5 రోజుల పాటు చోర పంచకం! ఈ సమయంలో బంగారం కొనకూడదు..ఇంకా ఏ పనులు చేయకూడదో తెలుసుకోండి!

Chor Panchak 2025: హిందూమతంలో అశుభంగా భావించే 5 రోజుల వ్యవధి ఇది. ఈ సమయంలో చేసే పనులు మంచి ఫలితాలను ఇవ్వవు. వీటిలో చోర పంచకం అశుభంగా భావిస్తారు

Chor Panchak 2025 Dates

జ్యోతిష్య శాస్త్రం ప్రకారం అశుభ నక్షత్రాల కలయిక ఏర్పడినప్పుడు ‘పంచక్’ ఏర్పడుతుంది. సాధారణంగా దీనిని అశుభ ఫలితాలను ఇచ్చే సమయంగా భావిస్తారు.

చంద్రుడు ధనిష్ట, శతభిష, పూర్వాభాద్ర, ఉత్తరాభాద్ర , రేవతి నక్షత్రాలపై సంచరిస్తున్నప్పుడు పంచక కాలం అంటారు. చంద్రుడు కుంభం , మీన రాశులలో సంచరించినప్పుడు కూడా పంచకం ఏర్పడుతుంది.

పంచకంలో.. రోగ పంచకం, మృత్యు పంచకం, అగ్ని పంచకం, రాజ పంచకం , చోర్ పంచకం ఉంటాయి. శుక్రవారం నాడు ప్రారంభమైనప్పుడు, దానిని 'చోర్ పంచకం' అంటారు.

అక్టోబర్ 31 శుక్రవారం నాడు చోర పంచకం ప్రారంభమవుతుంది. ఐదు రోజుల పాటూ ఈ ప్రభావం ఉంటుంది..అందుకే ఈ సమయంలో శుభకార్యాలు తలపెట్టకూడదు

చోర పంచకం ఐదు రోజులలో ఆర్థిక లావాదేవీలు చేయకుండా ఉండాలి. ఈ సమయంలో చేసిన ఆర్థిక లావాదేవీలు ధన నష్టానికి కారణమవుతాయని నమ్ముతారు. అలాగే దక్షిణ దిశకు ప్రయాణం చేయకుండా ఉండాలి.

చోర పంచకం సమయంలో కొత్త వ్యాపారం ప్రారంభించడం, పెద్ద పెట్టుబడులు పెట్టడం, వ్యాపార ఒప్పందాలు చేసుకోవడం వంటివి చేయకూడదు. ఈ సమయంలో చేసే పనుల వల్ల శుభ ఫలితాలు తక్కువగా వస్తాయని నమ్ముతారు.

వివాహాలు, నిశ్చితార్థాలు, ఉపనయనం, కొత్త బట్టలు లేదా ఆభరణాలు కొనడం, పెట్టుబడులు వంటి పనులు కూడా చోర పంచకం సమయంలో చేయడం అశుభంగా భావిస్తారు.