Mahindra Thar ROXX Photos: భారత్‌లో మహీంద్రా థార్ రోక్స్‌ లాంచ్ - ధర, టాప్ 5 ఫీచర్లు ఇవే

Mahindra Thar ROXX Features: ఎప్పుడెప్పుడా అని ఎదురుచూస్తున్న మహీంద్రా థార్ రోక్స్ భారతీయ మార్కెట్లో లాంచ్ అయింది. ఇండిపెండెన్స్ డే సందర్భంగా ఆగస్టు 15వ తేదీ నుంచి ఈ వాహనాన్ని షోకేస్ చేయనున్నారు.

భారత్‌లో మహీంద్రా థార్ రోక్స్‌ లాంచ్ (Photos: Somnath Chatterjee)

Mahindra Thar ROXX Features: ఇండిపెండెన్స్ డే సందర్భంగా మహీంద్రా థార్ రోక్స్ ను భారత మార్కెట్లో లాంచ్ చేశారు. ఈ కొత్త మహీంద్రా కారు ఫీచర్లు ఎలా ఉన్నాయో ఓ లుక్కేయండి.

మహీంద్రా ఎట్టకేలకు థార్ రోక్స్ (Mahindra Thar ROXX)ని భారత్ లో లాంఛ్ చేసింది. ఇందులో పెట్రోల్ ఇంజిన్ SUVని రూ. 12.99 లక్షల ధరతో తీసుకొచ్చారు. థార్ లో ఇది 5 డోర్ వెర్షన్.

ROXX స్కార్పియో N థీమ్ తో దీన్ని డిజైన్ చేశారు. 3 డోర్ థార్ కంటే ఇందులో ఎక్కువ ఫీచర్లున్నాయి. పొడవైన వీల్‌బేస్ కూడా ఉండటం ప్లస్ పాయింట్.

మహీంద్రా థార్ రోక్స్ లో 10.25 అంగుళాల డ్యూయల్ స్క్రీన్‌ ఉంటుంది. ఇది ఎస్‌యూవీ 700 తరహాలో కనెక్టెడ్ కాదు. ఈ కొత్త థార్ లో డిజిటల్ ఇన్‌స్ట్రుమెంట్ క్లస్టర్‌ను మీరు పొందవచ్చు.

కొత్త థార్ ROXXలో 360 డిగ్రీ కెమెరా ఫీచర్‌ తీసుకొచ్చింది. దాంతో థార్ రోక్స్‌ను సరిగ్గా పార్కింగ్ చేసుకునే హెల్ప్ అవుతుంది. పనోరమిక్ సన్‌రూఫ్, అడాస్ లెవల్ 2 సహా 6 ఎయిర్‌బ్యాగ్‌లు, వెనుక వైపు డిస్క్ బ్రేక్‌లు ఉన్నాయి.

మహీంద్రా లాంచ్ చేసిన ఈ కాంపాక్ట్ ఎస్‌యూవీ రోక్స్ లో ఏడీఏఎస్ లెవల్ 2 ఫీచర్ ఇచ్చారు. ఎక్స్‌యూవీ 700తో పోల్చి చూస్తే, ఈ కొత్త మోడల్ ఎస్‌యూవీలో మరిన్ని తాజా ఫీచర్లు అందించారు.

LED ప్రొజెక్టర్ హెడ్‌ల్యాంప్స్, డబుల్ గ్రిల్‌తో థార్ ROXX ముందు వైపు నుంచి చాలా భిన్నంగా కనిపిస్తుంది. గ్రిల్‌లో బాడీ కలర్ ఎలిమెంట్స్ మూడు డోర్‌లకు వేర్వేరుగా ఉంటాయి.

18 అంగుళాల వీల్స్ తో పాటు సి-పిల్లర్‌పై డోర్ హ్యాండిల్‌ ఉంది. ఈ క్లాసిక్ థార్ డిఫరెంట్ కలర్స్ లో అందుబాటులోకి వచ్చింది. డీజిల్ ఇంజిన్ థార్ రోక్స్ ఎక్స్ షోరూమ్ ధర రూ.13.99 లక్షలు అని కంపెనీ తెలిపింది.

థార్ ROXX పెట్రోల్, డీజిల్ రెండు ఇంజిన్లు ఉన్నాయి. 6-స్పీడ్ మాన్యువల్, 4x4తో 6-స్పీడ్ ఆటోమేటిక్‌ 2.2l డీజిల్ ఇంజిన్‌ ఉంది. ఇది 2.0L టర్బో పెట్రోల్ ఆప్షన్ తో పాటు 6 స్పీడ్ మాన్యువల్, 4x4తో ఆటోమేటిక్ ఎస్‌యూవీగా మహింద్రా థార్ రోక్స్ ను తీసుకొచ్చింది.