Porn in Live News: లైవ్‌లో న్యూస్‌ చెప్తుండగా ప్లే అయిన పోర్న్ వీడియో.. క్షమాపణలు చెప్పిన ఛానెల్

సాయంత్రం ఆరు గంటలు.. ఓ న్యూస్ టీవీ ఛానెల్‌లో వెదర్ రిపోర్ట్ ప్రసారమవుతోంది. ఇద్దరు న్యూస్ యాంకర్లు దేశంలోని ఏ ప్రాంతంలో ఎలాంటి వాతావరణ పరిస్థితులు ఉండబోతున్నాయో తమ వెనక ఉన్న తెరపై దృశ్యరూపకంగా వివరిస్తున్నారు. ఆ న్యూస్ ఛానెల్‌ను చూస్తున్న వీక్షకులంతా వెదర్ రిపోర్ట్‌ను ఆసక్తిగా చూస్తున్నారు. ఇంతలో వీక్షకులంతా విస్తుపోయేలా ఓ పరిణామం చోటు చేసుకుంది. దాదాపు 13 సెకండ్ల పాటు జరిగిన ఆ ఘటన ఎలా జరిగిందన్నదానిపై స్పష్టత లేదు. కానీ, భారీ తప్పిదం జరిగిపోయింది. చివరికి సదరు న్యూస్ ఛానెల్ క్షమాపణలు కూడా చెప్పాల్సి వచ్చింది. అసలేం జరిగిందంటే.. 

Also Read: Hyderabad: ప్రపోజ్ చేస్తే ఒప్పుకోని యువతికి గంజాయి గిఫ్టుగా ఇచ్చాడు.. తర్వాత ట్విస్టు మామూలుగా లేదు..

అమెరికాలో ‘క్రెమ్ 2’ అనే ఓ న్యూస్ ఛానెల్ ఉంది. వాషింగ్టన్ కేంద్రంగా పని చేసే ఈ ఛానెల్‌లో సాయంత్రం 6 గంటల సమయంలో ఇద్దరు న్యూస్ యాంకర్లు వాతావరణ వార్తలు ప్రత్యక్ష ప్రసారంలో చెబుతున్నారు. ఇంతలో వారి వెనుక ఉన్న తెరపై పోర్న్ క్లిప్ ప్లే అయింది. ఈ పోర్న్ క్లిప్ దాదాపు 13 సెకండ్ల పాటు ప్లే అయింది. అప్పటి వరకూ కూడా ఆ ఇద్దరు యాంకర్లు తమ వెనుక ప్రసారం అవుతున్న ఆ క్లిప్ గురించి గమనించనేలేదు. ఇంతలో ఛానెల్‌కి చెందిన టెక్నికల్ టీమ్ ఆ భారీ తప్పును గుర్తించి సరిదిద్దాయి. అప్పటికే 13 సెకండ్ల మేర పోర్న్ క్లిప్ లైవ్‌లోనే ప్లే అయింది. 

Also Read: అత్యంత చవకైన 5జీ ఫోన్ లాంచ్ చేసిన నోకియా.. ఫీచర్లు ఎలా ఉన్నాయంటే?

అయితే, ఈ ఘటన గత ఆదివారం జరిగినట్లుగా తెలుస్తోంది. సాయంత్రం ఆరు గంటల సమయంలో ఈ పరిణామం జరగ్గా.. రాత్రి 11 గంటల సమయంలో ఈ తప్పిదానికి సంబంధించి ఛానెల్ యాజమాన్యం క్షమాపణలు చెప్పింది. ఇలాంటి తప్పిదాలు మళ్లీ జరగకుండా జాగ్రత్తలు తీసుకుంటామని చెప్పింది. ‘క్రెమ్ 2’ మాతృ సంస్థ టీఈజీఎన్ఏ చీఫ్ కమ్యూనికేషన్ అధికారి అన్నే బెంట్లీ కూడా తమ ఛానెల్‌లో ఈ తప్పిదం జరిగినట్లుగా చెప్పారు. అంతేకాక, ఈ తప్పిదం పట్ల వీక్షకుల నుంచి పెద్ద ఎత్తున ఫిర్యాదులు కూడా వచ్చాయి. దీంతో పోలీసులు ఈ ఘటనపై విచారణ చేస్తున్నారు.

పోర్న్ క్లిప్ ఛానెల్‌లోని డేటా బేస్ లోకి ఎలా వచ్చింది? దాన్ని లైవ్‌లో ఎవరు ప్లే చేశారు? పొరపాటున రిగిందా? లేక ఉద్దేశ పూర్వకంగా జరిగిందా అనే అంశాలపై పోలీసులు ఆరా తీస్తున్నారు.

Also Read: నన్నే బహిష్కరిస్తారా.. నేనే కొత్త సర్వీస్‌తో వస్తా.. ఫేస్‌బుక్, ట్వీటర్‌లపై ట్రంప్ వార్!

Also Read: అన్ని నగరాల్లో మరోసారి పెరిగిన పెట్రోల్, డీజిల్ ధరలు.. నేడు ఎంతంటే..

Also Read: అయ్యయ్యో వద్దమ్మా.. ఆఫీసుకు రావొద్దు.. కానీ జీతం మాత్రం ఇస్తాం.. సుఖీభవ!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి