేటాడటానికి మాత్రమే గోశాలలకు వస్తుంది. 

గమనిక: పండితులు సూచించిన విషయాలు, ఆధ్యాత్మిగ గ్రంధాల్లో పొందుపరిచిన వివరాల ఆధారంగా రాసిన కథనం ఇది. పైన సూచించిన నియమాలు అనుసరించాలా వద్దా అనేది పూర్తిగా మీ భక్తివిశ్వాసాలు, వ్యక్తిగత అభిప్రాయాలపై ఆధారపడిఉంటుంది..

మరిన్ని చదవండి

కన్వర్ యాత్రలో నిజమైన ప్రేమ: దివ్యాంగుడైన భర్తను 180 కి.మీ మోసిన భార్య!

తొలి ఏకాదశి 25-07-2026 శనివారం మీ రాశిఫలాలు!