Singer Srilalitha Engagement: పెళ్లి పీటలు ఎక్కబోతున్న మరో టాలీవుడ్‌ సింగర్‌ - నిశ్చితార్థం ఫోటోలు వైరల్‌

Singer Srilalitha:'కాంతార' వరహరూపం సాంగ్‌ సింగర్‌ శ్రీలలిత పెళ్లి పీటలు ఎక్కబోతుంది. సైలెంట్‌గా నిశ్చితార్థం చేసుకున్న ఆమె తాజాగా ఫోటోలు షేర్‌ చేసి సర్‌ప్రైజ్‌ చేసింది

Image credit: srilalithabhamidipati/Instagram

Singer Srilalitha Engagement Photos: ఇటీవల సినీ సెలబ్రేటీలంత వరుసగా పెళ్లి పీటలు ఎక్కుతున్నారు. స్టార్‌ హీరోయిన్స్‌ నుంచి ప్లే బ్యాక్‌ సింగర్స్‌, నటీనటులు ఇలా ఎవరో ఒకరు పెళ్లి కబురు చెబుతున్నారు.

ఇటీవల ప్రముఖ టాలీవుడ్‌ సింగర్‌ హారిక నారాయణ్‌ ప్రియుడిని పెళ్లాడి వైవాహిక జీవితంలోకి అడుగెపెట్టింది. అయితే తాజాగా మరో టాలీవుడ్‌ సింగర్‌ కూడా పెళ్లి సిద్ధమైంది. ఆమె శ్రీ లలిత. ఈ పేరు చెప్పగానే వెంటనే గుర్తు పట్టకపోవచ్చ.

కానీ, కాంతార సింగర్‌ అనగానే టక్కున చెప్పేస్తారు. కాంతారలో ఎక్కువగా వినిపించిన సాంగ్‌ 'వరహారూపం'. రియల్‌ సాంగ్‌ ఎవరూ పాడారో పెద్దగా పరిచయం లేదు. కానీ యూట్యూబ్‌లో ఈ పాటతో శ్రీలతిత సెన్సేషన్‌ అయ్యింది.

దాదాపు 8.5 మిలియన్ వ్యూస్‌తో ఆమె పాడిన పాట ట్రెండింగ్‌లో నిలిచింది. అతి చిన్న వయసులో సింగర్‌గా మారిన శ్రీలలిత ఇప్పుడు పెళ్లీ పీటలు ఎక్కబోతుంది. సైలెంట్‌గా నిశ్చితార్థం చేసుకుని ఆ ఫోటోలను తన ఇన్‌స్టాగ్రామ్‌లో షేర్‌ చేసింది.

వీటికి "జానకి కలగనలేదు రాముని సతి కాగలనని ఏనాడు.. రాముడు అనుకోలేదు జానకి పతి కాగలనని ఆనాడు.. ఆనాడు ఎవరూ.. అనుకోనిది..ఇనాడు మనకు.. నిజమైనది.. ఆ రామాయణం...మన జీవన పారాయణం' అని చెబుతూ తనకు కాబోయే వాడిని పరిచయం చేసింది.

ఇక శ్రీలలిత పెళ్లి కబురు చెప్పడంతో అంతా అవాక్క్‌ అవుతున్నారు. మూడున్నర ఎళ్లలోనే గాయనీగా పరిచయమైన శ్రీలలిత ఇప్పడు పెళ్లి వయసుకు ఎదిగిందా? పలువురు ఆశ్చర్యం వ్యక్తం చేస్తున్నారు.

ఇక మూడున్నరేళ్ల వయసులోనే ఓ స్టేజీపై పద్యం చెప్పమని అడగడంతో శ్రీలలిత'లింగాష్టకం' పాడి అందరినీ ఆశ్చర్యపరిచింది.

కాగా లిటిల్‌ చాంప్స్‌, పాడుతా తీయగా, స్వరాభిషేకం.. వంటి పలు సింగింగ్‌ రియాలిటీ షోల్లో పాల్గొన్న శ్రీలలిత మ్యూజిక్‌లో ఎంఏ పూర్తి చేసింది. ప్రస్తుతం తమిళ, కన్నడ, మలయాళ భాషల్లోనూ పాటలు పాడుతూ అలరిస్తోంది.