News
News
X

Dasara 2022: చదువు, సంపద కోసం ఈ పద్యం చదవండి పిల్లలకు నేర్పించండి, మీరు దుర్గమ్మ ఉపాసన చేస్తున్నట్టే!

Dasara 2022: దుర్గమ్మను స్తుతిస్తూ బమ్మెర పోతన చెప్పిన 'అమ్మలగన్నయమ్మ' పద్యం అందరకీ తెలిసే ఉంటుంది. ఈ పద్యం వెనుక ఎంత అర్థం, మహత్తు ఉందో తెలిస్తే ఆశ్చర్యపోతారు...

FOLLOW US: 

Ammalaganna Amma Durgama

"అమ్మలగన్నయమ్మ, ముగురమ్మల మూలపుటమ్మ, చాల బె
ద్దమ్మ, సురారులమ్మ, కడుపారడి బుచ్చినయమ్మ, దన్నులో
నమ్మిన వేల్పుటమ్మల మనమ్ముల నుండెడి యమ్మ దుర్గ, మా
యమ్మ, కృపాబ్ధి ఇచ్చుట మహత్వ కవిత్వ పటుత్వ సంపదల్"

పోతన రాసిన ఈ పద్యం తెలిసో, తెలియకో అలా చదివినా చాలు మంచి ఫలితం పొందుతారు. ఎందుకంటే కొన్ని శ్లోకాలను, పద్యాలను గురువులు పక్కన లేకుండా, పూర్తిగా చదవడం రాకుండా చదవకూడదు. ముఖ్యంగా అమ్మవారికి సంబంధించిన పూజల విషయంలో అస్సలు ప్రయోగం చేయకూడదు. ఇక బీజాక్షరాలను అస్సలే తప్పు చదవకూడదు. కానీ ఈ పద్యం పోతన ఇచ్చిన గొప్ప కానుక. 

Also Read:  ఈ రెండక్షరాలు ఎందుకంత పవర్ ఫుల్

ఈ పద్యంలో అమ్మలను కన్న దేవతా స్త్రీలైన వారి మనస్సుల యందు ఏ అమ్మవారు ఉన్నదో, అటువంటి అమ్మని మహత్వ, కవిత్వ, పటుత్వ, సంపదల్...ఈ నాలుగింటి కోసం నమస్కరిస్తున్నాను..అలాంటి దుర్గమ్మ మాయమ్మ అని అర్థం. 
అమ్మలగన్నయమ్మ - లలితాసహస్రం 'శ్రీమాతా' అనే నామంతో ప్రారంభమవుతుంది. శ్రీమాతా అంటే 'శ' కార, 'ర' కార, 'ఈ' కారములతో  సత్వ, రజస్తమోగుణాధీశులైన శక్తి. బ్రహ్మశక్తి, రుద్రశక్తి, విష్ణుశక్తి. సరస్వతి, పార్వతి, లక్ష్మీదేవి, ఈ ముగ్గురికీ అమ్మ. ఈ మూడు శక్తులను త్రిమూర్తులకు ఇచ్చిన పెద్దమ్మ ఎవరో ఆయమ్మ... అంటే, 'లలితాపరాభట్టారికా' స్వరూపం. ఈ అమ్మవారికి, దుర్గా స్వరూపానికి బేధం లేదు. 
ముగ్గురమ్మల మూలపుటమ్మ- మహాకాళి, మహాలక్ష్మి, మహా సరస్వతులుగా కొలిచే తల్లులు. 
'చాలా పెద్దమ్మ' -మహాశక్తి. అండపిండబ్రహ్మాండం అంతటా నిండిపోయిన బ్రహ్మాండమైన శక్తి స్వరూపం. శక్తి స్వరూపం చిన్నా, పెద్దా బేధం లేకుండా సమస్త జీవులలో నిండిపోయినదని అర్థం. అలా ఉండడం అనేది మాతృత్వం.
'సురారులమ్మ, కడుపారడి బుచ్చినయమ్మ'- దేవతలకు శత్రువైన వాళ్ల అమ్మకు కడుపుశోకం మిగిల్చిన అమ్మ లేదా రాక్షసులు నశించడానికి కారణమైన అమ్మ.
'తన్నులో నమ్మిన వేల్పుటమ్మల మనంబున నుండెడి అమ్మ'- మనకి అష్టమాత్రుకలు బ్రాహ్మి, మహేశ్వరి, వైష్ణవి, మహేంద్రి , చాముండా, కౌమారి, వారాహి, మహాలక్ష్మి. ఈ అష్టమాత్రుకలు శ్రీచక్రముం దేవతలుగా ఉంటారు. వీరు నిరంతరం అమ్మవారిని లోపల కొలుస్తూ ఉంటారు. ఈ అష్టమాత్రుకలకు శక్తిని ఇచ్చిన అమ్మవారు ఎవరో ఆవిడే వేల్పుటమ్మల మనంబున ఉండెడి యమ్మ. 'దుర్గ మాయమ్మ'- ఈ దుర్గమ్మ ఉన్నదే ఆవిడే లలితాపరాభట్టారికా. అ అమ్మ, మా యమ్మ
'మహత్వ, కవిత్వ, పటుత్వ, సంపదల్- ఆవిడ నాకు దయతో మహత్వ, కవిత్వ, పటుత్వ, సంపదలను ఇవ్వాలి.

Also Read: శరన్నవరాత్రుల్లో ఏ అలంకారాన్ని దర్శించుకుంటే ఎలాంటి ఫలితం పొందుతారు!
అమ్మవారికి శాక్తేయ ప్రణవములు అని కొన్ని బీజాక్షరములు ఉన్నాయి. ఓం ఐం హ్రీం శ్రీం క్లీం సౌహ్ అని పిలుస్తారు. వీటిని ఎలా పడితే అలా ఉపాసన చెయ్యకూడదు. అందుకో బమ్మెర పోతన ఇలా చెప్పారు..
మహత్వానికి బీజాక్షరము 'ఓం'
కవిత్వానికి  బీజాక్షరం 'ఐం'
పటుత్వానికి  భువనేశ్వరీ బీజాక్షరము ' హ్రీం'
సంపదల్, లక్ష్మీదేవి 'శ్రీం'
ఓం, ఐం, హ్రీం, శ్రీం, అమ్మలగన్నయమ్మ 'శ్రీమాత్రేనమః'. 
ఎక్కడున్నా అమ్మలగన్నమ్మ శ్లోకం చదివితే ఓం, ఐం, హ్రీం, శ్రీం, శ్రీమాత్రేనమః అనేస్తున్నామన్నమాట. అంటే ఆ తల్లి ఉపాసన చేస్తున్నట్టే. 
మీ కోర్కెలు ధర్మబద్ధం అయితే ఆ తల్లి తప్పనిసరిగా తీరుస్తుంది..ముందస్తుగా ఏబీపీ వ్యూయర్స్ కి దసరా శుభాకంక్షలు

Published at : 11 Sep 2022 01:18 PM (IST) Tags: Lord Durga dussehra 2022 puja time dussehra 2022 2022 dussehra dussehra 2022 dates when is dussehra 2022

సంబంధిత కథనాలు

వాస్తు దోషాలు: మీ ఇంట్లో వస్తువులు, గుమ్మాలు, గదులు ఇలా ఉంటే నరకయాతనే!

వాస్తు దోషాలు: మీ ఇంట్లో వస్తువులు, గుమ్మాలు, గదులు ఇలా ఉంటే నరకయాతనే!

Navratri 2022: ఆకలి బాధలు తీర్చే అన్నపూర్ణ అష్టకం

Navratri 2022: ఆకలి బాధలు తీర్చే అన్నపూర్ణ అష్టకం

Numerology Today: ఈ తేదీల్లో పుట్టినవారు దూకుడు తగ్గించుకుంటే మంచిది,సెప్టెంబర్‌ 29 న్యూమరాలజీ

Numerology Today: ఈ తేదీల్లో పుట్టినవారు దూకుడు తగ్గించుకుంటే మంచిది,సెప్టెంబర్‌ 29 న్యూమరాలజీ

నాలుగో రోజు అన్నపూర్ణదేవి, ఈ తల్లిని ఆరాధిస్తే అన్నానికి లోటే ఉండదు

నాలుగో రోజు అన్నపూర్ణదేవి, ఈ తల్లిని ఆరాధిస్తే అన్నానికి లోటే ఉండదు

Horoscope Today29th September: నవరాత్రుల నాలుగో రోజు ఏ రాశివారికి ఎలా ఉందో ఇక్కడ తెలుసుకోండి

Horoscope Today29th September: నవరాత్రుల నాలుగో రోజు ఏ రాశివారికి ఎలా ఉందో ఇక్కడ తెలుసుకోండి

టాప్ స్టోరీస్

Kondapur News : వైద్యుల నిర్లక్ష్యంతో బాత్ రూమ్ లో శిశువు జననం, పుట్టిన పది నిమిషాలకే!

Kondapur News : వైద్యుల నిర్లక్ష్యంతో బాత్ రూమ్ లో శిశువు జననం, పుట్టిన పది నిమిషాలకే!

RRR JAPAN : తారక్, చరణ్ తో కలిసి జపాన్ కు వెళ్తున్న రాజమౌళి | ABP Desam

RRR JAPAN : తారక్, చరణ్ తో కలిసి జపాన్ కు వెళ్తున్న రాజమౌళి | ABP Desam

Mukesh Ambani Z+ Security: ముకేశ్ అంబానికి Z ప్లస్ సెక్యూరిటీ! నిఘా వర్గాలు అప్రమత్తం చేశాయా?

Mukesh Ambani Z+ Security: ముకేశ్ అంబానికి Z ప్లస్ సెక్యూరిటీ! నిఘా వర్గాలు అప్రమత్తం చేశాయా?

JD Lakshmi Narayana : నటుడిగా సీబీఐ మాజీ జేడీ లక్ష్మీ నారాయణ, సినిమాల్లో తొలి అడుగు

JD Lakshmi Narayana : నటుడిగా సీబీఐ మాజీ జేడీ లక్ష్మీ నారాయణ, సినిమాల్లో తొలి అడుగు