ఆసియా కప్‌లో బంగ్లాపై శ్రీలంక విజయం - ఐదు వికెట్ల తేడాతో!

ఆసియా కప్‌లో బంగ్లాదేశ్‌తో జరిగిన మ్యాచ్‌లో శ్రీలంక ఐదు వికెట్లతో విజయం సాధించింది.

మ్యాచ్‌లో శ్రీలంక బ్యాటర్లు

ఆసియా కప్‌ను శ్రీలంక జట్టు విజయంతో ప్రారంభించింది.

తమ మొదటి మ్యాచ్‌లో బంగ్లాదేశ్‌పై ఐదు వికెట్లతో గెలుపొందింది.

ఈ మ్యాచ్‌లో మొదట బ్యాటింగ్ చేసిన బంగ్లాదేశ్ జట్టు 42.4 ఓవర్లలో 164 పరుగులకే ఆలౌట్ అయింది.

అనంతరం శ్రీలంక కేవలం 39 ఓవర్లలోనే ఐదు వికెట్లు నష్టపోయి లక్ష్యాన్ని ఛేదించింది.

నాలుగు వికెట్లు తీసిన శ్రీలంక పేస్ బౌలర్ మతీష పతిరానాకు ప్లేయర్ ఆఫ్ ది మ్యాచ్ అవార్డు లభించింది.

బంగ్లా బ్యాటర్లలో నజ్ముల్ హుస్సేన్ శాంటో (89: 122 బంతుల్లో, ఏడు ఫోర్లు) టాప్ స్కోరర్‌గా నిలిచాడు.

శ్రీలంకలో చరిత్ అసలంక (62 నాటౌట్: 92 బంతుల్లో, ఐదు ఫోర్లు, ఒక సిక్సర్) అత్యధిక పరుగులు సాధించాడు.