chanakya niti : ఈ 4 పరిస్థితుల్లో పరుగెత్తకపోతే మ‌ర‌ణ‌మే..!

chanakya niti : ఆచార్య చాణక్య నీతి మనకు క్లిష్ట పరిస్థితుల నుంచి బయటపడే మార్గాన్ని చూపుతుంది. క్లిష్ట పరిస్థితుల్లో ఎలా పరిష్కారం కనుగొనాలో ఈ నీతిశాస్త్రంలో చక్కగా వివ‌రించారు. తరచుగా చాణక్యుడు బాధ నుంచి పారిపోవడానికి బదులు దానిని ఎదుర్కోవడం గురించి చెబుతాడు. అయితే 4 ర‌కాల‌ బాధలను ఎదుర్కొనే బదులు అక్కడి నుంచి పారిపోవడమే మంచిదని చాణక్యుడు చెప్పాడు. ఈ 4 పరిస్థితుల్లో మన ధైర్యం పనిచేయదు. మీరు ఈ 4 పరిస్థితులను ఎదుర్కొంటుంటే, మీరు వాటిలో చిక్కుకోవచ్చు లేదా మ‌ర‌ణించ‌వ‌చ్చు. మ‌రి ఆ 4 క్లిష్ట ప‌రిస్థితులు ఏంటి..?

Also Read : క‌ష్ట‌కాలంలోనే వీరి నిజ స్వ‌రూపం తెలుస్తుంది..!

1. హింస
హింస చెలరేగితే, అల్లర్లు జరిగితే వెంటనే అక్కడి నుంచి పారిపోవాలని చాణక్యుడు చెప్పాడు. విపత్తుల స‌మ‌యంలో, గుంపులుగా ఉన్నప్పుడు అదుపు త‌ప్పుతుంది. ఇలాంటి స‌మ‌యంలో ఎప్పుడైనా దాడి జ‌ర‌గ‌వ‌చ్చు, అటువంటి పరిస్థితిలో ప్రాణాల కోసం పరిగెత్తడం తెలివైన పని. అలాంటి చోట ఎక్కువ కాలం ఉండడం వల్ల ప్రాణాలకు ముప్పు వాటిల్లుతుంది. అంతేకాకుండా మీరు చట్టపరమైన స‌మ‌స్య‌లలో చిక్కుకోవచ్చు.

2. ప్రతీకారం
ఆచార్య చాణక్యుడు ప్రకారం, ఇతర దేశాల రాజులు మన దేశంపై దాడి చేసినప్పుడు దేశం విడిచిపెట్టడం మంచిది. లేకపోతే మీరు దెబ్బతినే అవకాశం ఉంది. నేటి ఆధునిక స‌మాజంలో, శత్రువు మనపై దాడి చేస్తే వెంటనే పారిపోవడమే మంచిది. ఎందుకంటే వ్యూహం లేకుండా, మీరు అతన్ని వెంటనే ఎదుర్కోలేరు. అలాంటి సమయాల్లో శత్రువు పూర్తి సన్నద్ధత ఉంటాడు. మీరు బ‌తికితే మళ్లీ అతనితో పోటీ పడి ఎదుర్కోవ‌చ్చ‌ని చాణ‌క్యుడు సూచించాడు.

3. క్షీణించిన ఆర్థిక వ్యవస్థ
ఆర్థిక వ్యవస్థ క్షీణించిన ప్రదేశాన్ని వదిలివేయడం మంచిది. అటువంటి ప్రదేశంలో ప్రజలు ఆహార పానీయాలు, జీవిత వనరుల కోసం ఆరాటపడతారు. అలాంటి ప్రదేశంలో ఎక్కువ కాలం ఉండడం వల్ల మీకు, మీ కుటుంబానికి హాని కలుగుతుంది.

4. అపరాధి
ఒక నేరస్థుడు మీ దగ్గరికి వస్తే, ఆ ప్రదేశం నుంచి వెళ్లిపోవడమే మంచిదని చాణక్యుడు చెప్పాడు. ఇది మీ ప్రతిష్ఠ‌పై ప్రతికూల ప్రభావాన్ని చూపుతుంది. లేదంటే నేరస్థుడు చేసిన తప్పులకు మీరు మూల్యం చెల్లించాల్సి రావచ్చు. కాబట్టి నేరస్థులు ఉన్నచోట మనం ఉండకూడదు.

Also Read : ఈ భంగిమ‌లో ఉన్న శివుని విగ్రహాలు ఇంట్లో ఉంటే ప‌ర‌మ‌శివుని అనుగ్ర‌హం త‌థ్యం - కానీ అదొక్కటీ వద్దు!

ఆచార్య చాణక్యుడి ప్రకారం, పైన పేర్కొన్న 4 స్థానాల్లో ఎప్పుడూ ఉండకూడదు. అలాంటి ప్రదేశాల్లో ఉండటం వల్ల మన జీవితాలు నష్టపోవచ్చు, లేదా మనం చేయని తప్పులకు శిక్ష అనుభవించవచ్చు, లేదా మన గౌరవానికి భంగం వాటిల్ల‌వ‌చ్చు. కాబట్టి ఈ ప్రదేశాలలో జాగ్రత్తగా ఉండటం చాలా అవసరం.

Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.