KTR: 'బాబూ చిట్టి, ఇక వాటిపై దృష్టి పెట్టు' - సీఎం రేవంత్‌పై కేటీఆర్ సంచలన ట్వీట్, రైతులను అరెస్ట్ చేయడంపై తీవ్ర ఆగ్రహం

Telangana News: కాంగ్రెస్ ప్రభుత్వం ఆడబిడ్డలను నమ్మించి మోసం చేసిందని బీఆర్ఎస్ వర్కింగ్ ప్రెసిడెంట్ కేటీఆర్ మండిపడ్డారు. రాజీవ్ గాంధీ విగ్రహం ఏర్పాటుపైనా ట్విట్టర్ వేదికగా విమర్శలు గుప్పించారు.

సీఎం రేవంత్ రెడ్డిపై కేటీఆర్ సంచలన ట్వీట్

Source : Twitter (X)

KTR Sensational Tweet On CM Revanth Reddy: బీఆర్ఎస్ వర్కింగ్ ప్రెసిడెంట్ కేటీఆర్ (KTR).. సీఎం రేవంత్ రెడ్డిపై (CM Revanth Reddy) ట్విట్టర్ వేదికగా ఆగ్రహం వ్యక్తం చేశారు. 'బాబూ చిట్టి.. రాజీవ్ గాంధీ విగ్రహం ఏర్పాటుతో ఢిల్లీలో మార్కులు పడ్డాయిగా.. ఇక గాంధీ ఆస్పత్రిలో చనిపోతున్న పిల్లలు, ఆడబిడ్డల మీద దృష్టి పెట్టు.' అంటూ పేర్కొన్నారు. కాగా, ఇటీవల సచివాలయం ముందు రాజీవ్ గాంధీ విగ్రహావిష్కరణను బీఆర్ఎస్ తీవ్రంగా వ్యతిరేకించింది. రాష్ట్రవ్యాప్తంగా తెలంగాణ తల్లి విగ్రహాలకు పాలాభిషేకం సైతం చేశారు. తెలంగాణ తల్లి విగ్రహం కోసం కేటాయించిన స్థానంలో కేవలం రాజకీయ దురుద్దేశంతోనే రాజీవ్ గాంధీ విగ్రహాన్ని పెట్టారని మండిపడ్డారు. తెలంగాణ ప్రజల మనోభావాలు దెబ్బతీశారని.. కాంగ్రెస్ పార్టీకి, రేవంత్ రెడ్డికి తెలంగాణ ప్రజలే బుద్ధి చెబుతారని అన్నారు. అలాగే, ఆశ పడి ఓట్లేసిన ఆడబిడ్డలను మోసం చేయడం.. నమ్మించి వంచన చేయడమే కాంగ్రెస్ నైజమని మండిపడ్డారు. గ్యాస్ రాయితీ.. ఉత్త గ్యాస్ అంటూ ఎద్దేవా చేశారు. కాంగ్రెస్ ప్రభుత్వానికి నీరుగారిపోతున్న గ్యారెంటీలని.. గంగలో కలిసిన హామీలను ట్విట్టర్‌లో పేర్కొన్నారు.

బాబు చిట్టి,

రాహుల్ గాంధీ బొమ్మకు ఢిల్లీలో మార్కులు పడ్డాయి గా, ఇక గాంధీ హాస్పిటల్ లో చనిపోతున్న పిల్లలు, ఆడబిడ్డల మీద దృష్టి పెట్టు pic.twitter.com/Zxr7XLa8W3

— KTR (@KTRBRS) September 19, 2024

మహాలక్ష్ముల నెత్తిన బండ..!

గ్యాస్ రాయితీ ..ఉత్త గ్యాస్..!

సగం మందికిపైగా మొండి చెయ్యే..!

ఆశపడి ఓట్లేసిన ఆడబిడ్డలకు మోసం..!

నమ్మించి వంచన చేయడమే కాంగ్రెస్ నైజం..!

నీరుగారిపోతున్న గ్యారెంటీలు గంగలో కలిసిన హామీలు..! pic.twitter.com/7HfobyqnzQ

— KTR (@KTRBRS) September 19, 2024

రైతుల అరెస్ట్ దారుణం

మరోవైపు, రుణమాఫీ కోసం పోరాడుతోన్న రైతులను అక్రమంగా అరెస్ట్ చేస్తున్నారని.. ఇది దారుణమని కేటీఆర్ మండిపడ్డారు. ప్రభుత్వం రైతులకు ఇచ్చిన హామీలను నిలబెట్టుకోవాలని డిమాండ్ చేశారు. ఛలో ప్రజాభవన్‌కు పిలుపునిచ్చిన వారి అరెస్టును ఖండిస్తున్నామని అన్నారు. రైతులు, సంఘాల నేతలను పోలీస్ స్టేషన్లలో నిర్బంధించడం దారుణమని చెప్పారు. ఒకేసారి రూ.2 లక్షల రుణమాఫీ చేస్తామని హామీ ఇచ్చి మోసం చేసినందునే ఆందోళన చేస్తున్నారని.. అన్నదాతలను వెంటనే విడుదల చేయాలని డిమాండ్ చేశారు. గురువారం ఉదయం నుంచి పలుచోట్ల అన్నదాతల ఇళ్లకు వెళ్లివారిని అదుపులోకి తీసుకున్నట్లు సమాచారం అందుతుందన్నారు. ఇలాంటి అప్రజాస్వామిక చర్యలను ప్రభుత్వం ఆపాలన్నారు. సీఎం రేవంత్ రెడ్డికి రైతులంటే ఎందుకంత భయం అని ప్రశ్నించారు.

రుణమాఫీ మాట నిలబెట్టుకోవాలని రైతులు చలో ప్రజాభవన్ కు పిలుపునిచ్చిన పాపానికి రాష్టవ్యాప్తంగా వారిని అరెస్టు చేయడాన్ని తీవ్రంగా ఖండిస్తున్నాం..

నిన్న రాత్రి నుంచి రైతులను, రైతు సంఘాల నాయకులను అక్రమంగా అరెస్టుచేసి పోలీసు స్టేషన్లలో నిర్బంధించడం దారుణమైన చర్య. వారేమైనా దొంగలా,…

— KTR (@KTRBRS) September 19, 2024

నిన్నటి దాకా అద్భుతాలు..ఇప్పుడు అధ్వాన్న పరిస్థితులు..!

గురుకులాలపై ముఖ్యమంత్రికి ఎందుకింత కక్ష..?

విజ్ఞానం పంచే విద్యాలయాలపై ఎందుకీ వివక్ష..?

బడుగు బలహీన వర్గాల పిల్లలకు ఎందుకు ఈ శిక్ష…?

పేదింటి బిడ్డలను రత్నాలుగా తీర్చిదిద్దే..రెసిడెన్షియల్ విద్యా సంస్థలను నాశనం చేయడానికే… pic.twitter.com/pvFlsH5LLL

— KTR (@KTRBRS) September 19, 2024