Amy Jackson: బాయ్ ఫ్రెండ్‌కి యస్ చెప్పేసిన అమీ జాక్సన్ - అతను ఎవరో తెలుసా?

తెలుగు, తమిళ సినిమాల్లో నటించిన బ్రిటిష్ హీరోయిన్ అమీ జాక్సన్ తన బాయ్ ఫ్రెండ్‌ ప్రపోజల్‌ను యాక్సెప్ట్ చేశారు.

అమీ జాక్సన్, ఎడ్ వెస్ట్ విక్

అమీ జాక్సన్ ప్రేమలో పడ్డారు. బ్రిటిష్ నటుడు ఎడ్ వెస్ట్‌విక్ ప్రపోజల్‌కు అమీ జాక్సన్ ఓకే చెప్పారు. దీనికి సంబంధించిన ఫొటోలను కూడా అమీ జాక్సన్ ఇన్‌స్టాగ్రామ్‌లో షేర్ చేశారు.

అమీ జాక్సన్‌ ప్రేమలో పడటం ఇది మొదటిసారి కాదు. గతంలో జార్జి అనే బ్రిటిషర్‌తో అమీ జాక్సన్ కొన్ని సంవత్సరాలు రిలేషన్ షిప్‌లో ఉన్నారు. వీరిద్దరికీ ఒక కొడుకు కూడా ఉన్నాడు.

2022లో వీరిద్దరికీ బ్రేకప్ అయింది. ఇప్పుడు రెండు సంవత్సరాల వ్యవధిలో అమీ మరోసారి రిలేషన్ షిప్‌లో అడుగుపెట్టారు.

తెలుగు, తమిళ, కన్నడ, హిందీ, ఇంగ్లిష్ భాషల్లో అమీ జాక్సన్ సినిమాలు చేశారు. 2010లో వచ్చిన తమిళ సినిమా ‘మదరాస పట్టణం’ తన మొదటి సినిమా. ఈ సినిమా తెలుగులో ‘1947: ఏ లవ్ స్టోరీ’ పేరుతో డబ్ అయింది. రెండు భాషల్లోనూ బ్లాక్‌బస్టర్‌గా నిలిచింది.

తెలుగులో అమీ జాక్సన్ ఒకే ఒక్క స్ట్రయిట్ సినిమా చేశారు. అదే రామ్ చరణ్ హీరోగా నటించిన ‘ఎవడు’. ఈ సినిమా హిట్ అయినా తెలుగులో అమీకి ఎక్కువగా అవకాశాలు రాలేదు.

ఈ సంవత్సరం ప్రారంభంలో తమిళంలో ‘మిషన్: ఛాప్టర్ 1’తో బ్లాక్‌బస్టర్ అందుకున్నారు. ‘మదరాస పట్టణం’ దర్శకుడు ఏఎల్ విజయ్‌నే ఈ సినిమాకి కూడా దర్శకుడు కావడం విశేషం. ‘క్రాక్’ అనే హిందీ సినిమాలో కూడా అమీ జాక్సన్ నటిస్తున్నారు.