Viral News: మస్క్ మామ ట్వీట్‌కి యూపీ పోలీస్‌ల అదిరిపోయే రిప్లై, వైరల్ అవుతున్న పోస్ట్

UP Police reply to Elon Musk Tweet:

ఫన్నీ రిప్లై..

ట్విటర్ సీఈవోగా ఎలన్ మస్క్ బాధ్యతలు తీసుకున్నాక...ఆ కంపెనీలో ఎన్నో మార్పులు వచ్చాయి. ఇంకా వస్తూనే ఉన్నాయి. ఆ బాధ్యతలు తీసుకున్న మొదటి రోజు నుంచే తరచూ వార్తల్లో నిలుస్తున్నారు మస్క్. ట్విటర్‌లో ఎప్పుడూ యాక్టివ్‌గా ఉంటున్నారు. ఆయన చేసే ట్వీట్‌లు కూడా క్షణాల్లో వైరల్ అయిపోతున్నాయి. మస్క్ చేసిన ట్వీట్‌కి యూపీ పోలీస్‌లు కూడా స్పందించారు. మస్క్‌కు రిప్లైగా ఇచ్చిన ఈ ట్వీట్
వైరల్ అవుతోంది. "నేను ట్వీట్ చేశాననుకోండి. అది నా పనిలో భాగంగానే అనుకోవాలంటారా..?" అని ప్రశ్నిస్తూ ట్వీట్ చేశారు ఎలన్ మస్క్. ట్విటర్‌ తనదే కనుక...ట్వీట్ చేసినా కూడా పని చేసినట్టే కౌంట్ అవుతుందా అని అలా ఫన్నీగా ప్రశ్నించారు. దీనికి యూపీ పోలీస్ ట్విటర్ హ్యాండిల్ నుంచి వచ్చి రిప్లై అందరినీ అలరిస్తోంది. "యూపీ పోలీసులు మీ సమస్యల్ని కేవలం ఓ ట్వీట్‌తో పరిష్కరిస్తే..అది మా పనిలో భాగమే అనుకోవాలంటారా.." అని ట్వీట్ చేసింది. ఇదే స్క్రీన్‌షాట్‌ తీసి మరో ట్వీట్ చేశారు యూపీ పోలీస్‌లు. ఈ ట్వీట్‌పై నెటిజన్లు ఫన్నీగా స్పందిస్తున్నారు. 

Yes it does!#TwitterSevaUPP @elonmusk pic.twitter.com/qfGxAdvjkj

— UP POLICE (@Uppolice) November 25, 2022

😂😂 Love it https://t.co/sjgEvvHBt7

— Anshuman Rai (@AnshumanRai3) November 26, 2022

Beautiful reply by @Uppolice https://t.co/W7pW7cbyMZ

— Commando Sumit Bhardwaj (@commando_sumit) November 26, 2022

ట్విటర్లో ఉద్యోగుల కోత ప్రక్రియ ముగిసిందని సమాచారం. త్వరలోనే ఇంజినీరింగ్‌ ఇతర విభాగాల్లో నియామకాలు మొదలవు తాయని కంపెనీ సీఈవో ఎలన్‌ మస్క్ అన్నారు. ఆర్థిక పరిస్థితుల వల్లే ఉద్యోగులను ఇంటికి పంపించాల్సి వచ్చిందనిపేర్కొన్నారు. ఈ మేరకు వెర్జ్‌ ఓ కథనం ప్రచురించింది. టెస్లా అధినేత ఎలన్‌ మస్క్‌ కొన్ని రోజుల క్రితమే మైక్రో బ్లాగింగ్‌ వేదిక ట్విటర్‌ను కొనుగోలు చేశారు. వెంటనే సంస్థాగత చర్యలు చేపట్టారు. బ్లూటిక్‌ అంశంలో రకరకాల ప్రయోగాలు చేశారు. కంపెనీ నష్టాలను తగ్గించేందుకు ఉద్యోగులపై వేటు వేశారు. అంతర్జాతీయంగా దాదాపు 7500 మందిని తొలగించారు. ఇంటి వద్ద పనిచేస్తున్న వారికి ఆఫీస్‌కు రావాలని ఆదేశించారు. కఠోరంగా శ్రమించకపోతే ఇంటికి పంపించేస్తామని హెచ్చరించారు.

Also Read: క్రేజీ డెసిషన్స్‌తో పిచ్చెక్కిస్తున్న మస్క్ మామ - ట్రంప్ బాటలోనే కంగనా కూడా!