Team India Return: సగర్వంగా స్వదేశానికి వచ్చిన ఆటగాళ్ళు, ఎక్కడ చూసినా అభిమానుల సందడే

Team India Return: సుదీర్ఘ విరామం తర్వాత ఐసీసీ ట్రోఫీ సాధించిన టీం ఇండియా ఆటగాళ్ళు స్వదేశానికి చేరుకున్నారు. ఉదయం ఢిల్లీలో అడుగు పెట్టిన రోహిత్‌ సేనకు అభిమానులు ఘనంగా స్వాగతం పలికారు.

అభిమానులకు ట్రోఫీ చూపెడుతున్న కెప్టెన్ రోహిత్ శర్మ(Photo Source: Twitter/@ICC/@mufaddal_vohra )

టీ 20 ప్రపంచ కప్ సాధించి దేశ రాజధానికి చేరుకున్న విజేతలకు అభిమానులు ఘనంగా స్వాగతం పలికారు. న్యూఢిల్లీ ఎయిర్పోర్టు లో అభిమానులకు రోహిత్ శర్మ ట్రోఫీని చూపిస్తూ కనువిందు చేశాడు.

T20 ప్రపంచ కప్‌ 2024 లో ప్రతి ఆటగాడి పాత్ర మారువలేనిది . ఫైనల్ మ్యాచ్ లో సూర్య కుమార్ యాదవ్ పట్టుకున్న అద్భుతమైన క్యాచ్ జట్టును సగర్వంగా గెలుపు వైపు నడిపించింది. నువ్వు పట్టుకున్నది బంతిని కాదు ట్రోఫీని అంటూ ఫాన్స్ స్కై పై అభిమానం కురిపించారు.