Jayasudha: 'సమ్మర్ హాలిడేస్'లో సహజ నటి... అమ్మమ్మ పాత్రలో జయసుధ ఫస్ట్ లుక్ రిలీజ్

Jayasudha In Summer Holidays: 'సమ్మర్ హాలిడేస్'లో సహజ నటి జయసుధ నటిస్తున్నారు. అమ్మమ్మ సుశీలమ్మ పాత్రలో ఆవిడ ఫస్ట్ లుక్ పోస్టర్ రిలీజ్ చేశారు.

'సమ్మర్ హాలిడేస్' సినిమాలో జయసుధ రోల్, లుక్ తెలుసుకోండి

Source : https://x.com/SureshPRO_

Show Quick Read

Key points generated by AI, verified by newsroom

• ధీరజ్ మొగిలినేని నిర్మిస్తున్న 'సమ్మర్ హాలిడేస్' చిత్రం గురించి.
• చిత్రంలో జయసుధ ఫస్ట్ లుక్ నేడు విడుదల చేశారు.
• అమ్మమ్మ సుశీలమ్మ పాత్రలో జయసుధ అందరినీ ఆకట్టుకోనున్నారు.
• బాల్యపు జ్ఞాపకాలు గుర్తుచేసే అందమైన కథ ఈ సినిమాది.

ఆనంద్ దేవరకొండ, విరాజ్ అశ్విన్‌ల 'బేబీ', సుహాస్ 'అంబాజీపేట మ్యారేజ్ బ్యాండ్', రష్మికా మందన్నా 'ది గర్ల్ ఫ్రెండ్'తో కంటెంట్ & స్టోరీ బేస్డ్ కథలతో సినిమాలు తీసి నిర్మాతగా మంచి పేరు తెచ్చుకున్నారు ధీరజ్ మొగిలినేని (Dheeraj Mogilineni). ప్రొడ్యూస్ చేయడమే కాదు... డిస్ట్రిబ్యూటర్‌గానూ మంచి సినిమాలు పంపిణీ చేశారు. 

ధీరజ్ మొగిలినేని ఎంటర్టైన్మెంట్స్ పతాకంపై ధీరజ్ మొగిలినేని ప్రొడ్యూస్ చేస్తున్న లేటెస్ట్ సినిమా 'సమ్మర్ హాలిడేస్' (Summer Holidays Movie Telugu). ఇందులో జయసుధ నటిస్తున్నారు. ఇవాళ ఆవిడ ఫస్ట్ లుక్ విడుదల చేశారు. 

'సమ్మర్ హాలిడేస్'లో సహజ నటి
బాలల సినిమాగా తెరకెక్కించిన 'సమ్మర్ హాలిడేస్' చిత్రాన్ని త్వరలో ప్రేక్షకుల ముందుకు తీసుకు వస్తున్నారు. ప్రేక్షకులు అందరికీ చిన్ననాటి జ్ఞాపకాలను గుర్తు చేసేలా అందమైన కథతో తెరకెక్కిస్తున్నారు దర్శకుడు శ్రీకర్. మాస్టర్ రోహన్, మాస్టర్ అరుణ్, బేబి ఖుషి కీలక పాత్రల్లో నటిస్తున్న చిత్రమిది. ఇందులో సహజ నటి జయసుధ కీలక పాత్ర పోషిస్తున్నారు.

'సమ్మర్ హాలిడేస్'లో అమ్మమ్మ సుశీలమ్మ పాత్రలో జయసుధ నటిస్తున్నట్టు చిత్ర బృందం పేర్కొంది. ఆవిడ ఫస్ట్ లుక్ పోస్టర్ రిలీజ్ చేశారు. "ప్రేమానురాగాలు పంచే అమ్మమ్మ సుశీలమ్మ పాత్ర ప్రేక్షకుల మనసుకి హత్తుకోనుంది'' అని చిత్ర బృందం పేర్కొంది.

Feel the love and warmth of Suseelamma in #SummerHolidays ❤️

Veteran actress @JSKapoor1234 garu as our Ammama 🤩

⭐ing #Rohan #Arun, #Kushi pic.twitter.com/xyCN22JOls

— Suresh PRO (@SureshPRO_) July 22, 2026

Summer Holidays Movie Cast And Crew: రోహన్ రాయ్, అరుణ్, ఖుషి, జయసుధ, రాజీవ్ కనకాల, వాసుకి, హర్షిణి, హర్షవర్థన్ తదితరులు నటిస్తున్న 'సమ్మర్ హాలిడేస్' సినిమాకు ఛాయాగ్రహణం: సాయి ప్రకాశ్, సంగీత దర్శకుడు: సింజిత్ యెర్రమల్లి, నిర్మాణ సంస్థ: ధీరజ్ మొగిలినేని ఎంటర్టైన్మెంట్స్, కథ - దర్శకుడు: శ్రీకర్, నిర్మాత: ధీరజ్ మొగిలినేని.