This Week Releases : జన నాయగన్‌తో పాటు క్యూట్ లవ్ స్టోరీ - ఈ వారం థియేట్రికల్ రిలీజెస్

This Week Theatrical Releases : ఈ వారం పెద్ద సినిమాలు థియేటర్లలో సందడి చేయనున్నాయి. ఫ్యాన్స్ ఎప్పటి నుంచో వెయిట్ చేస్తున్న మూవీతో పాటు క్యూట్ లవ్ స్టోరీ రిలీజ్ కానుంది.

ఈ వారం థియేట్రికల్ రిలీజెస్

కోలీవుడ్ స్టార్ హీరో, తమిళనాడు సీఎం విజయ్ నటించిన లాస్ట్ మూవీ జన నాయగన్. ఈ మూవీ ఎట్టకేలకు జులై 23 (గురువారం) వరల్డ్ వైడ్ థియేటర్లలోకి రానుంది. హెచ్ వినోద్ దర్శకత్వం వహించగా... పూజా హెగ్డే హీరోయిన్‌గా నటించారు. ప్రేమలు ఫేమ్ మమితా బైజు, ప్రియమణి, ప్రకాశ్ రాజ్, బాబీ డియోల్, గౌతమ్ మీనన్ కీలకపాత్రలు పోషించారు.

టాలీవుడ్ యంగ్ హీరో కిరణ్ అబ్బవరం, శ్రీ గౌరీ ప్రియ జంటగా నటించిన లేటెస్ట్ లవ్ ఎంటర్టైనర్ చెన్నై లవ్ స్టోరీ. రవి నంబూరి దర్శకత్వం వహించిన ఈ సినిమాకు బేబీ ఫేం సాయి రాజేష్ స్టోరీ అందించారు. ఈ నెల 24న సినిమా వరల్డ్ వైడ్ ప్రేక్షకుల ముందుకు రానుంది.

కాజల్ అగర్వాల్, శ్రేయాస్ తల్పాడే ప్రధాన పాత్రల్లో నటించిన లేటెస్ట్ మూవీ 'ది ఇండియా స్టోరీ' (The India Story). చెట్టన్ డి కె దర్శకత్వం వహించిన ఈ సినిమాలో మురళీ శర్మ. మనీష్ వాద్వా తదితరులు కీలకపాత్రలు పోషించారు. ఈ నెల 24న హిందీతో పాటు తెలుగు, తమిళం భాషల్లో థియేటర్లలో రిలీజ్ కానుంది.

వర్దన్, కృష్ణ ప్రియ ప్రధాన పాత్రల్లో నటించిన లేటెస్ట్ విలేజ్ లవ్ ఎంటర్టైనర్ 'కాగితం పడవలు'. ఎంజీఆర్ తుకారాం దర్శకత్వం వహించిన ఈ సినిమా ఏషియన్ సురేశ్ ఎంటర్టైన్మెంట్ ద్వారా జులై 24న రిలీజ్ చేస్తున్నారు. దీంతో పాటే హే చికితా, చంద్రప్పన్ మూవీస్ కూడా థియేటర్లలో రిలీజ్ కానున్నాయి.