సముద్ర గర్భంలో కటౌట్, నదిలో భారీ బ్యానర్- వినూత్నంగా లోకేష్కు శుభాకాంక్షలు
తెలుగునాడు స్టూడెంట్ ఫెడరేషన్ రాష్ట్ర అధ్యక్షుడు ప్రణవ్ గోపాల్ వినూత్నంగా లోకేష్కు జన్మదిన శుభాకాంక్షలు తెలియజేశారు. విశాఖలోని సముద్ర గర్భంలో స్కూబా డైవింగ్ చేస్తూ శుభాకాంక్షలు తెలిపారు.
Lokesh Birthday Celebration : తెలుగుదేశం పార్టీ జాతీయ ప్రధాన కార్యదర్శి నారా లోకేష్ జన్మదిన వేడుకలను రాష్ట్ర వ్యాప్తంగా మంగళవారం ఘనంగా నిర్వహించారు. పార్టీ నాయకులు, కార్యకర్తలు ఆధ్వర్యంలో పుట్టిన రోజు వేడుకలను అట్టహాసంగా నిర్వహించారు. మంగళగిరిలోని పార్టీ కార్యాలయంలోనూ లోకేష్ పుట్టిన రోజు వేడుకలను నిర్వహించారు. ఈ వేడుకల్లో మాజీ మంత్రి కిమిడి కళా వెంకటరావు, పొలిట్ బ్యూరో సభ్యులు నక్కా ఆనంద్బాబు, దూళ్లిపాళ్ల నరేంద్ర, మాజీ ఎమ్మెల్సీ పర్చూరు అశోక్బాబు తదితరులు పాల్గొని కేక్ కట్ చేశారు. ఈ సందర్భంగా వారంతా మాట్లాడుతూ లోకేష్ బాబు ఆయురారోగ్యాలతో ఉండాలని ఈ సందర్భంగా వారంతా ఆకాంక్షించారు.
సముద్ర గర్భంలో లోకేష్కు విషెస్..
తెలుగునాడు స్టూడెంట్ ఫెడరేషన్ రాష్ట్ర అధ్యక్షుడు ప్రణవ్ గోపాల్ వినూత్నంగా లోకేష్కు జన్మదిన శుభాకాంక్షలు తెలియజేశారు. విశాఖలోని సముద్ర గర్భంలో స్కూబా డైవింగ్ చేస్తూ ప్రణవ్ గోపాల్ భారీ లోకేష్ చిత్రపటాన్ని ప్రదర్శిస్తూ పుట్టినరోజు శుభాకాంక్షలు తెలిపారు. సముద్ర గర్భంలో, ఆ తరువాత ఉపరితలంపైనా లోకేష్ చిత్రపటాన్ని ప్రణవ్ గోపాల్ ప్రదర్శించారు. అత్యంత ఇష్టమైన నాయకుడికి వినూత్నంగా శుభాకాంక్షలు తెలియజేయాలన్న ఉద్ధేశంతోనే ఈ సాహసాన్ని చేసినట్టు ప్రణవ్ వెల్లడించారు. లోకేష్పై ఉన్న అభిమానంతోనే స్కూబా డైవింగ్ చేసి శుభాకాంక్షలు తెలిపానన్నారు.
నదిలో భారీ కటౌట్
టీడీపీ నేత పులి చిన్న నేతృత్వంలో కృష్ణా నది మధ్యలో 100 అడుగుల కౌటట్ను ఏర్పాటు చేశారు. నీటిలో తేలియాడేలా దీన్ని ఏర్పాటు చేశారు. ఆ దృశ్యాలను బర్డ్వ్యూ ద్వారా చిత్రీకరించారు.
తెలుగుదేశం పార్టీ జాతీయ ప్రధాన కార్యదర్శి నారా లోకేష్ గారికి వినూత్న రీతిలో పుట్టినరోజు శుభాకాంక్షలు తెలిపిన తాడికొండ నియోజకవర్గ టీడీపీ నేత పులి చిన్న గారు. లోకేష్ గారి 100 అడుగుల భారీ కటౌట్ ను విజయవాడ వద్ద కృష్ణా నదిలో తెలియాడేలా చేసి... ఆ దృశ్యాలను గగనతలం నుండి… pic.twitter.com/dZ0NCECAxz
— Telugu Desam Party (@JaiTDP) January 23, 2024
గతంలోనూ సముద్ర గర్భంలో విషెస్..
విశాఖలో సముద్ర గర్భంలో గతంలో కూడా పలువురుకు జన్మదిన శుభాకాంక్షలు ఇలా తెలిపారు. జనసేన అధినేత పవన్ కళ్యాణ్ పుట్టినరోజు వేడుకలను ఆయన అభిమానులు స్కూబా డైవింగ్ చేస్తూ నిర్వహించారు. అయోధ్యలో రామ మందిరంలో బాల రాముని విగ్రహ ప్రతిష్ట ను పురస్కరించుకొని పలువురు స్కూబా డైవర్లు అతిపెద్ద రాముని చిత్రపటాన్ని ప్రదర్శించి తమ భక్తిని చాటుకున్నారు.
మంగళగిరిలో మహిళలు ఆధ్వర్యంలో
మంగళగిరిలోని అన్న క్యాంటీన్ వద్ద నారా లోకేష్ జన్మదిన వేడుకలు ఘనంగా నిర్వహించారు. పుట్టిన రోజు వేడుకల్లో వందలాది మంది మహిళలు పాల్గొని లోకేష్ చిత్రపటాన్ని పట్టుకుని శుభాకాంఓలు తెలిపారు. హ్యాపీ బర్త్ డే లోకేష్ బాబు అంటూ మహిళలు నినాదాలు చేశారు. లోకేష్ చిత్రపటాలతో కూడిన ప్లకార్డులను ఈ సందర్భంగా మహిళలు ప్రదర్శించారు. జన్మదిన శుభాకాంక్షలు జరుపుకుంటున్న లోకేష్ మరెన్నో ఇటువంటి వేడుకలు జరుపుకోవాలని మహిళలు ఆకాంక్షించారు.
మంగళగిరిలోని అన్న క్యాంటీన్ వద్ద, నారా లోకేష్ గారి పుట్టినరోజు వేడుకల్లో పాల్గొన్న వందలాది మంది మహిళలు #HBDPureHeartedLokesh #mangalagiri pic.twitter.com/O8d93kjk4g
— Telugu Desam Party (@JaiTDP) January 23, 2024
నారా లోకేష్ను విష్ చేసిన పవన్ కల్యాణ్
జనసేన అధినేత పవన్ కల్యాణ్ పుట్టిన రోజు జరుపుకుంటున్న నారా లోకేష్కు జన్మదిన శుభాకాంక్షలు తెలియజేశారు. ప్రజలతో మమేకం కావడంతో తనదైన పంథాలో వెళ్లారని అన్నారు. ప్రజాసమస్యలు చూస్తూ రాజకీయ ఒత్తిళ్లు ప్రజలు ఎలా ఎదుర్కొన్నారో అన్నారు. ఆయన సంపూర్ణ ఆరోగ్యం, సంతోషం కలగాలని పవన్ ఆశించారు.
టాప్ హెడ్ లైన్స్
ట్రెండింగ్ వార్తలు
