KCR Political Plan : బీజేపీలో చేరికలు లేకపోవడానికీ కేసీఆరే కారణమా ? ఈటలది నిర్వేదమా ? రాజకీయమా ?

తెలంగాణలో అన్ని పార్టీల్లో కేసీఆర్ కోవర్టులు ఉన్నారా ? ఈటల రాజేందర్ నిర్వేదానికి గురవుతున్నారా ?

బీజేపీలో చేరికలు లేకపోవడానికీ కేసీఆరే కారణమా ? ఈటలది నిర్వేదమా ? రాజకీయమా ?

 

KCR Political Plan :   తెలంగాణ సీఎం కేసీఆర్ కు అన్ని పార్టీల్లోనూ కోవర్టులు ఉన్నారని ... మాజీ మంత్రి ఈటల రాజేందర్ సంచలన ప్రకటన చేశారు.  2018 ఎన్నికల్లో నాతో సహా 20 మందిని ఓడించేందుకు ప్రత్యర్థులకు కేసీఆర్‌ డబ్బులు ఇచ్చారంటున్నారు.  ప్రపంచంలో ఏ పార్టీకి జాయినింగ్‌ కమిటీ లేదు. బీజేపీలో జాయినింగ్‌ కమిటీ పెట్టడం వల్ల పార్టీలో చేరే వారి పేర్లు లీక్‌ అవుతున్నాయి. అందుకే బీజేపీలో చేరేందుకు ఎవరూ ముందుకు రావడం లేదు అని ఆయన ఆవేదన వ్యక్తం చేశారు. ఈటల రాజేందర్ చేసిన వ్యాఖ్యలు ఆయన నిర్వేదాన్ని తెలియచేస్తున్నాయని కొందరు అంటూంటే... తెలంగాణలో కేసీఆర్‌కు ఎదురు లేదని అన్ని పార్టీలు ఆయన గ్రిప్‌లోనే ఉన్నాయని దీంతో తేలిపోతుందని మరికొందరు అంటున్నారు. నిజంగానే కేసీఆర్ కు అన్ని పార్టీల్లో కోవర్టులున్నారా ? ఈటల  రాజేందర్ మాటలకు అర్థం చేతులెత్తేయడమేనా ?

తెలంగాణ రాజకీయాల్లో కోవర్టుల కలకలం !

తెలంగాణ రాజకీయాల్లో ఇటీవలి కాలంలో కోవర్టుల అంశం పదే పదే చర్చకు వస్తోదంది. గతంలో కాంగ్రెస్ నేతలు తమ పార్టీలో కోవర్టులున్నారనే వ్యాఖ్యలు చేసేవారు. ఇప్పుడు బీజేపీ నేత ఈటల రాజేంద్ర వంతు. కేసీఆర్‌కు చెక్‌ పెట్టాలని బీజేపీ ప్లాన్స్‌ చేస్తున్న తరుణంలో కోవర్టుల విషయం బయటకు రావడం కలకలం సృష్టిస్తున్నది. ఇంతకీ బీజేపీలో ఉన్న కోవర్టులెవరు? పార్టీ అంతర్గత సమాచారాన్ని, కీలక అంశాలను కెసిఆర్ కు ఎప్పటికప్పుడు చేరవేస్తున్నదెవరు? టీఆర్ ఎస్ పార్టీలో సుదీర్ఘంగా ఉండి బీజేపీలోకి వచ్చిన ఈటలకు కోవర్టులెవరన్న దానిపై స్పష్టత ఉందా? ఈటల లాంటి సీనియర్ ఎవరిని లక్యంగా చేసుకుని ఈ వ్యాఖ్యలు చేశారు? పార్టీలో ఈటలకు ఎవరెవరితో పొసగడం లేదు? ఇప్పుడీ అంశాలన్నీ బీజేపీలో చర్చనీయాంశమవుతున్నాయి. 

కాంగ్రెస్‌లో కోవర్టులెవరన్నదానిపై ఇప్పటికీ తెగని చర్చ !

కాంగ్రెస్ పార్టీలో ఉంటూ.. టీఆర్ఎస్ కు కోవర్టులుగా పని చేస్తున్నారని కొంత మంది నేతలపై కాంగ్రెస్ క్యాడర్ మండి పడుతూ ఉంటుంది. సోషల్ మీడియాలో ఈ అంశంపై ప్రచారం జరుగుతూనే ఉంటుంది. ఇటీవల కాంగ్రెస్ పై తిరుగుబాటు చేసిన కొంత మంది సీనియర్లు కోవర్టులని తీవ్ర ఆరోపణలు వచ్చాయి. దీనిపై వారు మండిపడ్డారు. తమను కోవర్టులంటే అంగీకరించేది లేదని ఆగ్రహించారు. అయితే వీరు బీఆర్ఎస్‌తో పొత్తు పెట్టుకోవాలని తమ పార్టీ హైకమాండ్ పై ఒత్తిడి చేశారన్న అభప్రాయాలు బలంగా వినిపించాయి. కారణం ఏదైనా కాంగ్రెస్ పార్టీలో ఈ కోవర్టుల పంచాయతీ ఇంకా తేలలేదు. 

గతంలో టీడీపీ మునిగిపోవడానికి కూడా కోవర్ట్ ఆపరేషనే కారణమన్న ప్రచారం !

రాష్ట్ర విభజన తర్వాత కూడా తెలుగుదేశం పార్టీ తెలంగాణలో బలంగా ఉంది. కానీ కేసీఆర్ వ్యూహాత్మకంగా టీడీపీలో ఉన్న తన వారితో చేసిన కోవర్ట్ ఆపరేషన్ కారణంగానే .. ఓటుకు నోటు కేసు వచ్చిందని.., ఆ కారణంగానే టీడీపీ నిర్వీర్యం అయిందన్న ప్రచారం కొంత కాలంగా ఉంది. అయితే ఈ కోవర్ట్ ఆపరేషన్లు ఏవీ బయటకు రావు. రాజకీయాల్లో అంతర్గత ప్రచారం మాత్రమే. అందుకే టీడీపీ లోని కేసీఆర్ కోవర్టులు అన్నది కూడా... నిజానిజాలు తెలియనంతగా ప్రచారం జరుగుతూనే ఉంది. 

అన్ని పార్టీల్లోనూ కోవర్టుల భయం !

ప్రస్తుతం తెలంగాణలో అన్ని పార్టీల్లోనూ కోవర్టుల భయం ఉంది. బీజేపీలో ఇప్పటి వరకూ నిబద్దులైన నేతలు ఉంటారని అనుకుంటారు. కానీ ఈటల వ్యాఖ్యలు చూసిన తర్వాత ఆ పార్టీలోనూ భయం ...ఆందోళన కనిపిస్తున్నాయి. ఇక కాంగ్రెస్ గురించి చెప్పాల్సిన పని లేదు. అందుకే.. ఇప్పుడు కేసీఆర్ ను చూసి అన్నిపార్టీల నేతలూ ఆందోళన చెందుతున్నారు. తమ పార్టీలోనే ఒకరిని ఒకరు నమ్మలేని పరిస్థితికి చేరుతున్నారు.