పాముకాటుకు మందు కనిపెట్టే ప్రయోగం ఫెయిలైంది కానీ ఓ మంచి జరిగింది! అదేమిటంటే
పిట్ వైపర్ పాముకాటు ప్రభావాన్ని తగ్గించే చికిత్స, యాంటీబాడీని అభివృద్ధి చేసేందుకు శాస్త్రవేత్తలు నాలుగేళ్లుగా ప్రయోగాలు జరిపారు. కానీ ఆ ప్రయోగం విఫలమైంది.
పాముకాటుతో ప్రతి సంవత్సరం లక్షమంది వరకు చనిపోతున్నారు. ఇంకా.. వేల మంది పాముకాటు వల్ల దీర్ఘకాలిక వైకల్యాలతో బాధపడుతున్నారు. ఆఫ్రికా, ఆసియా, లాటిన్ అమెరికా ప్రాంతాల ప్రజలు ఈ పాము కాటు బారిన ఎక్కువ పడుతున్నారు. ఆఫ్రికాలో అత్యంత విషపూరితమైన పాములు బ్లాక్ మాంబా, కోబ్రాస్, సా-స్కేల్డ్, కార్పెట్ వైపర్స్. ఆసియాలో నాగుపాము, రస్సెల్స్ వైపర్, సా-స్కేల్డ్ వైపర్, సాధారణ క్రైట్ అత్యంత విషపూరితమైనవి. మధ్య అమెరికా,ఉత్తర, దక్షిణ అమెరికా ప్రాంతాలలో, విషపూరిత పిట్ వైపర్, బోత్రోప్స్ ఆస్పర్ చాలా ప్రాణాంతకమైనవి.
పిట్ వైపర్ పాముకాటు ప్రభావాలను తగ్గించడానికి చికిత్స శాస్త్రవేత్తలు నాలుగేళ్లుగా ప్రయోగాలు చేస్తున్నారు. యాంటీబాడీని అభివృద్ధి చేయటం కోసం కూడా ప్రయోగాలు చేపట్టారు. ప్రభావవంతమైన, సురక్షితమైన యాంటీవీనమ్ రెడీ అవుతుందని అన్ని ప్రమాణాలకు అనుగుణంగా ప్రక్రియ సాగుతోందన్న ధీమాతో ఉన్న శాస్త్రవేత్తలకు ఓ షాకింగ్ న్యూస్ తెలిసింది. అప్పటి వరకు రూపొందించిన యాంటీబాడీస్‌ పాము విషాన్ని తటస్థం చేయలేదని గ్రహించారు. ఇది విషం ప్రభావాన్ని మరింత పెంచేలా ఉందిని తేల్చారు.
మొదట్లో, ఈ ఫలితం వారిని చాలా నిరాశపరిచింది. కానీ అది విలువైన పాఠం కూడా నేర్పింది. ఇప్పటివరకు, యాంటీవీనమ్‌లను పరీక్షించడానికి ప్రస్తుత సిఫార్సులలో ఉన్న సమస్యను హైలైట్ చేసారు. ఈ పద్దతుల వల్ల యాంటీవీనమ్ తయారుచేయటం కుదరదని, భవిష్యత్తు ప్రయోగాల్లో ఈ మార్పు అవసరమని వారు గుర్తించారు. యాంటీబాడీ విజయవంతం అవటం, కాకపోవటం కంటే పాముకాటు చికిత్సల అభివృద్ధిపై ఈ పాఠం చాలా పెద్ద ప్రభావాన్ని చూపే అవకాశం ఉంది. ఎందుకంటే యాంటీవీనమ్ పరిశోధకులు తమ ప్రయత్నాలను కొనసాగించటానికి ఈ ఆవిష్కరణ సహాయపడుతుంది కాబట్టి వారు ఈ చివరి అడ్డంకిలో విఫలం కాకుండా ఉంటారు అని యాంటీవీనమ్ నిపుణులు అభిప్రాయపడ్డారు.
వారు అభివృద్ధి చేసిన బి ఆస్పర్ విషంలో అధిక శాతం ఫాస్ఫోలిపేస్ A₂ (PLA₂s), PLA₂ వంటి టాక్సిన్స్ శక్తివంతమైన కండరాలను దెబ్బతీసే అణువులను కలిగి ఉంటాయి. ఇవి తీవ్రమైన ప్రభావాన్ని చూపిస్తాయి. కోలుకోలేని నష్టం కలిగించి, వైకల్యానికి కూడా దారితీస్తాయి.
యాంటివీనమ్ పరీక్ష కోసం ప్రస్తుతం ఉన్న ప్రమాణాన్ని ఉపయోగించి బతికి ఉన్న ఎలుకలలో పరీక్షించినప్పుడు కూడా, ప్రతిరోధకాలు న్యూట్రలైజేషన్‌ను చూపించాయి. అయినప్పటికీ, వారు యాంటీబాడీ తయారీ కోసం ఇంకా పాజిటివ్‌గా ప్రయత్నించారు. విషాన్ని ఇంజెక్షన్ చేసిన తర్వాత యాంటీబాడీని ఇంజెక్ట్ చేసే మానవ ఎన్వినోమింగ్‌ను మరింత దగ్గరగా పోలి ఉండే ఒక ప్రయోగాన్ని చేయాలనుకున్నారు. ఆ ఫలితాలు కూడా నిరాశనే మిగిల్చాయి. కానీ ఆశ్చర్యకరంగా, ఈ చివరి ప్రయోగంలో యాంటీబాడీ దాని టాక్సిన్-న్యూట్రలైజింగ్ ప్రభావాన్ని, మరింత విషంగా మార్చింది.
ఆసక్తికరమైన ఏమిటంటే.."టాక్సిన్ ఇమ్యునాలజీలో యాంటీబాడీని ఆధారంగా చేసుకొని, విష ప్రభావాన్ని పెంచే పరిస్థితులు కూడా ఉంటాయని వారు గుర్తించారు. ఇది టాక్సిన్ ఇమ్యునాలజీలో ఒక గొప్ప ఆవిష్కరణ. విషపూరితమైన పుట్టగొడుగులు, బాక్టీరియా టాక్సిన్స్ వంటి ఇతర సందర్భాలలో ఇలాంటి విషయాలు ఇది వరకు గమనించారు. అయితే జంతువుల నుంచి వచ్చే టాక్సిన్స్‌లో ఇలాంటి విషయాలు మునుపెన్నడూ గుర్తించలేదు. ఈ ఫలితాల ఆధారంగా, యాంటీవెనమ్ పరిశోధకులు మరింత అధునాతన పద్దతిలో అధ్యయనం చేసే అవకాశం కలుగుతుంది.
టాప్ హెడ్ లైన్స్
ట్రెండింగ్ వార్తలు
