Chaturmasya Deeksha 2026: చాతుర్మాస్య దీక్ష ఎప్పటి నుంచి ప్రారంభం! ఎవరైనా చేయొచ్చా , నియమాలేంటి, ఆరోగ్యం రహస్యాలేంటి?

Chaturmasya 2026 : చాతుర్మాసాలు అంటే ఆషాఢ మాసం పౌర్ణమి ముందు వచ్చే ఏకాదశి నుంచి కార్తీకపౌర్ణమి ముందు వచ్చే ఏకాదశి వరకు సమయం. ఈ నాలుగు నెలలు ఆచరించే చతుర్మాస దీక్ష నియమాలేంటి?

Chaturmas 2026 Date

Source : https://in.pinterest.com/pin/1084804628999705778/

Show Quick Read

Key points generated by AI, verified by newsroom

• ఉపవాసం, దైవారాధన, దానాలు, ఆరోగ్య నియమాలు పాటిస్తారు.

Chaturmasya Deeksha 2026: చాతుర్మాసం దీక్ష జూలై 25న ప్రారంభమవుతుంది. ఏటా దేవశయని ఏకాదశితో చాతుర్మాస్ ప్రారంభమై కార్తీకమాసంలో వచ్చే దేవుత్తని ఏకాదశితో ముగుస్తుంది. ఈ ఏడాది జూలై 25 నుంచి నవంబర్ 21 వరకూ చాతుర్మాస్యం. ఈ నాలుగు నెలలు.. శ్రావణ, ఆషాఢ, భాద్రపద, కార్తీకంలో వివాహాది శుభకార్యాల కన్నా దీక్షలు, వ్రతాలు, నోములపై శ్రద్ధవహిస్తారు. చాతుర్మాసంలో నాలుగు నెలలు విష్ణుమూర్తి విశ్రాంతి కాలం. ఏ శుభకార్యానికైనా విష్ణుమూర్తి అనుగ్రహం అవసరం అని..అందుకే ఈ సమయంలో ఎలాంటి శుభకార్యాలు చేపట్టరు. పూజ, జపం, ఉపవాసం, దానధర్మాలకు అత్యంత ప్రాధాన్యత ఇస్తారు.
 
స్కంద పురాణంలో..

చాతుర్మాస్యే తు యో భక్త్యా నియమం సముపచరేత్
స యాతి విష్ణులోకం వై సర్వపాపైః ప్రముచ్యతే॥ 

చాతుర్మాసాల్లో క్రమపద్ధతిలో భక్తితో ఉపవాసం ఉండి ధ్యానం చేస్తే పాపవిముక్తుడై విష్ణులోకాన్ని పొందుతాడని అర్థం.

సంవత్సరంలో 24 ఏకాదశిలు ఉన్నాయి. వాటిలో మొదటిది తొలి ఏకాదశి..దీన్నే శయన ఏకాదశి అంటారు. ఈ రోజు శ్రీ మహావిష్ణువు యోగనిద్రలోకి వెళ్లే సమయం. ఈ రోజు నుంచి విష్ణువు నిద్రించే నాలుగు నెలలు చేపట్టేదే చాతుర్మాస దీక్ష. ఈ నాలులు నెలలు నేలపై నిద్రించడం, సాత్విక ఆహారం తీసుకోవడం, దైవారాధనలో మునిగితేలడం, రోజుకి ఓ పూట మాత్రమే భోజనం చేయడం పాటిస్తారు.  

ఈ నాలుగు నెలలు పీఠాధిపతులు ఒకే దగ్గర ఉండిపోతారు..దీక్ష పూర్తైన తర్వాత మరో ప్రదేశానికి వెళతారు.

చాతుర్మాస్య దీక్ష గురించి పురాణ కథ
 
ఓసారి కైలాసంలో శివపార్వతులు ఆశీనులై ఉండగా..స్వామీ మీ చేయి ఇంత మృదువుగా ఉంది ఎందుకు అని అడిగింది పార్వతి. పరోపకారం చేయడం వల్ల చేతులు మృదువుగా, సున్నితంగా ఉంటాయని చెప్పాడట. ఎముకలేని చేయి అంటే అర్థం ఇదే. ఆ మాట విని లోకమాతకి పరోపకారం చేయాలనిపించింది. మారువేషంలో భూలోకానికి వెళ్లింది. నారేళ్లనాచి అనే గర్భిణికి సహాయంగా ఉంటూ సేవలు చేసి 11 రోజుల తర్వాత ఐశ్వర్యాన్ని ప్రసాదించి..చాతుర్మాస్య వ్రతం గురించి చెప్పి మాయమైపోయింంది. ఐదేళ్ల తర్వాత అదే ఇంటికి వెళ్లింది పార్వతీ దేవి. దాహంగా ఉంది నీరిమ్మని అడిగితే.. తాను వ్రతంలో ఉన్నాను అని చెప్పిందట. అవమానంగా భావించిన పార్వతి.. ఆమెకు తానిచ్చిన ఐశ్వర్యాన్ని తిరిగి తీసుకోవాలని శివుడికి చెప్పింది. అయితే ఆమె చాతుర్మాస్య వ్రతం ఆచరించింది కాబట్టి ఐశ్వర్యం తిరిగి తీసుకోవడం సాధ్యంకాదన్నాడు శివుడు. విష్ణువు నుంచి కూడా అదే సమాధానం వచ్చింది. ఇక రంగంలోకి దిగిన నారదుడు నారేళ్లనాచి వద్దకు వెళ్లి అసలు విషయం చెప్పడంతో అప్పుడు పార్వతీదేవిని శరణువేడింది. చాతుర్మాస్యం అంత శక్తివంతమైనది..
 
చాతుర్మాస్యం వ్రత నియమాలు

ఏకభుక్త మధశ్శయ్యా బ్రహ్మచర్య మహింసనమ్
వ్రతచర్యా తపశ్చర్యా కృచ్చచాంద్రాయణాదికమ్
దేవపూజా మంత్రజపో దశైతే నియమాః స్మృతాః

4 నెలల పాటూ  నాలుగు ఆశ్రమాల వారు  బ్రహ్మచర్యం, గృహస్థ, వానప్రస్థ, సన్యాసంలో ఉన్నవారు అందరూ పాటించవచ్చు.  కుల, వర్గ నియమాలు లేవు..లింగవివక్ష లేదు. 

ఆరోగ్య ప్రాధాన్యత

వాతావరణంలో మార్పులు వచ్చే సమయంలో ప్రారంభమవుతుంది చాతుర్మాస్య వ్రతం.  సూర్య కిరణాలు వేడి తగ్గే సమయం కావడంతో రోగాలు మొదలవుతాయి..అందుకే ఈ నాలుగు నెలలు ఆహార నియమాలు పాటిస్తారు
 
శ్రావణంలో ఆకుకూరలు తినకూడదు

భాద్రపదంలో పెరుగు ఎక్కువగా తీసుకోకూడదు

ఆశ్వయుజంలో పాలు, పాల పదార్థాలు తీసుకోకూడదు
 
కార్తీకంలో పప్పు పదార్థాలు తీసుకోకూడదు, ఉసిరి కాయలు తీసుకోవచ్చు
 
ఈ నాలుగు నెలల కాలంలో, ఆహారపు అలవాట్లు, జీవనశైలి , కోరికలను నియంత్రించుకోవాలని ప్రోత్సహిస్తారు. ఈ సమయంలో సాధువులు, ఋషులు ఒకే చోట నివసిస్తూ, ప్రబోధాలు, ఆధ్యాత్మిక సాధనల ద్వారా పుణ్యాన్ని కూడగట్టుకుంటారు. చాతుర్మాసంలో దానం చేయడం, జపించడం, తపస్సు చేయడం, స్నానం చేయడం శాశ్వతమైన ప్రతిఫలాలను ఇస్తాయని నమ్ముతారు. చాతుర్మాస్య దీక్ష చేసేవారు ఈ నాలుగు నెలలు మరో ప్రదేశానికి కదలరు. సూర్యోదయానికి ముందే నిద్రలేచి వ్రతం ఆచరిస్తారు. దాన ధర్మాలు చేస్తారు.  

గమనిక: వివిధ గ్రంథాల నుంచి సేకరించిన వివరాలు, ఆధ్యాత్మిక వేత్తలు పేర్కొన్న అంశాలను ఇక్కడ యథాతథంగా అందించాం.  ఇందులో పేర్కొన్న అంశాలు ప్రాధమిక సమాచారం కోసం మాత్రమే. మీరు పరిగణలోకి తీసుకుని ఆచరించేముందు మీరు విశ్వశించే పండితుల సలహాలు స్వీకరించండి

మరిన్ని చదవండి

కారులో దేవుడి బొమ్మ పెట్టొచ్చా? ఏ దేవుడి విగ్రహం ఉంచాలి? ప్రయాణంలో రక్షణకు వాస్తు చిట్కాలు!

కారులో దేవుడి బొమ్మ పెట్టొచ్చా? ఏ దేవుడి విగ్రహం ఉంచాలి? ప్రయాణంలో రక్షణకు వాస్తు చిట్కాలు!