Kamala Harris Covid Positive: కమలా హారిస్‌కు కరోనా పాజిటివ్- ప్రకటించిన వైట్‌ హౌస్

Kamala Harris Covid Positive: కమలా హారిస్‌కు కరోనా సోకింది. అమెరికా ఉపాధ్యక్షురాలికి కరోనా సోకినట్లు శ్వేతసౌధం ప్రకటించింది. ఈ ఏడాది మార్చిలో కమలా హారిస్ భర్త డగ్లస్​ ఎమహాఫ్‌కు​ కరోనా వచ్చింది.

అమెరికాలో ప్రస్తుతం కరోనా కేసులు భారీగా వస్తున్నాయి. కొత్తగా 34,908 కరోనా కేసులు బయటపడ్డాయి. 141 మంది వైరస్​కు బలయ్యారు.

#BREAKING US Vice President Kamala Harris tests positive for Covid: White House pic.twitter.com/Ay0lLjWT5g

— AFP News Agency (@AFP) April 26, 2022

భారత సంతతికి చెందిన కమలా హారిస్‌ 2020లో అమెరికా ఉపాధ్యక్షురాలిగా బాధ్యతలు చేపట్టి చరిత్ర సృష్టించారు. ఈ పదవి చేపట్టిన తొలి శ్వేత జాతీయేతర మహిళగా కమల రికార్డు సృష్టించారు.

అగ్రరాజ్య చరిత్రలో ఇంతవరకూ మహిళలు అధ్యక్షులుగా లేదా ఉపాధ్యక్షులుగా పనిచేసిన దాఖలాలు లేవు. 1984లో డెమొక్రాట్ జెరాల్డిన్ ఫెరారో, 2008లో రిపబ్లికన్ సారా పాలిన్ బరిలో నిలిచినా పార్టీల ఓటమి కారణంగా వారు విజయాన్ని సొంతం చేసుకోలేకపోయారు. కానీ ఈ పదవిని అలంకరించిన తొలి మహిళగా కమలా హారిస్‌ నూతన అధ్యాయం లిఖించారు. 

తమిళనాడు మూలాలు

1964 అక్టోబర్‌ 20న కాలిఫోర్నియాలో కమలా దేవి హ్యారిస్‌ జన్మించారు. ఆమె తల్లిదండ్రులు శ్యామలా గోపాలన్‌- డొనాల్డ్‌ హారిస్‌లు. తమిళనాడులోని చెన్నైకి చెందిన శ్యామలా గోపాలన్‌ న్యూట్రిషన్, ఎండోక్రినాలాజీలో పరిశోధన కోసం అమెరికా వెళ్లారు. యూనివర్సిటీ ఆఫ్‌ కాలిఫోర్నియాలో జమైకాకు చెందిన డొనాల్డ్‌ హారిస్‌తో ఆమెకు ఏర్పడిన పరిచయం పెళ్లికి దారితీసింది.

కమల.. తాతగారు పీవీ గోపాలన్‌ భారత స్వాతంత్య్ర సమరయోధుడు.  దౌత్యాధికారిగా కూడా పనిచేశారు. ఆమె అమ్మమ్మ కూడా మహిళలకు కుటుంబ నియంత్రణ హక్కు కలిగి ఉండాలనే ప్రచారంలో పాల్గొన్నారు. చిన్నతనంలో తరచుగా చెన్నైకు వస్తుండడం వల్ల  తాత ప్రభావం ఆమెపై పడింది. చెన్నై స్సెషల్‌ ఇడ్లీ సాంబార్‌ అంటే కమలకు చాలా ఇష్టం.

Also Read: Elon Musk Buys Twitter: ఎలాన్ మస్క్ చేతికి ట్విట్టర్, 44 బిలియన్ డాలర్లకు భారీ డీల్ - అనుకున్నది సాధించిన కుబేరుడు

Also Read: Tej Pratap Yadav: లాలూకు మరో షాక్- పార్టీకి పెద్ద కుమారుడు గుడ్‌బై