అన్వేషించండి

బ్రహ్మముడి అక్టోబరు 05 ఎపిసోడ్ హైలెట్స్: కావ్యను ఇంటికి తీసుకొచ్చిన అపర్ణ..రుద్రాణిని ఉతికారేసిన స్వప్న

Brahmamudi Serial Today October 5th Episode : ఎప్పటిలా కావ్యని అపార్థం చేసుకున్నాడు రాజ్.. అవకాశాన్ని వినియోగించుకుంది రుద్రాణి... ఇప్పుడు కావ్య ఏం చేస్తుంది. ఈ రోజు ఎపిసోడ్ హైలెట్స్ ఇవే...

Written By : RAMA | Updated at : 05 Oct 2024 09:41 AM (IST)

Brahmamudi Serial Today October 5th Episode (Image Credit: Disney Plus Hotstar/ Star Maa)

1/10

సామంత్ గ్రూప్ కి అవార్డ్ రావడంతో ఆవేశంతో ఇంటికెళ్లిన రాజ్ కావ్యను తిడతాడు. అపర్ణ, ఇందిరాదేవి ఏం జరిగిందో తెలుసుకుందాం అన్నప్పటికీ కూడా రాజ్ అసలు మాట్లాడే అవకాశం ఇవ్వడు. రుద్రాణి ఈ అవకాశాన్ని వినియోగించుకుంటుంది

2/10

ఎవరు ఏం చెప్పినా ఆ కళావతి ఇంటికి ద్రోహం చేసిందని భావించిన రాజ్.. కావ్య దుస్తులు, పెళ్లి ఫొటోలు తీసుకొచ్చి నిప్పు పెడతాడు. ఇంట్లో అందరూ ఆపేందుకు ఎంత ప్రయత్నించినా మాట వినడు. రుద్రాణి, రాహుల్, ధాన్యలక్ష్మి తప్ప అందరూ బాధపడతారు.

3/10

ఈ లోగా వర్షం పడి రాజ్ అంటించిన మంట ఆగిపోతుంది...స్త్రీ అంటే ప్రకృతితలో సమానం అలాంటి స్త్రీకి అవమానం జరిగితే ప్రకృతే కాదు పంచభూతాలు కూడా సహించవంటుంది అపర్ణ. నువ్వు ఒప్పుకున్నా ఒప్పుకోపోయినా కావ్య నిర్దోషి అని ప్రకృతే చెబుతోందని ఫైర్ అవుతుంది.

4/10

ఎంట్రా ఇలా జరిగింది..నిజంగానే కావ్యకు ప్రకృతి సహకరిస్తోందా అని రుద్రాణి అంటే.. హైదరాబాద్ లో వాన ఎప్పుడు పడుతుందో ఆగుతుందో తెలియదు.. పంచభూతాలు మిరాకిల్ ఏంటిలే అంటాడు రాహుల్

5/10

ఏడుస్తూ కూర్చున్న కావ్య దగ్గరకి వచ్చి ఏం జరిగిందని అడుగుతుంది కనకం..జరిగినదంతా మొత్తం చెబుతుంది కావ్య.

6/10

లాస్ట్ వరకూ వచ్చి ఎందుకిలా చేశావ్. కావ్యను నడిపిస్తున్నది మనమే అని తెలిసిపోయింది..ఇప్పుడు ఆమె డిజైన్లు ఇవ్వను అని చెప్పింది కదా అంటాడు సామంత్.

7/10

టెన్షన్ పడొద్దని చెప్పిన అనామిక...రుద్రాణికి కాల్ చేస్తుంది. జరిగినదంతా చెబుతుంది రుద్రాణి.. జన్మలో రాజ్ కావ్యను క్షమించడు అని చెబుతుంది.

8/10

రుద్రాణి-అనామిక మాట్లాడుకుంటుంటే స్వప్న వింటుంది. ఆ వెనుకే వచ్చి రుద్రాణిని ముసుగేసి వాయించేసి వెళ్లిపోతుంది. అక్కడకు వచ్చిన రాహుల్ ఏం జరిగిందని అడుగుతాడు.. నన్ను ఎవరో కొట్టారు అని చెబుతుంది.

9/10

అప్పుడే వచ్చిన స్వప్న ఏం జరిగిందని ఏమీ తెలియనట్టు అడుగుతుంది. ఎంతమంది కొంపలు కూల్చారో వాళ్లలో ఎవరో వచ్చి కొట్టి ఉంటారు .. ఇకనైనా జాగ్రత్త అని చెప్పేసి వెళ్లిపోతుంది...

10/10

అమ్మ ఏది అని రాజ్ వచ్చి అడిగితే...మీ అమ్మ గుడికి వెళ్లింది ఆ కావ్యను కలిసేందుకు అని రుద్రాణి చెబుతుంది. జరిగినదంతా చెప్పిన అపర్ణ.. నువ్వు ఇప్పుడు వాడికి ఏమీ చెప్పాల్సిన అవసరం లేదు..ఇంటికొచ్చి బుద్ధిగా కాపురం చేసుకో అంటుంది... వెంటబెట్టుకుని ఇంటికి తీసుకొస్తుంది.. బ్రహ్మముడి అక్టోబరు 7 సోమవారం ఎపిసోడ్ లో ఇదే హైలెట్...