ఇంటికి పడమర దిశలో ఈ వస్తువులు ఉంటే కుటుంబంలో అందరిపైనా శని ప్రభావం ఉంటుంది!

Vastu Tips: వాస్తు ప్రకారం ఇంటి పడమర దిశలో శని దేవుడు ఉంటాడు. ఇక్కడ కొన్ని ఉంచకూడని వస్తువులు ఉంచితే శని దుష్ప్రభావాలు తప్పవంటారు వాస్తు శాస్త్ర నిపుణులు.

The Power of Saturn

అన్ని గ్రహాలకు వాటి ప్రత్యేక దిశ ఉంటుంది. అదేవిధంగా న్యాయ దేవత ,దండనాధికారి అయిన శని ప్రభావం ఇంటి పడమర దిశలో ఉంటుంది. మీరు ఈ దిశను అస్తవ్యస్తంగా ఉంచితే చెడు ఫలితాలను ఎదుర్కోవలసి ఉంటుంది.

శని దేవుడు పశ్చిమ దిశకు అధిపతి . శని దేవుడు ప్రసన్నుడైతే శుభ ఫలితాలను ఇస్తాడు. కానీ ఇంటి పశ్చిమ దిశలో చేసిన తప్పులు మీకు సమస్యలను కలిగిస్తాయి. కాబట్టి పశ్చిమ దిశలో ఎలాంటి తప్పులు చేయకూడదో తెలుసుకోండి.

వాస్తు శాస్త్రం ప్రకారం పడమర దిశలో వంటగదిని నిర్మించకూడదు. ఈ దిశలో వంటగది ఉండటం వల్ల ఆర్థిక సమస్యలు పెరుగుతాయి, ఆరోగ్యంపై కూడా చెడు ప్రభావం పడుతుంది. ఈ దిశలో నిర్మించిన వంటగదిలో ఎల్లప్పుడూ ఆహార ధాన్యాల కొరత ఉంటుందని నమ్ముతారు.

అలాగే పడమర దిశలో దేవాలయం, బాల్కనీ, బాత్రూమ్ , బెడ్ రూమ్ కూడా ఉండకూడదు. ఒకవేళ ముందే ఈ స్థలంలో ఇవి ఉంటే, పరిష్కారం కోసం మీరు నీటి మూలకాలకు సంబంధించిన వస్తువులను ఉంచండి లేదా ఫొటో పెట్టండి.

పడమర దిశలో మీరు ఫర్నిచర్ ఉంచవచ్చు. అయితే ఫర్నిచర్ ను శుభ్రంగా ఉంచాలని గుర్తుంచుకోండి. ఈ ప్రదేశంలో విరిగిన ఫర్నిచర్ , పనికిరాని వస్తువులను ఉంచకూడదు. ఇది ఇంటి శ్రేయస్సును నెమ్మదిగా తగ్గిస్తుంది.

వాస్తు శాస్త్రం ప్రకారం, మీరు ఈ దిశను శుభ్రంగా మరియు చక్కగా ఉంచుకుంటే, శని అనుగ్రహం ఎప్పుడూ మీ కుటుంబంపై ఉంటుంది. ఎందుకంటే ఈ దిశను సరిగ్గా నిర్వహించడం వల్ల జీవితంలో సమతుల్యత వస్తుంది