Andhra Pradesh: కుంకీ ఏనుగుల సంరక్షణ బాధ్యత తీసుకున్న పవన్, తరలివస్తున్న దేవా, కృష్ణ, అభిమన్యు, మహేంద్ర

Andhra Pradesh: 4 కుంకీ ఏనుగులను ఆంధ్రప్రదేశ్ ప్రభుత్వానికి కర్ణాటక అప్పగించింది. డిప్యూటీ సీఎం పవన్ కల్యాణ్ సమక్షంలో గజరాజులను ఇచ్చారు. ఈ సందర్భంగా మాట్లాడిన పవన్... వాటి సంరక్షణ బాధ్యత తనదేనన్నారు.

కుంకీ ఏనుగుల బాధ్యత తీసుకుంటా- కర్ణాటక ప్రభుత్వానికి పవన్ హామీ - తరలివస్తున్న గజబలం

ఆంధ్రప్రదేశ్ రాష్ట్రానికి కర్ణాటక నాలుగు కుంకీ ఏనుగులను అందజేసింది.

మొత్తం ఆరు కుంకీ ఏనుగులు ఇవ్వవలసి ఉండగా, రెండు ఏనుగులను వాటి ఆరోగ్య కారణాలు, శిక్షణ పూర్తి కాకపోవడం వంటి కారణాల వల్ల మరో దఫా అందజేయనున్నట్టు కర్ణాటక ప్రభుత్వం తెలియచేసింది.

బుధవారం బెంగళూరులోని కర్ణాటక విధాన సౌధ వద్ద ఏర్పాటు చేసిన ప్రత్యేక కార్యక్రమంలో ఆ రాష్ట్ర ముఖ్యమంత్రి సిద్ధరామయ్య, ఉప ముఖ్యమంత్రి డి.కె. శివకుమార్, అటవీ పర్యావరణ శాఖ మంత్రి ఈశ్వర్ ఖండ్రే కుంకీ ఏనుగులను ఏపీ ఉప ముఖ్యమంత్రి, అటవీ పర్యావరణశాఖ మంతిర పవన్ కళ్యాణ్ సమక్షంలో అటవీ అధికారులకు అందించారు.

కుంకీ ఏనుగుల అప్పగింతకు సంబంధించిన ఒప్పంద పత్రాలను, లైసెన్స్‌లు, వాటి సంరక్షణకు సంబంధించిన విధివిధానాల పత్రాలు పవన్‌కి అందజేశారు.

శాస్త్రోక్తంగా గజ పూజ నిర్వహించిన అనంతరం జెండా ఊపుతూ కర్ణాటక ప్రభుత్వాధినేతలు కుంకీలను సాగనంపగా, పూల వర్షం కురిపిస్తూ పవన్ కళ్యణ్ ఆహ్వానం పలికారు.

నాలుగు ఏనుగులను కర్ణాటక అటవీశాఖ అధికారుల నుంచి ఆంధ్రప్రదేశ్ అటవీ అధికారులు అధికారికంగా స్వీకరించారు.

దేవా, కృష్ణ, అభిమన్యు, మహేంద్ర అనే పేర్లు కలిగిన కుంకీ ఏనుగులు ఆంధ్రప్రదేశ్‌కి అప్పగించారు.

కర్ణాటకకు చెందిన మావటీలు రెండు నెలలపాటు కుంకీ ఏనుగులతో ఉండి ఆంధ్రప్రదేశ్ మావటీలకు వాటి సంరక్షణ తదితర అంశాలపై శిక్షణ ఇవ్వనున్నారు.

ఆంధ్రప్రదేశ్ అవసరాలకు అనుగుణంగా భవిష్యత్తులో మరిన్ని ఏనుగులు ఇవ్వడానికీ సిద్ధమని కర్ణాటక ముఖ్యమంత్రి సిద్ధరామయ్య స్పష్టం చేశారు.

కర్ణాటక ఇచ్చిన కుంకీ ఏనుగుల ఆరోగ్య సంరక్షణ బాధ్యతను ఎప్పటికప్పుడు స్వయంగా పర్యవేక్షిస్తానని పవన్ హామీ ఇచ్చారు.

కుంకీ అంటే పరిపూర్ణంగా శిక్షణ పొందిన అని అర్థం వస్తుంది. కుంకీ ఏనుగులు అంటే పరిపూర్ణంగా శిక్షణ ప ందిన ఏనుగు అని అర్థంలో వాడతారు.

కుంకీ ఏనుగులను వన్యమృగాల నియంత్రణ కోసం ఉపయోగిస్తారు.

ఆంధ్రప్రదేశ్‌లో ఈ మధ్య కాలంలో ఉమ్మడి చిత్తూరు, ఉత్తరాంధ్ర అటవీ ప్రాంతాల్లో అడవి ఏనుగులు ఊళ్లపై పడుతున్నాయి. పంటలను నాశనం చేస్తున్నాయి.

ఊళ్లపై పడుతున్న అడవి ఏనుగుల నుంచి ప్రజలను, పంటలను రక్షించేందుకు ఈ కుంకీ ఏనుగులను రంగంలోకి దించుతున్నారు

image 20

ఓ ఆరు కుంకీ ఏనుగులు ఆంధ్రప్రదేశ్‌కు ఇవ్వాలని ఇప్పటికే కర్ణాటక ప్రభుత్వంతో ఒప్పందం చేసుకుంది కూటమి ప్రభుత్వం

ఆంధ్రప్రదేశ్ అవసరాలకు అనుగుణంగా భవిష్యత్తులో మరిన్ని ఏనుగులు ఇవ్వడానికీ సిద్ధమని కర్ణాటక ముఖ్యమంత్రి సిద్ధరామయ్య స్పష్టం చేశారు.

ఒప్పందంలో భాగంగా ఇప్పటికే నాలుగు ఏనుగులు అప్పగించారు. ఇంకా రెండు ఏనుగులు అప్పగించాల్సి ఉంది. త్వరలోనే వాటిని కూడా అప్పగించనున్నారు.

ఈ కుంకీ ఏనుగులు మావటి వాడు చెప్పే ఆదేశాలు విని పని చేస్తాయి.

ఇవి వన్యప్రాణులను తరిమివేయడమే కాదు, సంగీతం, పండుగలు, దేవాలయల ర్యాలీల్లో కూడా పాల్గొంటాయి.

కర్ణాటక, తమిళనాడు, కేరళ, ఒడిశా, అసోం, పశ్చిమబెంగాళ్‌, ఛత్తీస్‌గఢ్‌, జార్ఖంఢ్‌ రాష్ట్రాల్లో వీటికి ప్రత్యేక శిక్షణా కేంద్రాలు ఉన్నాయి.

తమిళనాడులోని మధుమలై, కర్ణాటక, కేరళ, అసోంలో ఎక్కువగా ఏనుగులకు శిక్షణ ఇస్తుంటారు.

ప్రస్తుతం ఆంధ్రప్రదేశ్ ప్రభుత్వం కర్ణాటక ప్రభుత్వంతో ఒప్పందం చేసుకుంది. ఇందులో భాగంగా ఇప్పటికే శిక్షణ పూర్తి చేసుకున్న వాటిని పంపించారు.