Viral Video: సింగర్‌పై నోట్ల వర్షం కురిపించారు, అక్కడ ఇదో ఆచారమట - వైరల్ వీడియో

Viral Video: గుజరాత్‌లో ఓ ఫోక్ సింగర్‌పై నోట్ల వర్షం కురిపించారు.

గుజరాత్‌లో ఓ ఫోక్ సింగర్‌పై నోట్ల వర్షం కురిపించారు. (Image Credits: ANI)

Viral Video:

గుజరాత్‌లో..

గుజరాత్‌కు చెందిన ఓ గాయకుడిపై నోట్ల వర్షం కురిపించిన వీడియో సోషల్ మీడియాలో తెగ వైరల్ అవుతోంది. ఫోక్ సింగర్ కీర్తిదన్ గధ్వీ  భజన సమయంలో పాడిన పాట విని ముగ్ధులైన భక్తులు ఒక్కసారిగా నోట్ల వర్షం కురిపించారు. గుజరాత్‌లోని వల్సద్‌లో జరిగిందీ ఘటన. వల్సద్ అగ్నివీర్ గో సేవా దళ్ ఏర్పాటు చేసిన ప్రత్యేక కార్యక్రమంలో పాటలు పాడాడు. చుట్టూ ఉన్న వాళ్లు ఒక్కసారి రూ.10, 20,50,100 నోట్లు ఆయనపై వెదజల్లారు. ప్రముఖ వార్తా సంస్థ ANI ఈ వీడియోని ట్విటర్‌లో పోస్ట్ చేసింది. పోడియంపైన కూర్చుని హార్మోనియం వాయిస్తూ కీర్తిదన్ పాట పాడుతున్నాడు. అప్పటి వరకూ కూర్చున్న ప్రేక్షకులంతా ఒక్కసారిగా ముందుకు వచ్చి నోట్లు చల్లడం మొదలు పెట్టారు. మొత్తం వేదిక అంతా కరెన్సీ నోట్లతో నిండిపోయింది. నిజానికి గుజరాత్‌లో ఇదో ట్రెండ్‌ అయిపోయింది. ఫోక్‌ సింగర్స్ ఎవరు ఎక్కడ ఇలాంటి ప్రోగ్రామ్స్ ఇచ్చినా వాళ్లపై ఇలా నోట్ల వర్షం కురిపిస్తారు. అంతే కాదు. ఇలా వచ్చిన డబ్బుని సామాజిక సేవకే వినియోగిస్తారట. అయితే...అనారోగ్యానికి గురైన ఆవులకు చికిత్స అందించడానికి, వాటి బాగోగులు చూడటానికి ఈ కార్యక్రమం ఏర్పాటు చేశారు. ఆ స్టేజ్‌పై కురిపించిన డబ్బునంతా ఆ ఆవుల ఆరోగ్యం కోసమే ఖర్చు చేస్తారట. అంతకు ముందు నవసరి గ్రామంలోనూ కీర్తిదన్‌ కచేరీ పెట్టగా అప్పుడు ఏకంగా రూ.50 లక్షల నోట్ల  వర్షం ఆయనపై కురిపించారు ఆడియన్స్. 

#WATCH | People showered money on singer Kirtidan Gadhvi at an event organised in Valsad, Gujarat on 11th March pic.twitter.com/kH4G1KUcHo

— ANI (@ANI) March 12, 2023

సోషల్ మీడియా. ఇప్పుడిదే అందరి ప్రపంచం. జస్ట్ అలా ఫేస్‌బుక్, ఇన్‌స్టా ఓపెన్ చేస్తే చాలు. బోలెడంత కంటెంట్. వీడియోలైతే చెప్పనవసరం లేదు. స్క్రోల్ చేస్తున్న కొద్ది వస్తూనే ఉంటాయి. వాటిలో కొన్ని విపరీతంగా వైరల్ అవుతాయి. మొన్నా మధ్య బెంగళూరులో ఓ వ్యక్తి బ్రిడ్జ్‌ పై నుంచి నోట్ల వర్షం కురిపించిన వీడియో చాలా రోజుల పాటు వైరల్ అయింది. ఇప్పుడు మరోసారి అలాంటి వీడియోనే సోషల్ మీడియాలో చక్కర్లు కొడుతోంది. గుజరాత్‌లోని మెషనా జిల్లాలో ఓ మాజీ సర్పంచ్‌ తన ఇంటి డాబాపై నుంచి నోట్ల వర్షం కురిపించాడు. ఎన్ని లక్షలు అలా పై నుంచి నోట్లు విసురుతూనే ఉన్నాడు. తన మేనల్లుడికి పెళ్లి జరుగుతోందన్న సంతోషంలో ఇలా చేశాడు. కెర్రీ తహసీల్లోని అగోల్ గ్రామంలో తన మేనల్లుడు రజాక్ పెళ్లి సందర్భంగా మాజీ సర్పంచ్ కరీమ్ యాదవ్ ఊరేగింపు నిర్వహించాడు. ఆ సమంలోనే బిల్డింగ్‌పై నిలబడి రూ.500 విలువైన నోట్లను ప్రజలపై విసిరాడు. దాదాపు రూ.5 లక్షలు ఇలా విసిరినట్టు తెలుస్తోంది. ప్రస్తుతం ఈ వీడియో తెగ వైరల్ అవుతోంది. జోధా అక్బర్‌లోని అజీమ్ ఓ షాన్ షెహన్‌షా అనే పాట బ్యాక్‌గ్రౌండ్‌లో వినబడుతోంది. పైన నిలబడి ఆ వ్యక్తి పూలు జల్లినంత సింపుల్‌గా నోట్లు చల్లుతూ కనిపించాడు. 

Gujarat के मेहसाणा जिले में पूर्व सरपंच के भतीजे की शादी में लाखों रुपए हवा में उड़ा दिए गए।

- 100 और 500 के उड़ाए गए नोट।
- वीडियो सोशल मीडिया पर तेजी से Viral हो रहा है। pic.twitter.com/JG6CKFJ38C

— Shubhankar Mishra (@shubhankrmishra) February 18, 2023