AI Textbooks In South Korea :దక్షిణ కొరియాలోని 30% పాఠశాలల్లో AI పాఠ్యపుస్తకాలు- ప్రపంచవ్యాప్తంగా కొత్త చర్చ
AI Textbooks In South Korea :భవిష్యత్తులో పరీక్షలు నిర్వహించడం, మూల్యాంకనం చేయడం అన్నింటిలో కూడా AI సహాయకుడిగా ఉండొచ్చనే అంచనాలు ఉన్నాయి.
AI Textbooks In South Korea : ప్రపంచం వేగంగా మారుతోంది. కృత్రిమ మేధ (AI) దానికి అతిపెద్ద ఉదాహరణగా మారింది. ఇప్పుడు దీని ప్రభావం పాఠశాలల చదువుపై కూడా కనిపిస్తోంది. ముఖ్యంగా దక్షిణ కొరియా వంటి దేశం ఈ విషయంలో ముందడుగు వేసింది. అక్కడి అనేక పాఠశాలల్లో ఇప్పుడు AI ఆధారిత డిజిటల్ పాఠ్యపుస్తకాలు ఉపయోగిస్తోంది. ఈ మార్పు సంప్రదాయ విద్యా వ్యవస్థలో పెద్ద మలుపు తీసుకురావచ్చని భావిస్తున్నారు విద్యానిపుణులు.
AI పాఠ్యపుస్తకాలతో విద్యార్థుల చదువులు
దక్షిణ కొరియాలో 2025 మార్చి నుంచి ఇప్పటి వరకు దాదాపు 30 శాతం పాఠశాలలు తమ కోర్సుల్లో AI పాఠ్యపుస్తకాలను చేర్చుకున్నాయి. ఈ పుస్తకాలు ప్రాథమిక నుంచి ఉన్నత పాఠశాల వరకు ఉన్న విద్యార్థులను ఉద్దేశించి తీసుకొచ్చారు. ప్రస్తుతం ఇంగ్లీష్, గణితంతోనే ఈ ఏఐ పాఠ్యపుస్కతాలు ప్రారంభించారు. ఈ AI పాఠ్యపుస్తకాలు పిల్లల అవగాహన, స్థాయి, అవసరాలకు అనుగుణంగా కంటెంట్ను సర్దుబాటు చేయగలవు. అంటే ప్రతి విద్యార్థికి వారి నేర్చుకునే వేగానికి అనుగుణంగా చదువు చెప్పవచ్చు.
ఉపాధ్యాయుల శిక్షణ కూడా ఒక సవాలు
అయితే, ఈ కొత్త వ్యవస్థతో కొన్ని సవాళ్లు కూడా ఎదురయ్యాయి. అతిపెద్ద సవాలు ఉపాధ్యాయుల శిక్షణ. AI ఆధారిత పాఠ్యపుస్తకాలను సరిగ్గా ఉపయోగించడానికి ఉపాధ్యాయులకు కొత్త సాంకేతికత అవగాహన, నైపుణ్యాలు అవసరం. దీని కోసం దక్షిణ కొరియా ప్రభుత్వం ప్రత్యేక శిక్షణ కార్యక్రమాలను కూడా ప్రారంభించింది, తద్వారా ఉపాధ్యాయులు ఈ మార్పుతో తమను తాము సర్దుబాటు చేసుకోగలరు.
కళాశాలల్లో AI పాత్రపై కూడా చర్చ
పాఠశాలల్లో AI విషయంలో ఇంత పెద్ద మార్పులు జరుగుతుండగా, ఉన్నత విద్య రంగంలో మార్పులు శ్రీకారం చుట్టారు. ప్రపంచవ్యాప్తంగా ఉన్న నిపుణులు కళాశాలలు, విశ్వవిద్యాలయాలలో AIని ఎలా చేర్చవచ్చో చర్చిస్తున్నారు.
LinkedIn సహ వ్యవస్థాపకుడు రీడ్ హాఫ్మన్ AIని విస్మరించడం ఇక సాధ్యం కాదని అంటున్నారు. విద్యార్థులు ఇప్పుడు అసైన్మెంట్లు, ఎస్సైలు వంటి పనులను AI సాధనాల సహాయంతో పూర్తి చేస్తున్నారని, అందువల్ల సంప్రదాయ మూల్యాంకన పద్ధతులు ఇక అంత ప్రభావవంతంగా లేవని ఆయన అంటున్నారు.
భవిష్యత్తులో 'అసిస్టెంట్ ఎగ్జామినర్' AI
హాఫ్మన్ సూచన ప్రకారం, భవిష్యత్తులో AIని పరీక్షల్లో అసిస్టెంట్ ఎగ్జామినర్గా నియమించవచ్చు. అలాగే, మౌఖిక పరీక్షలకు ఎక్కువ ప్రాధాన్యత ఇవ్వవచ్చు ఎందుకంటే దీని ద్వారా విద్యార్థుల అవగాహనను మెరుగైన విధంగా పరీక్షించవచ్చు.
AI ద్వారా రూపొందించిన నిబంధనలను ఉదాహరణగా ఉపయోగించవచ్చని ఆయన కూడా అన్నారు. సాధారణ సమాచారం ఇవ్వడం సరిపోదని, లోతు, విశ్లేషణ అవసరమని చూపించడానికి దీన్ని ఉపయోగించవచ్చు.
దక్షిణ కొరియా విద్యలో AIని చేర్చడం ద్వారా కొత్త అడుగులు వేసింది. ఈ మార్పు ఒక దేశానికి మాత్రమే పరిమితం కాదు. ఈ నమూనా విజయవంతమైతే, భవిష్యత్తులో మరిన్ని దేశాలు ఈ మార్గంలో వెళ్ళవచ్చు. అలాగే, పాఠశాలలు, కళాశాలలు రెండూ AI విషయంలో తమ ఆలోచన, పద్ధతులను మార్చుకోవాలి అనేది స్పష్టమవుతోంది. ఇప్పుడు AIని అవలంబించాలా వద్దా అనేది కాదు, దానిని ఎలా మెరుగైన విధంగా ఆచరించాలనే ఆలోచన చేయాలని టెక్ నిపుణులు సూచిస్తున్నారు.
టాప్ హెడ్ లైన్స్
ట్రెండింగ్ వార్తలు
