అన్వేషించండి

బ్రహ్మముడి అక్టోబరు 08 ఎపిసోడ్ హైలెట్స్: ఓ రెండు ప్రేమ మేఘాలిలా.. దూకాయి వానలాగా - సారీ చెప్పిన కళావతి ఆలోచనలో పడిన రాజ్!

Brahmamudi Serial Today October 7th Episode : ఎప్పటిలా కావ్యని అపార్థం చేసుకున్నాడు రాజ్. అవకాశాన్ని వినియోగించుకుంది రుద్రాణి. ఇప్పుడు కావ్య ఏం చేస్తుంది. అక్టోబరు 08 సోమవారం ఎపిసోడ్ హైలెట్స్ .

Written By : RAMA | Updated at : 08 Oct 2024 09:49 AM (IST)

Brahmamudi Serial Today October 8th Episode (Image Credit: Disney Plus Hotstar/ Star Maa)

1/8

అపర్ణ కావ్యను కలిసిందని రాహుల్..రుద్రాణికి కాల్ చేసి చెబుతాడు. ఇంటికొచ్చిన అపర్ణని నిలదీయడంతో రాహుల్ ని స్వప్న దగ్గర బుక్ చేస్తుంది అపర్ణ. ఇంట్లో అందమైన భార్యని పెట్టుకుని వేరే అమ్మాయితో చక్కర్లు కొడుతున్నాడని చెబుతుంది. రాహుల్ అక్కడి నుంచి తప్పించుకునేందుకు ప్రయత్నిస్తుండగా..అడ్డుపడిన స్వప్న.. రూమ్ లో తీసుకెళ్లి ఉతుకుతుంది.

2/8

కూరగాయలు కొనేందుకు వెళుతున్న కావ్యకు ఎదురుపడుతుంది అనామిక. మనల్ని వెళ్లగొట్టిన ఆ కుటుంబంపై ఎందుకు ప్రేమ.. నాతో చేయికలుపు..బోలెడు డబ్బు అని అనామిక అంటే.. నా టాలెంట్ ను డబ్బుతో కొనలేవు అంటుంది కావ్య. నా భర్త 2 కోట్లు ముష్టిగా పడేస్తే కానీ నీ పెళ్లి జరగలేదు..నువ్వు డబ్బులో కాదు అప్పుల్లో పుట్టిపెరిగావ్ అని సెటైర్ వేస్తుంది.

3/8

నువ్వు నాతో కంపెనీకి రాకపోతే అగ్రిమెంట్ రాసివచ్చావ్ కదా .. కేసు పెట్టిస్తా. కోర్టులు సాక్ష్యం చెప్పి నన్ను జైలుకి పంపించినందుకు ప్రతీకారంగా నేను నిన్ను జైలుకి పంపిస్తాను..నన్ను గెలిపిస్తావో నువ్వు ఓడిపోతావో నీ ఇష్టం అనేసి వెళ్లిపోతుంది అనామిక. అగ్రిమెంట్ ప్రకారం నేను వెళ్లాలి..కానీ దుగ్గిరాల వారి కుటుంబానికి వ్యతిరేకంగా పనిచేసే ఏ కంపెనీలోనూ పనిచేయను.. నేను దేనికైనా సిద్ధంగా ఉన్నాను అంటుంది.

4/8

కోచింగ్ సెంటర్లో డబ్బులు కట్టిన కళ్యాణ్ తో.. మిగిలిన డబ్బు ఎప్పుడు కడతారని అడుగుతారు. నన్ను నమ్మండి త్వరలోనే కట్టేస్తాను అని మాటిస్తాడు. మా బాస్ నన్ను తిడతారు నాకు మాట రానివ్వకండి అంటాడు.

5/8

కావ్య గురించి సీతారామయ్య రాజ్ తో మాట్లాడుతాడు. కావ్యపై కోపం నీ వ్యక్తిగత విషయం..దాన్ని కంపెనీకి ఎందుకు కలుపుతున్నావ్.. మనకు అవార్డ్ రాకపోవడానికి కారణం కావ్యలాంటి డిజైనర్ లేకపోవడం వల్లే.. అందుకే కావ్యను మన కంపెనీ డిజైనర్ గా అపాయింట్ చేయి అంటాడు. నన్ను మీరు అవమానిస్తున్నారు అనేసి రాజ్ వెళ్లిపోతాడు

6/8

సామంత్ బినామీ కంపెనీ అయిన సురేష్ దగ్గరికి ఒక లేబర్ ఆఫీసర్ గా వెళ్తుంది కనకం. మీ బాస్ సామంత్ ఎక్కడ..తనను పట్టిన అనామిక ఎక్కడ..మీరు ఉద్యోగులకు ఇబ్బంది పెడుతున్నారంటగా.. మీపై ఫిర్యాదు వచ్చిందంటుంది. అగ్రిమెంట్స్ తీసుకురా అంటుంది. వాటిని తనతో పాటు తీసుకొచ్చిన ఇద్దరికి ఇచ్చి ఇందులో కావ్య అగ్రిమెంట్ సెపరేట్ గా తీయి అంటుంది. ఆ పేపర్ ని కనకం దాచేస్తుంది.

7/8

అక్కడి నుంచి జారుకునేందుకు ప్రయత్నిస్తుంది కనకం..అప్పుడే పిన్నీ అంటూ ఎంట్రీ ఇచ్చిన అనామిక అగ్రిమెంట్ పేపర్స్ ఇమ్మంటుంది. అక్కడున్న మేనేజర్ ని పోలీసులకు కాల్ చేయమంటుంది..కనకం కంగారుపడుతుంది

8/8

బ్రహ్మముడి అక్టోబరు 09 ఎపిసోడ్ లో కళావతి నేరుగా వచ్చి రాజ్ కి క్షమాపణలు చెబుతుంది. నన్ను తప్పుగా అర్థం చేసుకున్నారు..నేను అలాంటిదాన్ని కాదు అంటుంది.. రాజ్ ఆలోచనలో పడతాడు...