Donald Trump: అణు బాంబుకే భయపడని ట్రంప్‌కు- ఆ పండంటే చచ్చేంత భయం!

Donald Trump: డొనాల్డ్ ట్రంప్‌కు అణుబాంబులైన భయం లేదు కానీ, ఆ పండ్లంటే చాలా భయం. అవును అవేంటో మీరే చూడండి.

అణు బాంబుకే భయపడని ట్రంప్‌కు- ఆ పండంటే చచ్చేంత భయం!

Donald Trump: డొనాల్డ్ ట్రంప్... ప్రపంచంలో అత్యధిక ప్రజాకర్షణ ఉన్న నేతల్లో ఒకరు. ఆయన తీసుకునే నిర్ణయాలు, మాట్లాడే మాటలు ఎప్పుడూ సంచలనమే. వృత్తి, వ్యాపారం, రాజకీయమే కాదు.. వ్యక్తిగత జీవితంలోనూ ఆయన నిర్ణయాలు ఆశ్చర్యపరుస్తాయి. అయితే అలాంటి ట్రంప్ గురించి తాజాగా ఓ విషయం బయటపడింది. అణ్వాయుధాలకే భయపడని ట్రంప్‌కు పైనాపిల్, అరటిపండ్లు, టమాటాలు అంటే భయమట! అవును ఈ విషయాన్ని స్వయంగా ట్రంప్‌యే చెప్పారు.

 

గాల్లో ఎగిరొచ్చి

 

"నిరసనకారులు నాపై పైనాపిల్, టమాటా, అరటిపండ్లు వంటి ప్రమాదకరమైన పండ్లతో నాపై దాడి చేస్తారేమోనని భయమేసింది. అవి తగిలితే చనిపోయే ప్రమాదం ఉంది. మీకు తెలుసా? పండ్లు అలా గాల్లో ఎగిరొస్తే చాలా ప్రమాదం."

ఈ మాటలు స్వయంగా ట్రంప్ చెప్పినవే. ఓ కేసు విచారణలో భాగంగా న్యూయార్క్ కోర్టులో గతేడాది అక్టోబర్‌లో ట్రంప్ ఈ మాటలు చెప్పారు. ఈ డాక్యుమెంట్లు తాజాగా బయటకు వచ్చాయి. 2015లో మన్‌హటన్ వద్ద ఉన్న ట్రంప్ టవర్ వద్ద ట్రంప్ సెక్యూరిటీ గార్డ్స్ తమై దాడి చేశారని కొంత మంది కార్యకర్తలు కోర్టులో కేసు వేశారు. ఆ విచారణలో భాగంగా అటార్నీ బెంజమిన్ డిక్టర్ అడిగిన ప్రశ్నలకు ట్రంప్ ఈ వ్యాఖ్యలు చేశారు.

" నాపై పండ్లతో దాడి చేయబోతున్నారని వార్తలు వచ్చాయి. అందుకే మా వాళ్లను అలర్ట్ చేశాను. టమాటాలు చాలా ప్రమాదకరం, ఇంకొక పండు కూడా చాలా పెద్దగా ఉంటుంది. అవి తగిలితే మనిషి చనిపోయే ప్రమాదం ఉంది. ఆరోజు కూడా నిరసనకారులు నాపై దాడి చేస్తారనిపించింది. అలా జరిగితే చనిపోతాం. అందుకే వాళ్లను నా భద్రతా సిబ్బంది అడ్డుకున్నారు.                                                                 "

-  డొనాల్డ్ ట్రంప్, అమెరికా మాజీ అధ్యక్షుడు

2015 సెప్టెంబర్‌ 3న ట్రంప్‌నకు వ్యతిరేకంగా పలువురు మెక్సికో నిరసనకారులు ఆందోళన చేపట్టారు. మెక్సికో వాసులు డ్రగ్స్ తీసుకువస్తారని, నేరస్థులు, రేపిస్టులని ట్రంప్ వివాదాస్పద వ్యాఖ్యలు చేశారు. ఆ వ్యాఖ్యలకు నిరసనగా ట్రంప్ ముందు వారు నిరసన చేపట్టారు. వారిని అడ్డుకునేందుకు ట్రంప్ భద్రతా సిబ్బంది ప్రయత్నించారు. కానీ అక్కడ హింస చెలరేగింది.