Health News : ఎక్కువ జుట్టు రాలిపోవడం, అలసటగా ఉందా? అయితే మీ శరీరంలో ఆ లోపం ఉన్నట్లే

Protein Deficiency : ఎల్లప్పుడూ అలసటగా ఉండడం, జుట్టు రాలడం వంటి లక్షణాలు శరీరంలో ప్రోటీన్ లోపానికి సంకేతాలు కావచ్చు. అయితే ప్రోటీన్ లోపం వల్ల కలిగే ఇతర లక్షణాలు, సమస్యలు ఏంటో తెలుసుకుందాం.

ప్రోటీన్ తినకుంటే కలిగే నష్టాలు ఇవే (Image Source : Freepik)

ఏ పని చేయకుండా రోజంతా నీరసంగా, లేజీగా అనిపిస్తుందా? అయితే ఇది ప్రోటీన్ లోపం వల్ల కలిగే మొదటి సంకేతం కావచ్చు. కండరాలకు శక్తి అందడం ఆగిపోతుంది. దీనివల్ల బలహీనత ఏర్పడుతుంది.

జుట్టు అకస్మాత్తుగా, ఎక్కువగా రాలుతుందా? చాలా పలుచగా అవుతుందా? ఇది కూడా శరీరంలో ప్రోటీన్ లోపానికి సంకేతం కావచ్చు. జుట్టును బలంగా, ఆరోగ్యంగా ఉంచడానికి ప్రోటీన్ అవసరం.

చర్మం పొడిబారడం, తేమ లేకపోవడం, పొలుసుల ఏర్పడడం, ముడతలు.. ఇవన్నీ ప్రోటీన్ లోపాన్ని సూచిస్తాయి. చర్మానికి తగినంత ప్రోటీన్ అందకపోతే ఇవన్నీ కనిపిస్తాయి.

కండరాలు తగ్గడంతో పాటు.. కండరబలం తగ్గుతుందంటే దాని అర్థం ప్రోటీన్ తగ్గడమే. వయసు పెరిగే కొద్ది ఈ మార్పు నోటిస్ చేయవచ్చు. శరీరం తగినంత ప్రోటీన్ పొందనప్పుడు.. కండరాలను విచ్ఛిన్నం చేసి శక్తిని ఉత్పత్తి చేస్తాయి. అందుకే ఇలా జరుగుతుంది.

రోగనిరోధక శక్తిని బలోపేతం చేయడానికి ప్రోటీన్ అవసరం. మీరు పదే పదే ఇన్ఫెక్షన్లు, జలుబు లేదా జ్వరాల బారిన పడుతుంటే.. ప్రోటీన్ లోపం కారణంగా ఉండవచ్చు.

ప్రోటీన్ మెదడును స్థిరంగా ఉంచే న్యూరోట్రాన్స్మిటర్లను తయారు చేయడానికి సహాయపడుతుంది. దీని లోపం వల్ల మూడ్ తరచుగా మారవచ్చు. చికాకు, డిప్రెషన్ వంటి సమస్యలు ఏర్పడవచ్చు.