Joe Biden Viral Video: సైకిల్ నడుపుతూ కింద పడ్డ జో బైడెన్, ఇరుక్కున్న కాలు - వీడియో వైరల్

Joe Biden: 79 ఏళ్ల బిడెన్, శుక్రవారం 45వ వివాహ వార్షికోత్సవాన్ని జరుపుకున్నారు. ఇందుకోసం ఆయన కొద్ది రోజులుగా తన భార్య జిల్ బిడెన్‌తో కలిసి లాంగ్ వెకేషన్ కి డెలావేర్ బీచ్ హోమ్ కి వెళ్లారు.

సైకిల్ నుంచి కింద పడ్డ బైడెన్

అమెరికా అధ్యక్షుడు జో బిడెన్ మరోసారి వార్తల్లో నిలిచారు. అయితే, ఆయన తన పాలనాపరమైన విధానాల కన్నా ఎక్కువగా ఇతర అంశాల్లో ఎక్కువగా హైలెట్ అవుతుంటారు. తాజాగా ఆయన సైకిల్ పై నుంచి కింద పడ్డారు. శనివారం, అతను డెలావేర్ బీచ్ హోమ్ సమీపంలోని హెన్లోపెన్ స్టేట్ పార్క్ వద్ద తన సైకిల్ పై వెళ్తుండగా బైడెన్ కింద పడ్డారు. కొట్టాడు. అయితే, తనకు ఎలాంటి గాయాలు కాలేదని బైడెన్ తర్వాత చెప్పారు.

ప్రెసిడెంట్ పడిపోవడం చూసి, భద్రతా విధుల్లో ఉన్న సీక్రెట్ సర్వీస్ ఏజెంట్లు ఆయన్ను రక్షించడానికి వచ్చారు. అయితే, తాను బాగున్నానని, ఎలాంటి గాయాలు కాలేదని బైడెన్ చెప్పారు. వీడియోలో ఉన్న ప్రకారం సైకిల్ పెడల్‌లో బైడెన్ కాలు ఇరుక్కుపోవడంతో ఆయన కింద పడిపోయినట్లు అర్థం అవుతోంది.

79 ఏళ్ల బిడెన్, శుక్రవారం 45వ వివాహ వార్షికోత్సవాన్ని జరుపుకున్నారు. ఇందుకోసం ఆయన కొద్ది రోజులుగా తన భార్య జిల్ బిడెన్‌తో కలిసి లాంగ్ వెకేషన్ కి డెలావేర్ బీచ్ హోమ్ కి వెళ్లారు. ఆయన శనివారం ఉదయం వాకింగ్ నుండి తిరిగి వచ్చినప్పుడు, తమను చూడడానికి వచ్చిన ప్రజలను కలవడానికి సైకిల్ పై వెళ్లాలని నిర్ణయించుకున్నాడు. అలా వెళ్లి అక్కడ దిగడానికి ప్రయత్నిస్తుండగా, బిడెన్ ఉన్నట్టుండి కుడి వైపున పడిపోయారు. ఆ సమయంలో ఆయన హెల్మెట్ పెట్టుకున్నారు. ఈ ఘటన జరిగిన అనంతరం గుమిగూడిన ప్రజలతో కూడా సంభాషించారు.

Sleepy Joe Biden falls off his cycle. My grandma said he's riding a cycle since gas prices went up😭. pic.twitter.com/kQZQ6iQHjy

— ♟️Syed Uzair Ul Haq♦️سید عزیر الحق♟️ (@TheSyedHaq) June 18, 2022

ఈ ఘటనపై వైట్ హౌస్ అధికార వర్గాలు స్పందిస్తూ.. బైడెన్ కింద పడిపోయినందుకు ఆయనకు ఎలాంటి వైద్య సహాయం అవసరం లేదని వైట్ హౌస్ ప్రకటన విడుదల చేసింది. డెలావేర్‌లోని రెహోబోత్ బీచ్‌లోని తన ఇంటికి సమీపంలోని స్టేట్ పార్క్‌లో రైడ్ చేస్తున్నప్పుడు అధ్యక్షుడు జో బిడెన్ శనివారం తన బైక్‌పై నుండి పడిపోయిన అనంతరం ఆయన "బాగానే ఉన్నారు" అని వైట్‌హౌస్ అధికారి తెలిపారు.

పడిపోయిన అనంతరం బైడెన్ గుమిగూడిన ప్రజలతో మాట్లాడుతూ.. దేశం ఎలా నడుస్తోందని గుంపులో ఉన్న ఒక పిల్లవాడు అడగ్గా బైడెన్ చమత్కరించారు, "ఓహ్, ఇది ఏదైనా వేరే పని లాగా ఉంటుంది. కొన్ని పార్ట్స్ సింపుల్, ఇంకా కొన్ని పార్ట్స్ చాలా హార్డ్ గా ఉంటాయి." అని అన్నారు. బిడెన్ 45వ వివాహ వార్షికోత్సవాన్ని జరుపుకోవడానికి తన రెహోబోత్ బీచ్ హోమ్‌లో సుదీర్ఘ వారాంతం గడుపుతున్నారు.

Biden just beefed it on his bike in Delaware pic.twitter.com/eYj2oG0tHJ

— Quoth the Raven (@QTRResearch) June 18, 2022