Anjali Photos: కొత్త ఏడాది రూట్ మార్చావా అంజలి.. మరీ ఇంత అవసరమా..

Image Credit: Anajali / Instagram

ఈ జనరేషన్ సీతమ్మగా మెప్పించిన అంజలి.. 'జర్నీ', 'సీతమ్మ వాకిట్లో సిరిమల్లె చెట్టు ' సినిమాల హిట్ తర్వాత ఎక్కడికో వెళ్లిపోతుంది అనుకున్నారు. కానీ ఆ జోరు కంటిన్యూ చేయలేకపోయింది. వెండితెరకు దూరం కాలేదు కానీ కొన్ని రోజులు తమిళంలో, కొన్నిరోజులు తెలుగులో అంటూ మెరుస్తూ వచ్చింది. ఈ మధ్యే పవన్ కళ్యాణ్ 'వకీల్ సాబ్' సినిమాలో నటనతో ఆకట్టుకుంది.

హీరోయిన్స్ అంతా వెబ్ సిరీస్ వైపు చూస్తున్న ఈ రోజుల్లో తాను సైతం అంటోంది అంజలి. ‘ఝాన్సీ’ పేరుతో తెరకెక్కనున్న విమెన్ ఓరియెంటెండ్ వెబ్ సిరీస్ లో నటించబోతోంది అంజలి. భావోద్వేగాలు కలబోసిన ప్రతీకార కథ కావడంతో అందులో పోరాట ఘట్టాల కోసం ప్రత్యేకంగా శిక్షణ తీసుకుందట. తెలుగులో రూపొందిస్తున్న ఈ సిరీస్‌ను ఏడు భారతీయ భాషల్లో అనువదించబోతున్నారు