In Pics: తిరుమలలో వైభవంగా ఆషాఢమాస గురుపౌర్ణమి గరుడ సేవ - మీరూ చూసి తరించండి

తిరుమల శ్రీవారి ఆలయంలో ఆషాఢ మాస గురు పౌర్ణమి గరుడ సేవ వైభవంగా జరిగింది.

తిరుమలలో వైభవంగా ఆషాఢమాస గురుపౌర్ణమి గరుడ సేవ

తిరుమల శ్రీవారి ఆలయంలో ఆషాఢ మాస గురు పౌర్ణమి గరుడ సేవ వైభవంగా జరిగింది.

సోమవారం రాత్రి ఏడు గంట నుండి తొమ్మిది గంటల నడుమ ఆషాడ మాసం గురు పౌర్ణమి సందర్భంగా గరుడ వాహన‌సేవను అధిరోహించిన శ్రీ‌ మలయప్ప స్వామి వారు తిరుమాఢ వీధుల్లో‌ విహరిస్తూ భక్తులకు దర్శన భాగ్యం కల్పించారు.

గరుడ వాహనంపై ఊరేగుతున్న మలయప్ప స్వామి వారిని దర్శించిన భక్తులు కర్పూర నీరాజనాలు పలికారు. శ్రీ మలయప్ప స్వామి వారికి ఎన్ని వాహన సేవలు ఉన్నా తన ప్రియమైన  గరుడ వాహనసేవ లేనిదే పరిపూర్ణత చేకూరదు.

అలంకారప్రియుడైన స్వామివారు సర్వాలంకార భూషితుడై, పుష్ప మాలాలంకృతుడై ఛత్రచామర సార్వభౌమిక మర్యాదలతో, పక్షిరాజు గరుడునిపై రాజఠీవితో తిరువీధులలో విహరిస్తూ భక్తులను కటాక్షించారు.

తిరుమాడ వీధులు భక్తజన సందోహంతో కిటకిటలాడాయి. గోవింద నామస్మరణతో తిరుమాడవీదులు మారుమోగాయి.